Juaṉ 1:17 - Yus Papí: Shuarja̱i̱ Yus Yamaram Chicham Najanamu

¹⁷ Yusa akupeamuri̱n Muisais yaunchu jintintraiti, antsu waitnenkartutai̱ncha tura ashí nekas ana nusha Jesukrístuja̱i̱ tarutrámniuitji.

Juaṉ 1:17 Iomraidhean Croise

Naṉ. 22:18

Tura ámeka Winia chichamur umirtuku asakmin ame shuarumji̱a̱i̱ tura ashí aents péṉker árat tusan péṉker awajsartatjai’” Yusa suntari̱ ujakmiayi.

Naṉ. 3:15

Ámin nuwa̱ja̱i̱ nemasmamtikiattajme. Tura ame tiraṉmí tiraṉki̱sha nuwa̱nuja̱i̱sha núnisaṉ nemasnaikia ártatui. Ti ukunam nuwa̱nu átatna nu muukmin najatmarmatai ame ni saṉkani̱n esaim najaimiamtikiattame.” Tú timiayi Uunt Yus.

YKan. 85:10

Waitnenkartutai̱ nekasa nuja̱i̱ wainniaikiarmai tura nákak túrutai̱ aṉkantin shiira nuja̱i̱ meje̱naisarmai.

YKan. 98:3

Tura Ni waitnenkartutairi̱n tura nekas chichatairi̱ya nuna enentáimtus Israer shuarnaka yáiṉkiuiti. Tura ashí nuṉka náṉkatrainia ímianai pujuinia nu ii Yusri̱ uwemtikrampramun nékainiawai.

Mik. 7:20

Tura tí yaunchu ii aparí̱ Aprajámsha nuyá̱ Jakupsha nekas túrattajme tímiamna ímiatrusmek umimiám nuja̱i̱ métek waitnenkarturta.

Juaṉ 1:14

Túrasha nú Chichamsha aya̱shtin ajas iiji̱a̱i̱ núkap tsawant pujumiayi. Yusa waitnenkartutairiji̱a̱i̱ tura ashí nekasa nuja̱i̱ piákuyi. Núnisaṉ ni péṉkeri̱n aya Yusa Uchirí̱ chíkichkia nu takusminia nuna iniakmamiayi. Nusha iisha paant wáinkiaitji.

Juaṉ 14:6

Takui̱ Jesus aya̱k “Wi nekas jíntiaitjiai. Núnisnak Nekasa nuitjiai. Tura Iwiaakmaitjiai. Yaaksha Winí̱ winiachkuṉka Aparuí̱ peṉké jeashtatui.

Juaṉ 18:37

Piratusha “¿Nuikia ame nekas úunt akupniukaitiam?” tutai Jesussha “Ee, ame támena nu nekasaiti. Jú̱ nuṉkanam akiinian ashí shuaran nekasa nuna ujaktinian táwitjiai. Ashí shuar nekasa nuna umirniuka Wi táman ántawai” tímiayi.

Juaṉ 5:45

‘Ii yajauch túrutairi̱n Yusai̱ etserturmaktatji’ turutiirap. ‘Muisais akupkámun umirkan uwemprattajai’ tátsurmek. Antsu Muisais aarma nuja̱i̱ atumí tunaarí̱ etsernaktatui.

Juaṉ 7:19

Muisais Yusa akupkámuri̱n atumí úuntri̱n amaschamka. Tuma ai̱ṉ nu umitsuk mantuatin wakerutarme” tímiayi Jesus.

Juaṉ 8:32

Núja̱i̱sha timiá nekas ana nu nekaattarme tura nekas aṉkant ajastatrume” tímiayi.

Juaṉ 9:29

Yus Muisaisan akupkaiti iikia nékaji antsu nu áishmaṉ nékatsji. ¿Tuya̱ntskait?” tiármiayi.

Tur. 28:23

Nú tsawantai̱ iruntrami tiarmia nú tsawant jeamtai ti untsurí aents Papru pujamunam iruntrarmiayi. Papru jintintiáiniak Muisais yaunchu aar akupkámia nuja̱i̱ tura chíkich Yúsnan etserniu áarmari̱ji̱a̱i̱sha Jesus nekas Yusa Anaikiamuri̱nti tusa paant jintintiáwarmiayi. Nuna tura káshik naṉkama Yus akupeamunam pachinkiatniun étse étserkua kí̱arai̱ iniaisámiayi.

Tur. 7:38

Jú̱ Muisais Israer shuarja̱i̱ atsamunam pujumiayi. Senái nainnium Yusa suntari̱ níji̱a̱i̱sha pujumiayi. Tura Muisaiska ii úuntri̱ji̱a̱i̱ pujumiayi. Níyaiti iwiaaku pujustin chichaman sunasmia nu. Iin ujatmáktinian sunasmiayi.

Rum. 6:14

Akupkámu umirkatniuja̱i̱ iwiaaku pujatsrume. Antsu atumín Yus ti anenma asa yamaram iwiaakman suramsaitrume. Tuma asamtai yamaikia tunaaka nupettamkachminiaiti.

2 Kur. 1:20

Níji̱a̱i̱sha Yus tana nu tímiatrusaṉ uminiui. Tuma asamtai Jesukrístu enentáimtakur “ni tana nuna nekas túrattawai” tu enentáimji. Tu enentáimsar Yusa naari̱ shiir awajeaji.

Kar. 3:17

Wátsek, Yus núnisaṉ chichaman Aprajámja̱i̱ najana ukunam umitsuk iniaisachminiaiti. Tura chichaman najanamia nú ukunam kuatrusiántu traintia uwí naṉkaamasmatai Yus ni akupkámuri̱n Muisaisan susamiayi. Túramaitiat nuja̱i̱ Yusa yaunchu chichame̱n iniaisatniun yapaji̱áchmiayi.

Muis. 33:4

Tura akupkámu umiktin chichaman Muisaiska Israer shuaran súsarmiayi, nuyá̱ ni akupniúri̱ ajasmiayi.

Muis. 4:44

Ju̱i̱ti akupkámu umiktin chichaman Ejiptunmaya̱ jíintrarmatai akupin Sejun Ishpunnum pujuya nuna nuṉke̱e̱n Pitpiurnum íṉkiuasmak paka ana nui̱ Jurtan entsa amaini̱ matsatainian Israer shuaran akupkámu chichaman Muisais súsarmia nu. Tura Amur aentsu akupniúri̱ Sejunnasha núnisaṉ Pasannumia̱ akupin Úknasha Israer shuar Muisaisja̱i̱ máwarmiayi tura nuṉke̱nka atantrarmiayi. Nuyá̱ Aruirnum Arnun entsa kaanmatkari̱ya̱ juárkim Seun naint Irmun tutaiya̱ tímianai núnisaṉ Arapáka takamtsuk Jurtan entsa amainia̱ juarki̱ Piska wájakmari̱n Arapá nayantsa tímianai nérentin ajasármiayi.

Muis. 5:1

Ashí Israer shuaran Muisais chicharainiak “Akupkámu umiktin chichaman wi tájarmena nu unuimiátrarum péṉker enentáimtusrum umirkatarum. Kame atumí aparí̱ji̱a̱i̱ṉkia chichamnaka najanachuiti. Atumji̱a̱i̱sha Urepnum chichamnaka najanamai. Paant iirmas chichartamkamarme túrasha átumka sapijmiakrum anturkachmarme. Túmakrumin atumniaka wi chichamnaka iniaṉkatmiajrume. Tura Uunt Yuska atumí Yusri̱ntji̱a̱i̱ Ejiptunam emetamu wáitkiatai pujarmin jí̱i̱rmiajrum nu Yúsketjai turamarme.

Isr. 9:22

Nu akupkámuja̱i̱ peṉké ishichik numpa ukatkachmaja̱i̱ shiir awajsámniaiti. Túmaitiat numpaja̱i̱nchuka yajauch túrutai̱ peṉké asakárchamniaiti.