Juaṉ 1:15 - Yus Papí: Shuarja̱i̱ Yus Yamaram Chicham Najanamu

¹⁵ Juaṉsha Nin neka asa étseruk “Ju̱i̱ti wi tímiaj nu ‘Winia úkurui̱ni̱ winittiana nuka wíji̱a̱i̱ṉkia émkaiti. Maa, wi atsai̱sha tuke pujuyayi’ tímiajai” tímiayi.

Juaṉ 1:15 Iomraidhean Croise

Neka. 8:22

Ashí najankamu áiniana núnaka najantsuk émkaka winia nekas tí peṉker enentáimturas Uunt Yuska najatamiayi.

Isa. 9:6

Warí nu Úchikia iin akiintiurmaitji, chikichik Uchin suramsaitji. Nisha ti kakaram akupin átatui. Ni náari̱ṉkia “Aentsja̱i̱ Naṉkaamas Chicharkartin”, “Kakaram Yus”, “Tuke Pujú Apa”, “Aṉkant Pujustinnia Uuntri̱” tu anaikiamu átatui.

Mik. 5:2

Tura ame Épratanmaya̱ Piriṉkia, Jutá weanmaya̱ imiá uchich ámini̱ṉ, aminí̱ya̱ Israer shuarnum akupin jiintiurkittiawai. Niṉkia ti yáunchuya̱iti. Kame náṉkachu asa tuke pujuwiti. Isa. 11:1; Mat. 2:6

Mat. 3:11

Wikia átum ené enentáimiá ajasákrumin aya entsaja̱i̱ṉ ímiajrume. Antsu winia úkurui̱ winiana nuka péṉker awajtámsataj tusa imiantinia ánis tura jía ánis Yusa Wakaní̱n eṉketramprattarme. Wiji̱a̱i̱ naṉkamantu asamtai wikia tsuntsumpruán ni sapatrí̱nkisha atitrachminiaitjiai.

Mar. 1:7

Nisha aentsun ujaak chicharainiak “Wíji̱a̱i̱ṉkia naṉkaamas ana nu winia ukurui̱ winittiawai. Nisha nekas ii Uuntri̱ asamtai wikia tsuntsumpruán ni sapatri̱ jiṉkiamuri̱nkisha atitrachminiaitjiai.

Ruk. 3:16

Tumai̱ Juaṉ ashí aentsun chicharainiak “Wikia aya entsá ímiajrume. Tura wiji̱a̱i̱ naṉkaamas kakaram winiawai. Tuma asamtai ni sapatri̱ jiṉkiamuri̱nkisha atitrachminiaitjiai. Nisha taa imiantinia ánis tura jiya ánis Yusa Wakaní̱n eṉketramprattarme.

Juaṉ 1:27

Nisha winia úkurui̱ni̱ winiayat wíji̱a̱i̱ṉkia ti naṉkamantuiti. Ni ti péṉker asamtai wisha ni sapatri̱ jiṉkiamuri̱nkisha atitrachminiaitjiai” tímiayi.

Juaṉ 17:5

Nuna túramtai Aparu, ti yaunchu jú̱ nuṉka atsai̱sha Ámiji̱a̱i̱ pujakui shiir awajtúsmamna núnismek yamaisha shiir awajtusta.

Juaṉ 8:58

Tutai Jesussha chichaak “Ti nekasan tájarme, Aprajámka pujatsa̱i̱ṉ Wikia Wíkitjiai” tímiayi Jesus.

Kurs. 1:17

Ashí najanamua nuna yaunchu Krístuka tuke pujuwiti. Ashí najanamu írunna nuna emestsuk wáinniuiti.

Isr. 13:8

Jesukrístuka tuke yapají̱tsuk nuikiya núnisaṉ yamaisha tura ukunmasha tuke núnisaṉ átatui.

Apu. 1:11

Tura chichaak “Witjiai Émkanka tura Náṉkatkancha Wíkitjiai. Yáunchusha tuke pujuyajai. Núnisnak yamaisha tuke pujajai. Tuma asamtai wáinmena ju̱, papinium áaram Ásianam siati péprunam Yus shuar írunna nui̱ akuptúkarta. Jú̱ peprunam akupkarta, Ipisiusha, Ismirnasha, Pírkamusha, Tiatirasha, Sártissha, Piratírpiasha tura Rautiséasha” turutmiai.

Apu. 2:8

Nuyá̱ turutmiai “Ismirnanmaya̱ Yus shuara uuntri̱ ju̱ áatrata. Yámankamtaikniumia̱ amúamunam tuke pujuwa nu tura núnisaṉ jaka nantakmia nu tawai