Juaṉ 1:14 - Yus Papí: Shuarja̱i̱ Yus Yamaram Chicham Najanamu

¹⁴ Túrasha nú Chichamsha aya̱shtin ajas iiji̱a̱i̱ núkap tsawant pujumiayi. Yusa waitnenkartutairiji̱a̱i̱ tura ashí nekasa nuja̱i̱ piákuyi. Núnisaṉ ni péṉkeri̱n aya Yusa Uchirí̱ chíkichkia nu takusminia nuna iniakmamiayi. Nusha iisha paant wáinkiaitji.

Juaṉ 1:14 Iomraidhean Croise

YKan. 2:7

Wi Uunt Yus akupeana nuna ujakáran paant awajtúsartatjai. Uunt Yus chichartak “Ame winia uchiruitme. Túmaitkiui yamaikia Wikia ame ápaitjiai. Tur. 13:33; Isr. 1:5; 5:5

YKan. 45:2

Ashí aentsja̱i̱sha naṉkaamas ámeka tí shiirmaitme. Ámeka waitnenkartamu chichamja̱i̱ chichaaku asakmin Yus péṉkernum tuke yumiṉkrampraiti.

YKan. 85:9

Ii nuṉke̱n Ni winchari̱ pujusat tusa ti nekas arantuk ashampramainia nuna uwempratniuri̱nkia ishichik ajasái.

Isa. 40:5

Nuya̱ṉka Uunt Yus ni péṉkeri̱n paant awajsattawai. Warí Uunt Yus Niṉki tiniu asamtai ashí aents paant wáinkiartatui” tawai tímiayi.

Isa. 53:2

Ni íismaka nuṉka káarunmaya̱ kaṉkap puṉkái̱ jeana núnikmiayi. Niṉkia naṉkamantu enentáimtumamuri̱sha atsumai, shíirmari̱sha wáitkiachmaji tura iisrisha wakerukchamniauyi.

Isa. 7:14

Tuma asamtai Úunt Yusak aents túrachminian túrattawai. Nuwa̱ natsach ajapruktatui tura uchin takustatui nuna náari̱sha Emanuér anainiaktatui. Mat. 1:23; Ruk. 1:31,34

Isk. 37:27

Túran ni pujuiniamunmaani̱ pujustatjai. Wisha ni Yusri̱ átatjai tura nisha Wi shuar ártatui.

Mat. 1:16

Jakupa uchirí̱ Jusé Marí áishri̱ya nu. Marisha Jesusan takusmiayi. Nu Jesuska shuaran uwemtikkiartin asa Kristu tu anaikiamuiti.

Ruk. 2:11

Ju̱i̱ti. Yamái tsawantai̱ Tawitia pépruri̱n Piriṉnum yaunchu Yus Uunt anaikiamu KRISTU tutai, Uwemtikkiartin akiintiurmarme. Nu Uchisha ashí aentsun akupniuiti.

Ruk. 2:7

Nui̱ uchi áishmaṉkan iwia̱i̱n takusmiayi. Tura uchi penutaiji̱a̱i̱ penuar waaka yurumtainiam aepsamiayi. Írar kanutai pujustin aṉkant atsá asamtai túrawarmiayi.

Ruk. 9:32

Pítiur ni tsaníakmari̱ji̱a̱i̱ kari̱ ti pujainiai̱ṉ iwiáa pujuarmiayi. Tuma ásar Jesusan tura jimiará aishmaṉja̱i̱ jíitsumir ajas wajainian wáinkiarmiayi.

Juaṉ 1:1

Ashí naṉkamnamia nú yaunchuksha Yusa Uchirí̱ṉkia tuke pujuyayi. Nisha Yusan tí paant awajeakui Chícham tíminiaiti. Chichamsha Yusja̱i̱ pujuyayi. Chichamsha Yúsauyayi.

Juaṉ 11:40

Tura Jesus chichaak “Yus enentáimtakmeka Yusa kakarmari̱ wainkiattame tíchamkajam” tímiayi.

Juaṉ 14:6

Takui̱ Jesus aya̱k “Wi nekas jíntiaitjiai. Núnisnak Nekasa nuitjiai. Tura Iwiaakmaitjiai. Yaaksha Winí̱ winiachkuṉka Aparuí̱ peṉké jeashtatui.

Juaṉ 14:9

Jesus chichaak “Jiripí, atumji̱a̱i̱ ti pujusu ai̱sha ¿tuke nékartsumek? Winia waitkia nuka Winia Aparnasha wáinkiaiti. ¿Itiurak nuikia ‘Apasha wainkiarkia maak’ tame?

Juaṉ 17:22

Ame páantniuram surusuitmena núnisnak Wisha winia páantniurun súsaruitjiai. Iikia chikichik ájinia núnisaṉ nisha chikichik ajasárti tusan túraitjiai.

Juaṉ 17:24

Aparu, shuar surusmam nu Wi pujustatjana nui̱ pujusárti tusan seajme. Kame ju̱ nuṉká nájanchamunmaṉ tuke anentin asam ti shiir awajtúsuitme. Tura ti shiir awajtúsmamna nuna íisarti tusan nuna seajme.

Juaṉ 18:37

Piratusha “¿Nuikia ame nekas úunt akupniukaitiam?” tutai Jesussha “Ee, ame támena nu nekasaiti. Jú̱ nuṉkanam akiinian ashí shuaran nekasa nuna ujaktinian táwitjiai. Ashí shuar nekasa nuna umirniuka Wi táman ántawai” tímiayi.

Juaṉ 2:11

Jesus ju̱ túramu Kaná Kariréanam túrunamiayi. Núja̱i̱ṉkia Jesus emka ni kakarmari̱n paant iniakmasmiayi. Nuna iisar ni unuiniamuri̱sha Niin enentáimtusarmiayi.

Juaṉ 3:16

Yuska ashí shuaran ti anea asa, ni Uchirí̱n chikichik ana nuna shuaran uwemtikrarat tusa tsaṉkatkamiayi. Tuma asa ashí shuar Niin enentáimtana nu, jinium wécharat tusa antsu Yusai̱ tuke iwiaaku pujusárat tusa ni Uchirí̱n akuptúrmakmiaji.

Juaṉ 3:18

Yusa Uchirí̱n enentáimtana nuka jinium peṉké surunkashtiniaiti. Tura Niin enentáimtatsna nuka Yusa Uchirí̱n chikichik ana nuna enentáimtachu asa páchitsuk jinium surukmaiti.

Juaṉ 6:51

Wikia nayaimpinmaya̱ tara iwiaaku apatkuitjiai. Nu apatkun shuar yúakka tuke iwiaaku átiniaiti. Nu apatkun Wi susattaj nusha winia aya̱shruiti. Ashí shuar Yusai̱ iwiaaku pujusárti tusan winia aya̱shrun susattajai” tímiayi Jesus.

Juaṉ 8:32

Núja̱i̱sha timiá nekas ana nu nekaattarme tura nekas aṉkant ajastatrume” tímiayi.

Tur. 13:33

Iisha Israer wea asakrin Yuska Jesusan iniantkímia nuja̱i̱ ii apachrí̱n anajmatramia nuna yamái uminkiaiti. Kame Yus Kanta papinium jímiar ju̱ áarmaiti, ‘Ámeka winia Uchiruitme. Túmaitkiui yamaikia winia iwiaakmar susamuitme.’ YKan. 2:7

Rum. 8:3

Aya̱sh wakerutaiṉkia wi akupkámun enentáimtakui nuna naṉkaamas tunaan wakerumtikrimiayi. Tuma asamtai akupkámuka yáinkiachminiuyi. Antsu akupkámu tujintkiamia nuna Yus túraiti. Ni Uchirí̱n aya̱shtin awajás tunaan jarukat tusa akupkámiayi. Tura nuja̱i̱ aya̱sh tunáa wakeramun nupetkamiayi.

Rum. 9:5

Ni we̱a̱trí̱n Yusan tí peṉker enentáimtin irunmiayi. Krístusha aents ajas nú shuarnum akiiniamiayi. Krístuka Uunt Yus asa tura ashí akupin asa Niṉki tuke shiir awajnásti. Núnisaṉ atí.

1 Kur. 15:47

Emka áishmaṉ nuṉkaja̱i̱ najanamu asa nuṉkaya̱iti. Ukunmaya̱ áishmaṉsha ii Uuntri̱ Kristu asa nayaimpinmaya̱iti.

2 Kur. 12:9

Tuma ai̱ṉ Uunt winia turutmiayi “Atsá. Jaa pujayatmek winia waitnenkartutairja̱i̱ shiir pujame. Shuar kakarmachun winia kakarmarun Wi súakui ashí aents nu shuara aya̱shi̱i̱n winia kakarmarun wainiainiawai.” Tuma asamtai Kristu kakarmari̱ winia aya̱shrui̱ paant ati tusan kakarmachuitiatnak araantatsjai.

Kar. 4:4

Tura tsawant jeamtai Yus ni Uchirí̱n akupkámiayi ju̱ nuṉkanam. Nisha Yúsaitiat nuwa̱nam akiiniamiayi. Tura aents ajasmiayi. Tura aents ajas yaunchu akupkámuncha umirkatniuyayi.

Ipi. 3:8

Ashí Yus shuarja̱i̱ naṉkaamas wi péṉkercha ai̱ṉ Israer shuarchanum shiir chichaman etserkat tusa Yus tsaṉkatrukmiayi. Krístuja̱i̱ṉkia kuitji̱a̱i̱ naṉkaamas péṉker, enentáimtustin jeatsjinia nu, takakji. Nusha ti shiir chichamaiti.

Kurs. 1:19

Yus ashí takamtsuk Kristui̱ shiir pujumiayi.

Kurs. 2:3

Tura kakaram ajasam Kristu péṉker nekaam ashí shiir enentáimpramnia nusha tura ashí Yusna nekaamnia nusha nekaattarme.

Kurs. 2:9

Krístunam Yus ashí takamtsuk pujuwiti.

1 Tim. 3:16

Maa, imiá nekasaiti, Yus iwiaintiurmakma ashí naṉkaamas tí enentáimtustiniaiti. Tura ju̱i̱ti, Yuska aents ajas aya̱shtiuk jú̱ nuṉkanam paant wantinkiamiayi. Yus Wakancha “tuke peṉké mátrachuiti” Niin etserkamuiti. Yusa suntarí̱sha Nin wáinkiarmiayi. Ashí nuṉkanam nu etsernakmiayi. Túramtai ashí nuṉkanmaya̱ aents nekas enentáiji̱a̱i̱ enentáimtusaruiti. Tura nayaimpiniam iwiaintiurkamuyayi.

Isr. 1:3

Níyaiti Yusan imiá métek nakumeana nu. Tura Níyaiti Yus naṉkaamas shiira nuna paant awajeana nu. Nisha aya ni chichame̱ja̱i̱ kakarma nuja̱i̱ ashí írunna nuna wáiniuk emeta pujurui. Tura ii yajauch túramuri̱n nijiatramak akupin pujutai̱nium Yusa untsuurí̱ni̱ pujusuiti.

Isr. 1:5

Wátsek nayaimpinmaya̱ suntaran chikichkinkesha ju̱na tútsuk Krístun tímiayi. “Ame winia Uchiruitme. Túmaitkiui yamaikia winia iwiaakmarun súsaitjiame.” YKan. 2:7 Tura núnisaṉ tímiayi “Wi ni aparí̱ átatjai tura Ni winia uchir átatui.” 2 Sam. 7:14

Isr. 10:5

Nu asamtai Kristu jú̱ nuṉkanam taa Yusan chicharuk “Taṉku maar sútai̱sha peṉké nakitrame. Antsu aya̱sh iwiaram surusuitme.

Isr. 2:11

Yusna atí tusa shiir awajsámuncha tura Kristu nin shiir awajea nunasha Yuska mái̱ metek ni Aparí̱nti. Nu asamtai Yusa Uchirí̱ nú shuaran “yatsur” títinian natsantatsui.

Isr. 5:5

Núniskete Krístuja̱i̱. Nisha ni enentái̱ji̱a̱i̱ Yúsnan pujurniu uuntri̱ ajaschamiayi. Antsu Yus Nin anaik nuja̱i̱ shiir awajsámiayi. Tura tímiayi “Ame winia Uchiruitme. Túmaitkiui yamaikia winia kakarmarun átakeajme.” YKan. 2:7

1 Jṉ. 4:14

Yus Apa ni Uchirí̱n ashí shuaran uwemtikrarat tusa ju̱ nuṉkanam akupkámia nu wainkia asarⁱ étsereaji.

1 Jṉ. 4:9

Tuma asa ni Uchirí̱ chikichkiniak ju̱ nuṉkanam akuptúrmakmiaji. Iisha ni túrunamuja̱i̱ nekas iwiaaku pujaji. Nuja̱i̱ Yus iin yáintmak ni aneṉkrattain paant iniakturmasmiaji.

2 Jṉ. 1:7

Ju̱ nuṉkanam anaṉkartincha ti írunui. Jesukrístu nekas aents ajas akiiniamia nuna enentáimtuiniatsui. Nu shuar anaṉkartin ásar Kristu nemasri̱ áiniawai.

Apu. 21:3

Nayaimpinmaya̱ ti kakantar chichaamun antukmajai. “Iisiá, Yus yamaikia aentsja̱i̱ pujawai. Tuke niji̱a̱i̱ pujakui ashí ni shuari̱ ártatui. Tura niji̱a̱i̱ tuke pujak nekas tuke ni Yusri̱ átatui.