Juaṉ 1:13 - Yus Papí: Shuarja̱i̱ Yus Yamaram Chicham Najanamu

¹³ Nisha Yusa uchirí̱ ajasár ataksha númpentin aya̱shi̱n aya̱shímkiacharmai. Aentsnumia̱ akiiniachu áiniawai tura áishmaṉ wakeramuja̱i̱sha akiiniacharmai. Antsu Yusai̱ya̱ akiiniawaru ásar Yusa uchirí̱ áiniawai.

Juaṉ 1:13 Iomraidhean Croise

Naṉ. 25:22

Tura init eṉkemas uchi muchitruiniam ti itiurchat enentáimiar “Jú̱niamunmasha ¿wisha itiura péṉkersha pujustataj?” tusa Uunt Yusan aniasmiayi.

Naṉ. 25:28

Isakka Esaú e̱a̱mpruka ayurtai asa ti anenuyayi antsu Riwikiaka Jakupan timiá anenuyayi.

Naṉ. 27:33

Maa, nú támaja̱i̱ Isak awakmamak kura̱a̱shim chichaak “Enta, nuikia ¿ya kúntin maar péṉker páinkiar iniarkámun ámeka táatsmincha itiartimtai yuan péṉker pujutnum yumiṉkraja? Túran yamaikia péṉker pujutnaka chikichan yumiṉkrajai” tímiayi.

Naṉ. 27:4

Túram wi wakerajna nútiksamek péṉker páinkiam iniarkam surusta. Nuna yuan játsuk péṉker pujutnum yumiṉkratjam” tímiayi.

YKan. 110:3

Ame akupkatin tsawantruminkia Áminiu ainia nuka ni enentái̱ji̱a̱i̱ṉ pushiri̱ncha péṉkeran entsarar káshik sanamána, áintsaraṉ tuke tsawant Ámin suramsartatui.

Mat. 3:9

Atumsha ‘Iikia Aprajám weaitji’ tu enentáimtumasairap. Nuja̱i̱ uwemprashtatrume. Yus wakerakka ju̱ kayan Aprajáman tiraṉki̱ najankainti tímiayi.

Juaṉ 3:3

Tutai Jesus chichaak “Tí nekas tájame. Atak yamaram akiiniachuka Yusa akupeamuri̱n pachinkiashtatui.”

1 Kur. 3:6

Wi Yus Chichaman étserkun arakan araktinia áinis takasmajai. Apurussha entsan ukatramai. Tura Yus nu arakan tsakatmarmai.

Tit. 3:5

Yus iin waitnentrama asa iikia jú̱kesha péṉker túrachma ai̱ṉ uwemtikrampramiaji. ¿Itiurak uwemtikrampramiajⁱ? Ii tunaari̱n asakátrampramiaji nijiaktinia áintsaṉ. Tura Yusa Wakaní̱ pujurtamkurin ii iwiaakmari̱n yamarman amasmaji.

San. 1:18

Ni wakera asa ni nekas chichame̱a nuja̱i̱ ni uchirí̱ najatmamji. Tura ashí ukunam átatna nuja̱i̱ ii émkaitji.

1 Pit. 1:23

Nekaatarum. Yusa chichame̱ umirka asarum atak akiiniaitrum nuka ju̱ nuṉkanmaya̱nchuiti. Antsu Yusa chichame̱ iwiaaku tuke amukachmin ana nú chichamja̱i̱ tuke iwiaaku átiniaitrume.

1 Pit. 1:3

Wats, Yus ii Uuntri̱ Jesukrístu Aparí̱ ana nuna naari̱ shiir awajsatai. Yussha ti waitnentrama asa atak akiiniatniun suramsaitji. Jesukrístu jakamunmaya̱ nantakin asamtai iikia atak akiiniar tuke iwiaaku pujustiniaitiajnia nu arutramji.

1 Pit. 2:2

Antsu Uunt Jesukrístu waitnenkartutairi̱ nekapsa asarum uchi yama akiinia muntsun ti wakeruinia áintsarmek Yusa chichame̱ aya péṉkerkea nu ti wakeruktarum. Yusa chichame̱ja̱i̱ tuke tsawant tsakakrum tuke uwemprami tusarum túratarum.

1 Jṉ. 3:9

Shuar nekas Yusja̱i̱ akiinia nu yajauchin túrataj tusa wekaatsui. Yusa uchirí̱ asa Yusa iwiaakmari̱ji̱a̱i̱ wekaawai. Tuma asa tunaanum tuke wekaatsui.

1 Jṉ. 4:7

Aneamu yatsuru, anenaitin Yusai̱ya̱ asamtai mái̱ anenai ajartai. Shuar aneṉkratniua nuka Yusa uchirí̱ asa Yúsnancha nékawai.

1 Jṉ. 5:1

Ashí “Jesus Yusa Uchirí̱ Krístuiti” tu enentáimtana nú shuar Yusa uchirí̱nti. Tura aparí̱ aneakrikia ni uchirí̱sha aneattaji.

1 Jṉ. 5:18

Nekas Kristui̱ akiinia nú shuar yajauch túrutainmaṉ tuke enentáimias wekaatsui. Antsu Yusa Uchirí̱ nin tí peṉker wainkiui íwianch antiṉkiachminiaiti.