Juaṉ 1:12 - Yus Papí: Shuarja̱i̱ Yus Yamaram Chicham Najanamu

¹² Túrasha ashí aents ni enentái̱n itiawarma núnaka nekas enentáiji̱a̱i̱ Nin enentáimtuinia ásarmatai Yuska Ni uchirí̱ ajastinian tsaṉkatkarmiayi.

Juaṉ 1:12 Iomraidhean Croise

2 Sam. 7:24

Kame Ame Winia tuke árat tusam Israer shuarum matsasuitme túram Ámeka Uunt Yusá ni Yusri̱ ajasuitme.

Isa. 56:5

Wi Winia je̱a̱rui̱ susattajme tura Winia tanishrui̱ initiaani̱ enentáimtustatme tura ame uchiram tura nawantrumi náari̱ji̱a̱i̱ naṉkaamas péṉker átatui. Ni naari̱ tuke átinian amastatjai peṉké japintrashtatui.

Jrm. 3:19

Wikia chichaakun ‘Maa, aneakun Winia uchirua tímiatrusan apujsatniun tura uunt nuṉka mátsatkamu nuṉké̱ ti shíirmach wakerújamaiya̱ nunasha amastinian urutmatsuk wakeraj túrasha ¿itiurak túratjam?’ timiajai. Tura Wí chichasnak ‘Winia Aparu turuttiatrume nuya̱ṉka peṉké kanakchattarme Wini̱ya̱ṉka’ timiajai.

Use. 1:10

Túrasha ukunmaṉka Israer shuarka entsá naikim írunna imianú untsurí nekapmarchamnia ajasártatui. Tura átumka ‘Wí shuarchaitrume’ tunamármena núnaka iniaisar antsu ‘tuke iwiaaku Yusa uchirí̱ntrume’ tunattarme.

Mat. 10:40

Atumín itiarma nuka Winia itiarui. Tura itiarea nusha Winia akuptúkmia nunasha itiaawai.

Mat. 12:21

Tura Israer shuarchasha Nin nekas enentáimtusartatui.” Isa. 42:4

Mat. 18:5

Nú arantcha Winia anentuk uchin itiaana nú shuar Winiasha itiaareawai” tímiayi.

Juaṉ 1:11

Ní najanamunmaṉ támiayi túmaitiat níniuksha itiaacharmiayi.

Juaṉ 1:7

Nisha tsáapninia chichame̱n étserkui ashí aents Kristu nekas Yusa uchirí̱nti tu nekas enentáimtusar umirkarat tusa támiayi.

Juaṉ 11:52

Tura aya Israer shuarnakcha antsu níji̱a̱i̱sha ashí nuṉkanam Yus shuar ajasárun irurtajtsa jákatniuyi.

Juaṉ 2:23

Paskua nampertin ti untsurí Jerusaréṉnum pujuarmiayi. Nui̱ Jesus aents tujintiamun túramtai nuna wáinkiar Niin nekas enentáimtusarmiayi.

Juaṉ 20:31

Antsu Jesuska Kristu asa Yusa Uchirí̱nti tu enentáimtustarum tusan jú̱naka áarmajai. Tura enentáimtakmin Jesus ni iwiaakmari̱n yamarma nuna amastatui.

Juaṉ 3:18

Yusa Uchirí̱n enentáimtana nuka jinium peṉké surunkashtiniaiti. Tura Niin enentáimtatsna nuka Yusa Uchirí̱n chikichik ana nuna enentáimtachu asa páchitsuk jinium surukmaiti.

Tur. 3:16

Tura ju̱ áishmaṉ wajana nu Yusa Uchirí̱ náari̱n enentáimta asa kakaram ajasuíti. Nisha Jesusa náari̱n enentáimtusu asa átum wáintrumna nuja̱i̱ péṉker ajasuíti.

Rum. 8:14

Ashí shuar Yusa Wakaní̱ timiaja̱i̱ métek wekainia nu, nu shuar nekas Yusa uchirí̱nti.

Rum. 8:16

Nu Wakan “nekas Yusa uchirí̱nme” ii enentái̱n túramji.

Rum. 8:19

Tsawant jeamtai Yus ashí ni shuari̱n Niji̱a̱i̱ métek ti shiir awajsártatui. Nuiṉ nekas Yusa uchirí̱ ainia nu ti paant nekanattawai. Nu tsawantan wáinkiatniun ashí Yus najanamu írunna nu ti nákainiawai.

Kar. 3:26

Antsu Jesukrístu enentáimtusar nuja̱i̱ Yusa uchirí̱ úuntmaru ajasuitji.

Kar. 4:6

Atumsha nekas ni uchirí̱ ajasákrumin Yus ni Uchirí̱ Wakaní̱n atumí enentái̱n akuptúrmakuiti. Tura nu Wakan atumí enentái̱ya̱ Yusan “Aparu” tawai.

Kurs. 2:6

Nu asamtai átum ii Uuntri̱ Jesukrístu nekas enentáimtusrum Yus shuar ajasmarmena núnisrum yamaisha Ni nekas enentáimtusrum Niji̱a̱i̱ tsaniṉkrum ashí túratarum. Nu túrakrum Ni enentáimtakrum tuke tsakaki̱ wétatrume. Tura tee tariara wajasrum Yusja̱i̱ kanakchattarme. Yus Chicham núnisaṉ etsernakmatai nekamarme. Tuma asarum Yus tuke yumiṉsarum núnisaṉ péṉker wekasatarum.

2 Pit. 1:4

Nisha uunt asa tura tujintkiachu asa ni chichame̱n suramsaitji. Nu chichamsha ti kakarmaiti tura tí peṉkeraiti. Nu chichamja̱i̱ atumsha atumí aya̱shi̱ yajauch wakerana nuyá̱ uwemprarum Yusai̱ páchitkia átinian suramsaitrume.

1 Jṉ. 3:1

Maa, shiir enentáimpratarum. Yus Apa ti anenma asa “winia uchir” tu anaitiamkaitji. Kame nekas ni uchirí̱ntji. Tuma asakrin jú̱ nuṉkanmaya̱ Yus shuarcha nekarmainiatsji. Kame Yusnasha nékainiatsui.

1 Jṉ. 3:10

Shuar péṉker túratsna nuka tura Yus shuaran kajera nuka Yus shuarchaiti. Nuja̱i̱ Yusa uchirí̱ ainia nusha tura iwianchi uchirí̱ ainia nusha paant nekaamniaiti.

1 Jṉ. 3:2

Aneamu yatsurtirmesha ju̱na tájarme, nekas Yusa uchirí̱ ajasuitji. Kame ukunam urukuk átajⁱ nusha nékatsji. Túrasha ju̱ paant nékaji, Jesukrístu támatai imia Ni paant wáinkiar Niji̱a̱i̱ métek ajastatji.

1 Jṉ. 3:23

Ju̱i̱ti Yus akupkámu, ni Uchirí̱ Jesukrístu nekas enentáimtustin tura Kristu timia áintsarik shuartisha mái̱ anenai ajartin.