Juaṉ 1:10 - Yus Papí: Shuarja̱i̱ Yus Yamaram Chicham Najanamu

¹⁰ Chichamsha ju̱ nuṉkanam pujumiayi. Tura nuṉkasha ni najanamu ai̱ṉ aentska Nin nekaacharmiayi.

Juaṉ 1:10 Iomraidhean Croise

Naṉ. 16:13

Akaarka Uunt Yus winia waitnia nuna wainkiayatan tuke iwiaaktsujak tu enentáimias “Ámeka winia Waitniua nú Yusaitme” tu anaikiamiayi.

Naṉ. 17:1

Tura Apram nuwintinuíwi uwí takakuya nui̱ Uunt Yus wantintiuk chichareak “Witjiai Ashí Tujintkiachu Yus. Wi íimmianum tuke awajitsuk péṉker atá.

Naṉ. 18:33

Nuyá̱ Uunt Yuska Aprajámja̱i̱ chichasua umik ikiukmiayi. Tura Aprajámsha waketkimiayi.

Isa. 53:3

Aents nakitiáiniak ji̱i̱ki̱ awemarmai. Aents asa najaimiatniuncha tura wáitsatniuncha nékauyi. Shiir awajtsuk nakitiakur ii yapi̱sha u̱rji.

Mat. 11:27

Winia Apar ashí surusuiti. Wisha ni Uchirí̱ asamtai Winia nékarui. Tura chíkich Winia nekas nekarainiatsui. Yus Apancha Wiki nékajai. Tura Wi wakeraj nú shuaran winia Aparun paant awajtajai. Nu shuarsha winia Aparun nékainiawai.

Juaṉ 1:11

Ní najanamunmaṉ támiayi túmaitiat níniuksha itiaacharmiayi.

Juaṉ 1:18

Yúsnaka chikichkisha peṉké wáinkiachuiti. Tura ni Uchirí̱ chíkichkia nu tuke Niji̱a̱i̱ tsaníaku asa Yusan paant awajtúrmasuitji.

Juaṉ 1:3

Ashí najankamu ainia nuka Niji̱a̱i̱ najankamuiti. Niji̱a̱i̱ najankachmaka peṉké atsawai.

Juaṉ 1:5

Nu tsáapnin kiritniun tsáapin awajeawai. Tura kiritin tsáapninian nupetkatniun tujintkiaiti.

Juaṉ 17:25

Tí peṉker Aparu ju̱ nuṉkanmaya̱ shuar Ámin nekarmainiatsui. Antsu Wikia nékajme. Núnisaṉ Wí shuarsha ame akuptúkman nékainiawai.

Juaṉ 5:17

Tura Jesus chichaak “Wina Aparka yamaisha tuke takaawai. Núnisnak wisha takaajai”

Tur. 14:17

Tuma ai̱ṉ shuaran péṉker awajsámuja̱i̱ Witjiai Nekas Yus tusa paant awajmámsamiayi. Kame yumi yutuktinian nayaimpinmaya̱ akuptúrmaji. Tura ejemarar warasarmi tusa yurumak nerektinniasha súramji” tímiayi.

1 Kur. 1:21

Aya ni nékamuja̱i̱ aents Yusan nekaacharmiayi. Núnisaṉ atí tusa Yus túramiayi timiá neka asa. Antsu ashí aentsun Yus ni chichame̱ja̱i̱ uwemtikratniun wakerimiayi. Chíkich “ántraiti” tuíniana nu chichamja̱i̱ṉᵏⁱ Yus Niin enentáimtuinia núnaka uwemtikratniun wakerak túramiayi.

1 Kur. 2:8

Ju̱ nuṉkanam akupniúka nuna peṉké nekaacharmiayi. Nékainiakka ii Uuntri̱ timiá shiira nuna krúsnum mácharu a̱a̱yi.

1 Kur. 8:6

Tura iikia nékaji aya chikichik Yus awai nusha ii Aparí̱nti. Ashí írunna nuna najanaiti tura ni wakera nuna umikiat tusa iin najatmamji. Ii Úuntri̱sha chikichkiti Jesukrístu. Níji̱a̱i̱ṉkia ashí najanamuiti. Tura iisha ni kakarmari̱ji̱a̱i̱ iwiaaku pujaji.

Kurs. 1:16

Niji̱a̱i̱ Yus ashí nayaimpiniam írunna nunasha nuṉká írunna nunasha, ashí wáiniaj nunasha núnisaṉ wáintsuj nunasha mashⁱ najanamiayi. Nu arantcha ashí akupin ju̱ nuṉkanam írunna nusha, nayaimpiniam írunna nusha, iwianchnium írunna nusha, ashí Niji̱a̱i̱ najanamu ásar Nin umirkarat tusa najanamu áiniawai.

Isr. 11:3

Aya Yus enentáimtakur ju̱ nékaji, Yus aya ni chichame̱ja̱i̱ṉ ashí nuṉkan najanamiayi. Túramtai ashí wainiainiaj nu wáinchataiji̱a̱i̱ najanamu áiniawai.

1 Jṉ. 3:1

Maa, shiir enentáimpratarum. Yus Apa ti anenma asa “winia uchir” tu anaitiamkaitji. Kame nekas ni uchirí̱ntji. Tuma asakrin jú̱ nuṉkanmaya̱ Yus shuarcha nekarmainiatsji. Kame Yusnasha nékainiatsui.