Jrm. 9:8 - Yus Papí: Shuarja̱i̱ Yus Yamaram Chicham Najanamu

⁸ Warí anaṉkartin ásar ni iniai̱ṉkia naṉki maṉkartinia tímianu áiniawai. Ni tsaníakmari̱ji̱a̱i̱ áujmatainiakka itiurchat awajkachma aṉkant pujustinian áujmatainiawai túrasha anaṉka aju̱a̱rtinian enentáimtuiniawai.

Jrm. 9:8 Iomraidhean Croise

2 Sam. 3:27

Túruna Ápnerka Eprunnum waketkimiayi tura pepru wá̱i̱ti̱a̱i̱ri̱ya̱ nui̱ níniak áujsataj tana nútikias Juap akaṉkí̱ puya̱ja̱i̱ tantannum ijiú mámiayi. Ni yachi̱ Asaer mantuamu asa Juapka yapajmiák nincha mámiayi.

YKan. 12:2

Tí peṉker chichainiayat aṉkant aṉkant ni írutramuri̱nkia anaṉkenawai. Warí tuuka enentáimiainiachiat núnis chichainiawai.

YKan. 12:3

Tí peṉker chichainiayat ántar chichainia núnaka Uunt Yus emesrartatui.

YKan. 120:3

¿Maa wariṉ sunastam tura warí péṉkerak wáinkiatam iniai̱ji̱a̱i̱ wáitri̱yá̱?

YKan. 28:3

Yusan enentáimtichu ainia nuja̱i̱ métek tura yajauchin túrin ainia núja̱i̱sha métek ji̱i̱ki̱ ajapkartuawaip. Ni írutramuri̱ji̱a̱i̱ niṉkia aṉkant atí tuíniawai tura yajauchikia ni enentái̱ya̱iti.

YKan. 35:20

Nu aentska péṉker pujushtan chichainiawai. Antsu ashí kajechu ainia nuna anaṉkatai tusar chichaman juruiniawai.

YKan. 55:21

Ni chichame̱ṉka machaja̱i̱ naṉkaamas ti miniarchiti túrasha ni enentái̱nkia maṉkartuatniun enentáimiui. Ni chichame̱ṉka asuitiji̱a̱i̱ naṉkaamas miniarach awajui túmaitiat puyá̱ éreka núnisaiti.

YKan. 57:4

Winia iwiaakmarka úunt ya̱wa̱ riún írunna núninnium pujawai. Nu yukartin ainia nui̱ apujsamuitjiai. Kame aentsu nai̱ṉkia tura tíshimkiunam eketkar ekentai̱ naṉkia núnin áiniawai. Núnisaṉ ni iniai̱ṉkia puyá̱ atsakamua núnisaiti.

YKan. 62:5

Aya Yusai̱ni̱ṉᵏⁱ wikia áyamjai, wi nákasar pujurmaka aya Níṉkiti.

YKan. 64:8

Ní chichame̱ṉ makurartatui. Ashí nin wainiainia nuka muuke̱n pe̱a̱rar wishikrartatui.

Neka. 25:18

Ii shuar tsanumprurtinkia ajintrutai̱ji̱a̱i̱ tura kuchiji̱a̱i̱ núnisaṉ naṉkiji̱a̱i̱ íjiutniua ímiatrusaiti.

Jrm. 5:26

Warí Winia shuarui̱ṉkia Yusan enentáimtichu matsamsar kúntin wáketun akarun aeprusua tímiatrus íiniawai. Emeskartinian aeprusar aentsun achiniawai.

Jrm. 5:9

Nuna túmainiakiuisha ¿asuttsukek iniaisartataj? ¿Tura uunt nuṉka mátsatkamu túmaitkiuisha Wikia yapajmiákchattajak? tawai Uunt Yuska.

Jrm. 9:3

Uunt Yus chichaak “Ni iniai̱ṉkia tíshimkiuja̱i̱ ekentkatniua tímiatrus iwiararuiti. Chichakmán tímiatrusaṉ umiktinniachu antsu anaṉkartuatai tusar ju̱ nuṉkanmasha kakaram ajasáruiti. Winia nekarainiachu ásar yajauchin túruiniak aya yájauchiniak e̱a̱iniawai.

Jrm. 9:4

Ni írutramuri̱ya̱ṉka aṉkant aṉkant aneararti. Chikichík yatsumkesha itiurchat awajtúkchamniaiti tu enentáimtusaip. Warí yátsumetkusha anaṉkramui tura írutramurmeka tsanumprutmainiawai.

Jrm. 9:5

Aṉkant aṉkant ni írutramuri̱nkia anaṉkainiawai tura nekasa núnaka chichainiatsui. Núnisaṉ ni iniai̱ncha aya wait chichastinian jintintiáwaruiti. Yawe̱tmam aya mui̱jmiai̱ áiniana nunak pujursaruiti.