Jrm. 9:7 - Yus Papí: Shuarja̱i̱ Yus Yamaram Chicham Najanamu

⁷ Tuma asamtai Ashí Akupin Uunt Yus chichaak “Pai yamaikia kuri unuikiar aya kúrik awajsatniua áitkiasan nekapsartatjai. Túrachkuncha Wi shuara nawantri̱ncha ¿warí itiurkatjak?

Jrm. 9:7 Iomraidhean Croise

2 Sam. 13:26

Nuyá̱ Apsarún chicharuk “Núja̱i̱nchuka winia yatsur Amnun iiji̱a̱i̱ winit akupkata” tutai úunt akupin aya̱k “¿Urukamtaik ámiji̱a̱i̱sha winit?” tímiayi.

YKan. 120:4

Kame meseta unuimiátra naṉkirí̱ tí peṉker atsakamu numi uchich ukat ukatin kaí̱ri̱ya̱ tímianu wainkiattame.

YKan. 55:22

Ame itiurchatrumsha tura itit nekapeamurmesha Uunt Yusai̱ íktumasam iniaisata. Túrawakminkia Ni péṉker waitmaktatui. Shuar péṉker enentáimkia núnaka tuke iniar pujusti tusa peṉké iniaisashtatui. 1 Pit. 5:7

YKan. 62:5

Aya Yusai̱ni̱ṉᵏⁱ wikia áyamjai, wi nákasar pujurmaka aya Níṉkiti.

Isa. 59:3

Warí atumí uwejé̱n numpak ajasurme tura atumí tsara uwejé̱sha yajauchin máatraiti. Nuyá̱ atumí wene̱ja̱i̱sha wait chicham chicharme núnisaṉ atumí iniai̱ji̱a̱i̱sha ishishmasrum yajauch chicham áujmatrume.

Jrm. 31:20

Antsu nui̱kia ¿Eprainkia Winia aneamur tura ti shiir enentáimtamu uchirchakait? Warí kajerkan nin áujmatkunka nuna núkap enentáimtiniaitjiai. Tuma asan nin enentáimtakui̱ṉkia enentái̱r pútir awajtiniaiti. Tura Eprainnaka nekas waitnentrattajai” tawai Uunt Yus.

Jrm. 5:1

Uunt Yus chichaak “Kame Jerusaréṉnum jintia áiniana nu wekaatusrum íisrum nekaatarum. Wats pepru áṉkamuri̱ iisam aents chikichkisha nákaa nuja̱i̱ métek túrak aya nekasa nunak ¿túrasha áwash? Túmaitkiuiṉkia Wisha tsaṉkurattajai.

Jrm. 6:27

Kumpin je̱a̱nam jintia íistin awajsamua áitkiasan Wi shuarnum ajapén awajsaitjiame. Nekaam ni jinti̱sha émamkesam íirsarta.

Sak. 13:9

Núnaka aya kuítiak ajasat tusar tura aya kúrik juákat tusar jinium áesainia núnisnak wisha jinium áesan nekapsattajai. Nuiṉkia winia náarun pachisar untsurainiakui wisha anturkaran ‘Átumka wí shuaraitrume’ tiártatjai. Tutai ni chichartuiniak ‘Uunt Yuska ii Yúsri̱nti turutiartatui’” tímiayi Uunt Yus.

Mks. 3:3

Kame Niṉkia kuít jirun unuik tsatsamá péṉker awajniua núnis pujustatui. Túmak Riwí shuarnasha imiatkincha awajsártatui. Warí kurin kuít jiruja̱i̱ unuik tsatsamá aya kúrik tura aya kuít jiruk awajna tímiatrus ajasár nekasa nuja̱i̱ métek Uunt Yusan súsartatui.

1 Pit. 1:7

Enentáimsatarum. Shuar kurin wakerana núnisaṉ atumniasha umirtukat tusa Yus wakerutmarme. Aents kurin jinium unuiniawai aya kúrik juákat tusar. Kurin ti wakeruinia ásar amukámnia ai̱ṉ túruiniawai. Atumsha itiurchat wainkiarmena nuja̱i̱ Yusan nekas enentáimtusartimpiash tusa nekapsamuitrume. Nu enentáimtamu kuriji̱a̱i̱ naṉkaamas péṉkeraiti. Ukunam Jesukrístu támatai Yuska atumín “péṉker túraitrume” turamtajtsa wakerittiawai. Tura “Ashí shuar nuna nekaawar winia náarun uunt awajsarat” tusa túrutmattarme. Nu tuma asamtai ju̱ nuṉkanam itiurchat wáintrumna nuja̱i̱ nekapsamuitrume.

1 Pit. 4:12

Aneamu yatsurtiram, tí waitsatin nekapramsartin jeartámprumna nu nusháa enentáimprairap. Wáitsatin támatai “¿urukamtai waitsa pujaj?” tu enentáimsairap. Kame túrunamniaiti.