Jrm. 9:3 - Yus Papí: Shuarja̱i̱ Yus Yamaram Chicham Najanamu

³ Uunt Yus chichaak “Ni iniai̱ṉkia tíshimkiuja̱i̱ ekentkatniua tímiatrus iwiararuiti. Chichakmán tímiatrusaṉ umiktinniachu antsu anaṉkartuatai tusar ju̱ nuṉkanmasha kakaram ajasáruiti. Winia nekarainiachu ásar yajauchin túruiniak aya yájauchiniak e̱a̱iniawai.

Jrm. 9:3 Iomraidhean Croise

Naṉ. 39:16

Tura aishri̱ támatai iniaktusmi̱j tusa Jusé awaṉkémpri̱n ikiusmiayi.

Neka. 12:5

Péṉker enentáimin ainia nuka péṉkera nuna jintiniaiti antsu Yusan enentáimtichu ainia nuna jintíamuri̱ṉkia anaṉkartuamnia áiniawai.

Isa. 1:3

Tí waakaksha nérenniuri̱nkia nékaiti. Núnisaṉ umpurusha nérentin tui̱ ayurniuit nunasha nékawai. Tura Israer shuarka wi shuar áiniayat ántichu ásar peṉké nékachu áiniawai” tawai.

Isa. 6:5

Nuya̱ṉka chichaakun “¡Chuwa jákashtatjak! Warí wikia nekas yajauchin chicháu tunáa túrin áishmaṉkaitiatan tura núnisaṉ yajauchin chicháu matsatainiamunam pujayatan Úunt Akupniun Ashí Akupin Uunt Yusan wainkiajai” tímiajai. Ruk. 5:8

Isa. 9:18

Kame tunaaka ji tsuátan áeseak itiurawa núnis múkun múkun ajamiayi. Uunt Yus kajekú asamtai nuṉkasha tura aentsush asutniáwartatui. Tura aentsush nuamtak mai̱ maanai ajainiak nú arant ajainiawai. Túmainiakuisha Uunt Yusa kajetáiri̱ṉkia naṉkaamatsui antsu nu arant awajiártajtsa aya ajatás Ni uwejé̱ṉka takuri̱ araawai.

Jrm. 12:6

Warí, ame yatsumsha tura ame apá shuari̱sha anaṉkramawaruiti. Nisha ame úkurmin kakantar untsumiármai. Péṉker chichartamainiakuisha peṉké anturkaraip.

Jrm. 31:34

Nuya̱ṉka yaaksha ni shuari̱nkia yachi̱nkisha ‘Uunt Yus nékamek’ tusaṉka jintintiáshtatui. Warí peṉké uchichinmaya̱ṉ juárkin úuntaimiak ashí nekarawartatui” tawai Uunt Yus. “Warí ni yajauch túrukmari̱n Wi ashí tsaṉkuraran núnaka atakka peṉké enentáimtuschattajai.”

Jrm. 4:22

Warí Wi shuarka Wíniaka nekarainiachu ásar enentáincha áiniawai. Uchi peṉké ántichua núnisar antutai̱ri̱sha atsuiniawai. Yajauch túratniunka tí nekainiayat péṉker túratniun peṉké nékainiatsui.

Jrm. 5:4

Nuya̱ṉka chichaakun “Nekas ju̱ aentska peṉké nékachu áiniawai. Tura ni Yusri̱ akupkámuri̱n Uunt Yusa jinti̱n nékainiachu ásar peṉké enentáimcha ajasárai” tajai.

Jrm. 5:5

Wats uunt ainia nuna weriaran chichasártajai. Warí niṉkia ni Yusri̱ nekasa nuja̱i̱ métek túrutairi̱n Uunt Yusa jinti̱nkia nékainiawai. Túrasha nisha Yus wakeramunka ashí nékainiayataṉ peṉké anturkacharmai.

Jrm. 6:28

Ashí nu aentska náṉkamas enentáimin áiniawai tura tsanumás yujainiawai. Yaṉkú jiruja̱i̱ namincha jírua núnin áiniawai túmainiak tí yajauch awajkartin áiniawai.

Jrm. 7:26

Túrasha Winia chichamprunka umirtukcharmai tura anturtuktinniaksha anturtukcharmai antsu antuktinian nakitiáiniak ántichu ajasár ni aparí̱ túrawarmia núja̱i̱ṉkia naṉkaamas tí yajauchin túrawarmai.

Jrm. 9:5

Aṉkant aṉkant ni írutramuri̱nkia anaṉkainiawai tura nekasa núnaka chichainiatsui. Núnisaṉ ni iniai̱ncha aya wait chichastinian jintintiáwaruiti. Yawe̱tmam aya mui̱jmiai̱ áiniana nunak pujursaruiti.

Jrm. 9:8

Warí anaṉkartin ásar ni iniai̱ṉkia naṉki maṉkartinia tímianu áiniawai. Ni tsaníakmari̱ji̱a̱i̱ áujmatainiakka itiurchat awajkachma aṉkant pujustinian áujmatainiawai túrasha anaṉka aju̱a̱rtinian enentáimtuiniawai.

Riw. 19:11

Kasamkaip tura waitrutcha waitruawaip núnisrumek nuamtaksha mái̱ ánaṉnai ajairap.

Mar. 8:38

Antuktarum. Yamaiya̱ aents Yusan nakitiar ajapawaru yajauch ainia nu iimiainiamunam shuar Winia natsantrakuiṉkia tura winia chichampruncha natsantakuiṉkia Wi, Aents Ajasuitjiana ju̱ winia Aparu kakarmari̱ji̱a̱i̱ tura nayaimpinmaya̱ péṉker suntarja̱i̱ atak táakun nú shuaran natsantrattajai Wisha.” Tú timiayi Jesus.

Juaṉ 17:3

Kame ju̱i̱ti tuke amukashtin iwiaakma. Amek nekas Yúsaitmena nuna tura Jesukrístu Ame akupkámuiti nú nekaatniua nuiti.

Tur. 24:9

Tura Israer shuar pujuarmia nu “Nekasaiti ashí ni tana nu” tiármiayi.

Rum. 1:16

Nu uwempratin chicham Yusa kakarmari̱ji̱a̱i̱ ti kakaram asa ashí shuaran Krístun nekas enentáimtuinia nuna uwemtikramniaiti. Tuma asamtai natsantatsjai. Nekas Israer shuarnasha tura chíkich shuarnasha núnisaṉ uwemtikramniaiti.

Rum. 1:28

Tura tuke Yusan nakitiáinia asamtai ti yajauch enentáimiainiak peṉké túrachminia nuna túrawarti tusa Yus tsaṉkatkarmiayi.

Rum. 3:13

Ashí yajauch chichainiak iwiarsamu yama uraimiua núnisaṉ áiniawai. Ni chichame̱ja̱i̱ tuke anaṉkartin áiniawai. Chichame̱ napia áintsaṉ najamin áiniawai. YKan. 5:9; 140:3

1 Kur. 15:34

Tunáa ikiuakrum péṉker wekasatin shiir enentáimpratarum. Iis, shuar Yusan nékainiachu tuke awai. Atumín natsa̱a̱ruk tusan tájarme.

Jir. 1:28

Atumí nemasri̱sha ishichkisha sapijmiamtikramkara̱i̱ṉ. Nu túrakrumin nu shuar emesratniunam weena nusha tura átum uwempratniusha paant nekanattawai. Núnisaṉ atí tusa Yus túraiti.

2 Tim. 3:13

Tura ashí anaṉkartin ainia nusha kame ashí yajauch shuarsha nú yajauch túrukiar wétatui. Iwianchji̱a̱i̱ anaṉkamu ásar chikichnasha anaṉkiar wéartatui.

Jut. 1:3

Aneamu yatsuru, iikia mái̱ metek Yus shuar asar ju̱ uwempratin chichaman áatratniun wakerukjarme. Túrasha ti yajauch shuar anaṉkramawar atumíin pachinkiarmai. Nisha “Yus ti anenkartin asamtai páchitsuk tunáa túramniaitji” tuíniawai. Nu arantcha Yus iin Akuptámniuncha tura ii Uuntri̱ Jesukrístuncha nakitín áiniawai. Nu asamtai nu shuaran “yaunchu sumamawaruiti” tímiayi Yus. Tuma asamtai tájarme “Tuke Yus chicham yapaji̱áshtinian ashí Yus shuar akasmatkarat tusar susamuiti. Wátsek, kakaram ajastarum” tájarme.

Apu. 12:11

íksaṉ ii yachi̱ nupetmakarai. Yus susamu murikiu numpe̱ya áinis Jesukrístu numpe̱ja̱i̱ nupetmakarai. Nisha jákatniuitkiusha surimiatsuk nekas chichaman páchitsuk etserkarmai. Núja̱i̱sha iwianchi úuntri̱n nupetkarmai.

Suma. 2:10

Núnisaṉ niji̱a̱i̱ pujuarmia nusha jákarmiayi. Nuyá̱ ukunam akiiniawarmia nuka Úunt Yusnasha enentáimtichu tura Israer shuaran itiur yaiṉkiarmia nunasha nékachu ármiayi.

1 Sam. 2:12

Irí uchirí̱ armia nuka Yúsnan pujurin áiniayataṉ Yusan enentáimtichu ármiayi. Núnisaṉ Uunt Yusa nekatairi̱ncha takakcha ármiayi. Yus áestuatniun tí peṉker armia nú namaṉken níniunak achia̱rmiayi. Arantichu ásar nú natsa yajauchiri̱nkia Uunt Yus íimmianum ti uunt armai.