Jrm. 9:12 - Yus Papí: Shuarja̱i̱ Yus Yamaram Chicham Najanamu

¹² ¿Ya shuarak timiá nékait ju̱na nekaatniusha? Uunt Yussha ¿yanak chichasuit? ju̱na paant awajsatniuncha. ¿Urukamtai nuṉkasha emesnaksha kampuntin atsú nuṉka núniksha naṉkaamakchamniasha ajasuit?

Jrm. 9:12 Iomraidhean Croise

YKan. 107:34

Nui̱ matsatainia nuna yajauchiri̱n tará nuṉká jeaku awajniuiti.

YKan. 107:43

Yaaksha ju̱na nekáa tura esetas anturak umía nuka Uunt Yusa waitnenkartutairi̱n nekaattawai.

Jrm. 23:16

Ashí Akupin Uunt Yus jú̱nis tawai “Yúsnan etserin ainia nuna chichame̱ anturkairap. Warí átumka ‘ashí tí peṉkera nuna wainkiattajai’ tu enentáimpratarum tusar ántar ujatmainiawai. Kame ni enentáimsaṉ ímiaja̱i̱k wainkiamuncha ujatmainiawai túrasha nuka Uunt Yusa chichame̱nchuiti.

Jrm. 23:22

Uunt Yus iruntrar chichamunam Winia chichamprun antukaruitkiuiṉkia winia shuarun winia chichamprun antumtikiara̱a̱yi. Nuyá̱ yajauch jintianmaya̱sha tura yajauch túrutainmaya̱sha awakeara̱a̱jai.

Jrm. 23:28

Yúsnan etserin ainia nu ni mesekrampramuri̱n étserkuṉka etserkarti. Antsu Winia chichamprun nekas etserniuitkiuṉka nekasa nuna tímiatrusaṉ etserkati.” Túrasha Uunt Yus chichaak “Trikiu péṉkeri̱ji̱a̱i̱ tura tsuátri̱ji̱a̱i̱sha ¿warí nusha íistiniaitiaj?” tawai.

Jrm. 9:20

Maa nuwa̱tírmesha Uunt Yusa chichame̱ antuktarum. Ni wene̱ya̱ chicham jiinia nuna atumí kuishi̱sha antukarti. Atumí nawantri̱sha tura aṉkant aṉkant atumí tsaníakmari̱sha jakamnia nekapeakur kúntuts enentáimkiur tutai tura ajakmárar uttai̱ jintintiatarum.

Use. 14:9

¿Ya nékait? Nuka ju̱na péṉker antuktatui. Tura ¿ya esetar enentáimniuit? Nuka ju̱na nekaattawai. Warí Uunt Yusa jinti̱nkia nákaiti tura péṉker enentáinniuka nuja̱i̱ wekasartatui tura ántichu ainia nuka nui̱ṉ tukumkar iniarartatui.

Juir 1:11

Tuma asamtai aja takakmatirmesha tura uwa arakmatirmesha atumí ajarí̱ya̱ úwasha tríkiusha sewatasha ashí amuuka asamtai kúntuts enentáimprarum úttiarum.

Sup. 3:6

“Uunt nuṉka mátsatkamu ainia núnaka Wi emesmamtikiamjai túramu asar ni matsamin armia nusha mashiakarai. Núnisnak ni páasari̱ncha nímpianpiatak nuṉka nútikruawarmajai túramunmasha yaki naṉkaamakiarat tura ni pépruri̱sha aents atsá asa aya jú̱nik ajasárai warí nui̱ matsatuka peṉké atsuiniawai.

Mat. 24:15

“Yus Shiir Awajtai̱niam muí̱jmiamtik tuke emesratin ana nu wainkiarum Yúsnan etserin Taniar aarmia nunasha (ju̱na áujea nuka enentáimprati), Tan. 9:27; 11:31; 12:11

Muis. 32:29

Maa, neka áiniaka ju̱nasha antukarainti núnisaraṉ amuwamunam warí urukawartata nunasha nekaawarka maak árainti.

Apu. 1:3

Jú̱ papin áujea nu shuar tura núnisaṉ ju̱na ántana nusha nekas enentáimtuiniakka shiir ártatui. Ukunam átatna nuna ujaawai tura jeatémayi.