Jrm. 9:11 - Yus Papí: Shuarja̱i̱ Yus Yamaram Chicham Najanamu

¹¹ Jerusaréṉnaka ashí emeskan tsái̱kian tepetar awajkattajai. Túran ku̱jancham matsamtai̱ awajsattajai. Tura Jutanan pepru irunainia nunasha ashí emeskaran aentsri̱sha atsá awajsartatjai.

Jrm. 9:11 Iomraidhean Croise

Neem. 4:2

Nuya̱ṉka Samarianmaya̱ aents ainia nusha tura Samarianmaya̱ suntarsha ántuiniamunam Samparát chichaak “Kakarmachu Jutá shuar, ¿warí jú̱tikiainia? ¿Ataksha Yusai̱ áestuatniun súsawartata? ¿Chikichik tsawantinkitsuk ashí mash amukártata? ¿Tímiau kaya esakútsuk najankartatuak?” timiai.

YKan. 107:43

Yaaksha ju̱na nekáa tura esetas anturak umía nuka Uunt Yusa waitnenkartutairi̱n nekaattawai.

YKan. 44:19

Tura árini̱ṉ atsamunmaya̱ ya̱wá̱ matsamtai̱niam kiritniunmaṉ pujustinia ánis tsaṉkamkartukuitme.

YKan. 79:1

Yusá, Ámin nekarmachu ainia nu Ame nuṉke̱mi̱i̱n utsanawarai. Tura Ame akantúkma Je̱e̱min arantutsuk ti yajauch awajsarai. ¡Túrawar Jerusaréṉnaka emeskar ikiukiarai!

Isa. 13:22

Tura úunt akupin pujutai̱ tura waratái je̱a̱ áiniana nui̱ṉkia yukartin yajasma nuyá̱ kampunniunmaya̱ ya̱wá̱ shiniukártatui. Kame tsawant tesamuka jear temawarai tuma asamtai ni tsawantri̱nkia peṉké eketnákchattawai.

Isa. 44:26

Winia takarniu chichame̱nka umikian ni ‘Ju̱ka túrunattawai’ takui̱ ‘Nekas uminkiati’ tajai Yus asan. Warí, Yúsnan etserin ‘Ju̱ka naṉkamnattawai’ takui̱ Wisha ‘Túrunati’ tajai. Nuyá̱ Wikia Jerusaréṉkan áujmakun untsurí aentsja̱i̱ piaku ajastatui tura Jutá pépruri̱nkia áujmatkun pépruka atak je̱a̱mma ártatui. Jutanam emeskamu ainia nuna atak je̱a̱mkattajai.

Jrm. 1:15

Tura wi Uunt Yus asan araki̱a̱ akupin ainia nuna ashí untsukartatjai. Nu akupniúsha káunkar Jerusaréṉka wáitiri̱n núnisaṉ wenuke̱ kayaja̱i̱ téntakma ainia nui̱ nuyá̱ Jutanam pepru ainia nui̱sha ni akupkur pujutái̱rtiuk ashí matsamtúkartatui.

Jrm. 10:22

Ju̱ nekaata, chicham tura tétete ajainiamu araki̱a̱ ántuwawai. Nuka Jutanam pepru írunna nuna aya jú̱nik awajsar yajasma kajen matsamtai̱ awajsartajtsa wininiawai.

Jrm. 16:10

Ju̱ chicham aents ujaam chichartamainiak turamartatui ¿urukamtai Uunt Yussha iincha asutiá amutmaktaj turamajⁱ? ¿Tuit ii tunaarí̱sha tura ii Yúsri̱ji̱a̱i̱ yajauch túramusha tuit? turamartatui.

Jrm. 25:11

Tura ashí ju̱ nuṉkaka peṉké tsuumai̱ mitia awajsamu juáktatui. Tura ju̱yá̱ aentssha sataintia uwí Papirúnianmaya̱ akupniu takarniúri̱ pujuartatui.

Jrm. 25:18

Jerusaréṉ tura Jutá pépruncha úunt akupniurtiuk tura úuntri̱ntiuk ashí emeskan amuktaj tusan áararmajai. Nu arant ashammai tura yumiṉkramu yamaiya̱ ju̱i̱sha urukuit núnis atí tusan túraitjiai.

Jrm. 26:18

“Uunt akupin Esekías akupin ajas Jutanam pujumia nu tsawantincha Muresétnumia̱ Mikías Yúsnan etsermiayi. Tura Jutanam ashí aentsnum étsereak jú̱nis tímiayi. ‘Ashí Akupin Uunt Yus chichaak “Seúnnaka kampunniua nútiksar amú amú awajsártatui tura Jerusaréṉka tsai̱ tsai̱ awajnástatui núnisaṉ naint Uunt Yusa Je̱e̱ pujana nu naintia pakarí̱nkia kaya kusha wái̱ṉtatui”’ tu etserkamiayi. Mik. 3:12

Jrm. 26:9

Nuya̱ṉka chicharainiak “¿Urukamtai Uunt Yusa náari̱i̱n étsereakmesha ju̱ je̱a̱nka Uunt Yusa je̱e̱nka Sírun itiurkamaj nútikiattajai tura ju̱ pépruncha amú amuusan shuari̱ncha awajsattajai tawai Uunt Yus tame?” tiármiayi. Nuna tiar ashí shuar nui̱ pujuarmia nuka Jirimíasan kajeráiniak Uunt Yusa je̱e̱ni̱ṉ irunturarmiayi.

Jrm. 34:22

Pai, yamaikia mesetan iniaisarma nu suntarnaka ju̱ péprunam wi atak taartí tusan akupkáttajai. Tura mánaikiar utsantua jiji̱a̱i̱ ekemákartatui. Tura Jutá nuṉkanmaya̱ pepru írunna nuna emeskan pujuschamnia awajsartatjai.’ Wi Uunt Yus asan tajai” tímiayi.

Jrm. 4:27

Warí Uunt Yus chichaak “Uunt nuṉka mátsatkamua núnaka ashí atsá aya jú̱nik awajsattajai túrasha peṉkeka amukchattajai.

Jrm. 44:2

“Ashí Akupin Uunt Yus Israera Yusri̱ chichaak ‘Jerusaréṉnum tura Jutanam pepru írunna nui̱ ashí yajauchin itiariarmajna nuka atumsha wáinkiaitrume. Nekaata, yamaiya̱ ju̱i̱sha tuke emeskamu ásarmatai nu nuṉkanmaṉka aentsush matsatainiatsui.

Jrm. 50:3

Kame chíkich nuṉkanmaya̱ araki̱a̱ aents nin mesetja̱i̱ amuk kampuntin atsú nuṉka aitkia ikiuktinian winitiáiniawai. Nuna túrawarmataiṉkia yaaksha nuiṉkia pujuschartatui. Antsu nuyá̱ aentska tura yajasmasha pisarar yajá shiáktatui” tawai Uunt Yus.

Jrm. 51:37

Papirúnianka peṉké emeskan ashí yajasma matsamtai̱ awajsan aentska peṉké pujuschamnia tsuumai̱ awajsamu asamtai wishiktai̱ juáktatui.

Jrm. 8:22

¿Kame Karaatnumka kuṉkuin tsuakka atsawak? ¿Tsuákratniuka nuiṉkia peṉkek atsuinia? Nui̱kia Wi shuara nawantri̱ tsuámartintri̱ṉkia ¿urukamtai atsá?

Ukan. 1:4

Seuna páasari̱ṉkia kúntuts utma awai. Yaki shiir waratai̱ nampernumsha tati. Warí ashí wáitiri̱sha yumpuntramuiti. Núnisaṉ Yúsnan pujurniusha útainiawai tura ashí nuwa̱ch áishmaṉja̱i̱ tsaniṉcha ainia nusha tí kúntuts wáitias matsatainiawai.

Ukan. 2:2

Jiuwá ni kajekmari̱ji̱a̱i̱ tsaṉkurtsuk Jakupa nuap je̱e̱nka ashí emestukmai. Jutá nawantri̱n wenukri̱n sá̱a̱rar nuṉká utsaṉtamiayi. Tura akupeamuri̱nkia uchirí̱miak kakarmachu awajsarmiayi.

Ukan. 3:47

Túmak tsuumai̱ íi ashamtai̱ amukratin tura jiṉkiakratin ajasármai.

Riw. 26:32

Ántsanak nuṉkancha aya jú̱nik awajsartatjai. Nu túramun atumí nemasri̱ nui̱ pujuinia nuna wáinkiar ¡Chuwa ausháa! tiártatui.

Mik. 1:6

Tuma asamtai Samarianka ashí emeskan yajauch awajsattajai. Túram uwa arakmatai nuṉka ajastatui. Nuyá̱ ni pépruri̱n je̱a̱ je̱a̱mkamu ainia nuna kayarí̱nkia pakanmaani̱ akaṉkétraran aya aeprukmari̱ṉ awajtúsartatjai.

Muis. 29:23

‘Yaunchu Sutuma, Kumura, Atma, tura Sepuim péprun Uunt Yus ti kajerak suira kaje̱ntuk asupriji̱a̱i̱ tura weeja̱i̱ nuyá̱ jiji̱a̱i̱ amukmiayi. Tuma asa nu nuṉkanmaṉka nupa̱sha tsapaichmin araksha arakmachmin ajasuíti. Kame nuja̱i̱ métek atumí nuṉke̱sha ajasuíti’ tiártatui.

Apu. 18:2

Tura ti kakantar chichaak timiai “Pai, Uunt Papirúnia peṉké meserai. Tura yamaikia íwianch matsamtaisha ashí yajauch wakaní̱ pujutái̱ri̱sha ajasái. Mui̱jmiai̱ nanamtincha tura ashí yajauch nanamtin ainia nusha nui̱ pasuṉmainiawai.