Jrm. 9:10 - Yus Papí: Shuarja̱i̱ Yus Yamaram Chicham Najanamu

¹⁰ Ashí amukma aya jú̱nik juákaru ásarmatai wétinkia yaaksha atsawai tura waaka úteamuksha ántuwatsui. Tuma asamtai naint áiniana ai̱sha tura kampuntin atsú nuṉkanmasha sa̱a̱k irunainiana nui̱sha jakamnia nekapeakur kúntuts enentáimsar úteamun ántumtikiartatjai. Warí nanamtin yakiya̱ áiniana awiimiak yajasma nuṉkaya̱ áiniana nusha pisakár yajá wéaruiti.

Jrm. 9:10 Iomraidhean Croise

Isa. 41:15

Nekaata, saep pákatia nútiksan apujsaitjiame, pakatai̱ yamaram nai̱ tsarawé̱arma núnisaitme. Tuma asam naintkia saep pakarma nútiksam tsai̱ tsai̱ awajsaram naint tépepra ainia nuka ju̱yu̱ awajsarta.

Isa. 49:19

“Tura áminiun emeskar jú̱nik ikiukiarmasha nuyá̱ áme nuṉkemsha emeskamu arma nu nuṉkanmaṉka piákrum ashí aents matsamsachmin awajsattarme. Tura ámin emestamkaruka yajá pujusártatui.

Jrm. 12:10

Murikiu wáinin untsurí uwa ajarnasha emesturkar Winia nuṉkarnasha amuuturarai. Winia tí shiirmachia nuka kampuntin atsá awajsamuiti.

Jrm. 12:11

Kame peṉké atsá aya jú̱nik awajtúrsarai. Tuma asa Winia enentáimturas ajakmárua núnis pujawai. Nuṉkasha atsá aya jú̱nik awajsámuk peṉké pachischamuiti.

Jrm. 12:4

¿Nuṉkasha ajakmárua núnikmancha tura kampunniunam ashí nupa̱ irunainiana nusha kaatnasha urutáik iniaisarat? Nui̱ matsatainia nuna yajauchiri̱ji̱a̱i̱ nanamtincha tura yajasmasha amuukaruiti. Warí, Yuska ii náṉkatkamuri̱nkia iyatsui tiarmai.

Jrm. 2:15

Úunt ya̱wa̱ uchirí̱ṉkia Israeran weruiniak júrur ajainiawai. Úunt ya̱wa̱ shiniakui antukar Israer nuṉkaka aya jú̱nik ajasárai. Tura pépruri̱sha ekemátramu ásar shuari̱sha atsá aya jú̱nik juákarai.

Jrm. 2:6

Núnisaṉ Ejiptunmaya̱ yarurmak atsamunam aya ju̱ju̱ptinniumaṉ kíritniunmaṉ wa̱a̱ írunmanum áentskesha nuiṉkia pujushtai̱niam tura wekachatai̱nmaani̱ juramkimiajnia nu Uunt Yussha ¿tui̱ pujá? turutchamkarum.

Jrm. 50:3

Kame chíkich nuṉkanmaya̱ araki̱a̱ aents nin mesetja̱i̱ amuk kampuntin atsú nuṉka aitkia ikiuktinian winitiáiniawai. Nuna túrawarmataiṉkia yaaksha nuiṉkia pujuschartatui. Antsu nuyá̱ aentska tura yajasmasha pisarar yajá shiáktatui” tawai Uunt Yus.

Jrm. 7:29

Ame intiashmeka tsupiram ajapata. Naint tsékeṉkim wakam kúntuts jakamnia enentáimprata. Uunt Yuska suira kaje̱nak nakitiar jú̱ aentsnaka ajapa iniaisaruiti.’

Jrm. 8:18

Tí najaimia asan enentái̱rsha jakamnia nekapeawai túrasha tsuákri̱ṉkia peṉké atsawai.

Ukan. 1:16

Nu túruna asamtai utjai tura winia ji̱rui̱ṉkia nea̱jik papar ajawai. Winia enentái̱run ayamtikiar atsaṉtin ikiurkiyi. Túrutamtai nemasur awaktúkaru ásarmatai winia uchirsha emesnakarai.

Ukan. 2:11

Úu útkuan nea̱jkirka kukach ajasmatai kuntuts enentáimkiun jakamnia nekapeajai. Winia péprur ashí emesnaku asamtai ti kúntuts jakamnia nekaajai. Warí, uchisha kuírchich muntsúaku ínianana nusha jáiniak pepru páasarin tepetar ajainiawai.

Juir 1:13

Tuma asamtai Yúsnan pujurniutirmesha suí̱r pushí entsarum kúntuts jakamnia enentáimpratarum. Yus áestutai̱niam takaatirmesha úttiarum. Winia Yusur pujurniutirmesha suí̱r pushí entsarum kanartarum. Warí árak Yus áestutai̱sha tura umutai̱sha ii Yusri̱ Je̱e̱nkia itiachmaiti.

Juir 1:19

Kampunniunmaya̱ numincha sa̱a̱kniasha ji áesak mash amuku asamtai winia Uunt Yusru maa Aminiak seattajme.

Ams. 5:1

Wats Israer shuartiram nekaatarum. Átum kajiṉkrum amukákrumin tí kuntuts e̱a̱ran kantamprajrumna nu antuktarum.

Ams. 5:16

Antsu ántichu asaakrumin Nayaimpinmaya̱ Suntara Uuntri̱ Jiuwá Yus chichaak “Ashí péprunam aṉkantin ainia nui̱ úttiartatui. Núnisaṉ ashí péprunam tí waitiaji tiártatui. Túmainiak arakma ainia núnaka kúntuts enentáimiar pujusárat tusa untsukartatui tura kúntuts enentáimiuk wáitin ainia núnaka kúntuts enentáimkiur wáitiaji tiarat tusa ipiaawartatui.