Jrm. 8:9 - Yus Papí: Shuarja̱i̱ Yus Yamaram Chicham Najanamu

⁹ Tí neka áiniana nusha iniatsá̱nar ti sapijmiainiak ‘ausháa’ tuíniawai nuya̱ṉka achirárma armai. Wats nekaatarum. Warí Uunt Yusa chichame̱ncha nakitraru ásarmatai yamaisha ¿warí nekatai̱ji̱a̱i̱ṉ juárkara?

Jrm. 8:9 Iomraidhean Croise

2 Akup. 17:15

Kame Uunt Yus akupkámu tura Israer shuara we̱a̱trí̱ji̱a̱i̱ umiktin chichaman yaunchu najanamuncha nakitrar Yus umiktarum tusa chicharkarmaitiat antukcharmiayi. Tura ju̱ nuṉkanmaya̱ antra nuna wakerukar niṉki ántar awajmámsarmiayi. Warí aents ayamach matsamármia nuna túrutairi̱ átumka túrawairap Uunt Yus tímiaitiat nisha núnisaṉ túrawarmiayi.

Juup 5:12

tura aents netse túruta unuimiátra yajauch túrattsa enentáimtamuncha emestatsuk.

Juup 5:13

Ti neka ainia nuna chíkich yajauch túrattsa iwiarturman íksaṉ níniak sumamtikia emestiniaiti.

YKan. 19:7

Uunt Yus akupkámu chicham imiá péṉkeraiti. Tuma asa yamaram iwiaakman súramji. Uunt Yuska nekas ni tana nuna ímiatrusaṉ umin asa aents imian enentáimcha nuna neka awajeawai.

Isa. 29:14

Tuma asamtai jú̱ shuarnumka ataksha aents túrachminian túrakun tsuumainian iniaktusartatjai. Túran niniu neka ainia nuna nekatairi̱ncha ikiajtiúkaran emeṉkátkartatjai” tímiayi.

Isa. 8:20

Antsu “¡Yus akupkámu umiktin chichama nu anturkartai!” títin áiniawai. Tura núnis tuíniachkuṉka nú aentska tsawant tsawantracharma núnis ajasáru áiniawai.

Jrm. 19:7

Tura Jerusaréṉ nuyá̱ Jutanmaya̱ shuara enentáimmiari̱nkia ju̱i̱ ashí emestuktatjai. Núnisnak ni iwiaakmari̱n e̱a̱tainia nuna uwejé̱n íktusaran ni nemasri̱ puya̱ja̱i̱ amukarat tusan tsaṉkatkartatjai. Kame nu aentsu aya̱shí̱nkia yakiya̱ nanamtin yukartin tura nuṉkaya̱ yajasma yukartin ainia nuna yumaṉke̱ ajasártatui.

Jrm. 2:8

Yúsnan pujurniusha Uunt Yussha ¿tui̱ pujá? turutcharmai. Tura akupkámu umiktin chichaman nékainiasha nekaracharmai. Murikiu wáinin arma nusha Wíniaka nakitruiniak kajertukarmai. Núnisaṉ Yúsnan etserin arma nusha Paara náari̱ji̱a̱i̱ etserkarmai. Túmainiak antra nuna e̱a̱karmai.

Jrm. 49:7

Etumnaka Ashí Akupin Uunt Yus jú̱nis tawai “Wi Esaunka atantraitjiai túran ni ú̱mtairi̱ncha paant awajtúsuitjiai túramu asa ú̱mkashtatui. Warí nekaata uunt nuṉka mátsatkamunmasha uchia nútikiattajme túrunawakmin aents nakitrámprartatui. Ashamamna nuke tura naṉkamantu enentái ámin anaṉkramaiti. Kaya tsentsaimiunam pujamna nuna tura naintia esantí̱ya̱ ímian awajtámsaiti. Ame pasunkem churuwia núnisam yakí̱ takakkumnisha nuyá̱ akaktiatjame. Etumka emeskamu átatui nuní̱ naṉkaamainia nuka ashamkartatui tura asutiámun nekaawar ujujmiásartatui” tawai Uunt Yus.

Jrm. 6:15

Antsu mui̱jmiai̱ túramarum nui̱sha ¿natsa̱a̱rukaitrum? Ti nekas natsantai̱nchaitrume tura péejchachisha ajaschaitrume. Tuma asamtai Wi asutiáttajrumna nú tsawantinkia atumsha asutniáttarme” tawai Uunt Yus.

Jrm. 6:19

Maa nuṉkáa antuktarum. Tura iistarum. Winia chichamprun umitsuk Wi akupkámuncha ajapa iniaisaru ásarmatai ni enentáimsarua nútiksanak yamaikia jú̱ aentsun asutiáwartaj tusan tí yajauchin itiarainiajai.

Ams. 2:4

Tura Jiuwá chichaak “Jutá tunaari̱nkia menaintiuiti tura ju̱ kuátruja̱i̱ṉkia asuttsukka peṉké iniaisashtatjai. Warí Jiuwá akupeamuri̱nkia nakitrar Ni chichame̱ncha umirkacharuiti. Túmainiak ní wáitri̱n anaṉkawaram Ni we̱a̱tri̱ túrawarmia nunak túruiniak ántar yusan umirkaruiti.

Sak. 13:4

Nu tsawantinkia ashí Yúsnan etserin ainia nuka etserainiaksha ímiaja̱i̱k wainkiamuri̱n natsantrartatui. Túmak anaṉkartuatai tusarka nuap tarach aparmánka atakka peṉké entsarchartatui.

Muis. 4:6

Tuma asamtai ju̱ péṉker enentáimsarum umíakrumni̱ṉkia chíkich nuṉkanmaya̱ aents iismasha ti neka tura enentáimin átatrume. Núnisaṉ ju̱ akupkámu chichaman antukar ‘¡Nekas nú aentska neka tura ti enentáimin ásar uunt naṉkamantu pépruiti!’ turamartatui.

2 Tim. 3:15

Uchichinmaya̱ṉ Yus Chicham nékame. Yus Chichamka uwempratniun jintintramamniaiti. Nusha “Jesukrístu nekas enentáimtakum uwemprattame” tawai.