Jrm. 8:6 - Yus Papí: Shuarja̱i̱ Yus Yamaram Chicham Najanamu

⁶ Émamkesan antú ajakun antukjai. Chichainiaksha naka chichainiatsui. Aents yajauch tura asa ené enentáimiá ajas ¿ausha warí itiurkája? tauka chikichkisha atsawai. Tútsuk kawái mesetnum urukniuit núnisar aya ní wakeramunak tsékentainiawai.

Jrm. 8:6 Iomraidhean Croise

Juup 10:2

Yusan chicharkun ‘Súmamtikruawaip, nekamtikruata ¿urukamtai wíji̱a̱i̱sha mániam?’ titiatjai.

YKan. 14:2

Kame Uunt Yus aentsun Winia nekara enentáimtursamniasha áwash tusa nayaimpinmaya̱ṉ íimiayi.

Isa. 59:16

Kame Uunt Yus nuna íisash péṉkeran túrinniaka peṉké wainkiachmiayi. Tura nuna chichampruktin atsá asamtai ti enentáimpramiayi. Tuma asamtai ímia Niṉki uwemtikramnia tura Ni nekasa nuja̱i̱ métek túrutairi̱ṉ emetamiayi.

Jrm. 23:25

“Yúsnan etserin ainia nu Winia náarun ántar pachisar ¡Mesekamprajai, mesekamprajai! tusar wait chichaman etserainiana nunasha anturkaruitjiai.

Jrm. 3:5

¿Túkek kajertuká? ¿Peṉké kajinmattsukek pujustata? turuteame. Túrasha ¿urutmá yajauchia túratin jeam? tímiatrusmek túraitme” turutmiai.

Jrm. 5:1

Uunt Yus chichaak “Kame Jerusaréṉnum jintia áiniana nu wekaatusrum íisrum nekaatarum. Wats pepru áṉkamuri̱ iisam aents chikichkisha nákaa nuja̱i̱ métek túrak aya nekasa nunak ¿túrasha áwash? Túmaitkiuiṉkia Wisha tsaṉkurattajai.

Isk. 18:28

Antsu ashí yajauch túramuri̱n enentáimtus nuyá̱ kanakiṉkia ti nekas játsuk iwiaaku pujustatui.

Tan. 9:11

Tura ashí Israer shuar Ame chichamin antuktinian nakitiáiniak Ame akupkámu umiktin chichamnasha iniaisar kanakiarai. Tuma asar yumiṉnaruitji. Núnisrik tunáa tura asar umíachkurmeka ju̱ní̱ asutniáttarme táman Yusa takarniúri̱ Muisais aarma nuja̱i̱ métek asutiámuitji.

Mik. 7:2

Kame ju̱ nuṉkanmaṉka chikichkisha nekas enentáiji̱a̱i̱ Yusan enentáimtaka peṉké atsawai. Jú̱ aentsnumia̱ṉka chikichik áishmaṉkesha péṉkera túrinkia atsawai antsu aya maṉkartuatniunak wakeruiniawai tura aṉkant aṉkant ni írutramuri̱n e̱a̱min nekaja̱i̱ achinia nútikias anaṉka achiniawai.

Sup. 3:7

‘Wi jintintiam nekas ashamprukar Wikia umirtukchartimpiash’ tumammiajai. Tura asutiáwarmiaj nuya̱ṉka nu arantka ni pujutái̱ri̱ṉkia péṉke emestunkashtatui. Túramaitiatcha núja̱i̱sha niṉkia ashí yajauchin túrawarmai.

Aji. 1:5

Ashí Akupin Uunt Yus chichaak “Átum túrarmena nu ¿péṉkerashit? Enentáimpratarum.

Aji. 1:7

Ashí Akupin Uunt Yus chichaak “Átum túrarmena nu ¿péṉkerashit? Enentáimpratarum

Mks. 3:16

Nuyá̱ Uunt Yusan ashamin armia nu aṉkant aṉkant ni ai̱ji̱a̱i̱ áujmatainian Uunt Yus wainiak anturkarmiayi. Tura Uunt Yusan ashamainiak Ni naari̱ shiir awajainia nu tuke enentáimtusma kajinmatkichmin armi tusa Nisha íimiai̱ṉ papinium áarmiayi.

2 Pit. 3:9

Uunt Kristu “atak tátatjai” tana nuna umitsuk meṉkakashtatui. Áyatik aentsti “wau taatsui” taji. ¿Urukamtai wau taatsua? Iin aentstin nákarmaji. Shuar chikichkisha meṉkaka̱i̱ṉ tusa nakitiawai. Antsu ashí shuar enentái̱n yapaji̱áwarat tusa wakerawai.

Apu. 9:20

Tura nuja̱i̱ jákacharmia nú shuar yajauch túratniun peṉké iniaisacharmai. Tura yajauch wakanniasha tura najankamu yusnasha tikishmátratniun iniaisacharmai. Nu ántar yus kuriji̱a̱i̱, kuitji̱a̱i̱, yaṉkú jiruja̱i̱, kayaja̱i̱, numiji̱a̱i̱ najanamu ásar wainmaktinniasha, antuktinniasha tura wekasatniuncha tujintiainiawai.