Jrm. 8:5 - Yus Papí: Shuarja̱i̱ Yus Yamaram Chicham Najanamu

⁵ Jerusaréṉká urukamtai jú̱ shuarka tuke umichu asasha aya kajetnaksha pujurniuit. Anaṉkartutain umiriakka antuktinniaka peṉké nakitiawai.

Jrm. 8:5 Iomraidhean Croise

Neka. 4:13

Wi jintintiajmena nu umikta, kajinmátkip. Warí núiti ame péṉker pujustintrum.

Isa. 1:20

Antsu Wi tama umitsuk nakitiakrum nu arant ajakrumka mesetnum amukáttarme. Uunt Yus jú̱nis tíniuiti.

Isa. 44:20

Yuṉkunmin yuíniawai, ni enentáinkia anaṉka yajá pemperayi. Ni wakaní̱ṉkia aṉkant awajtatsui tutancha tatsui. ¿Untsuur uwejrui̱ takakjana nuka wáitchakait?

Jrm. 14:7

Maa Uunt Yusru Ame naarmi aneṉkrattairmiji̱a̱i̱ túrata. Ti nekas ántichu ajasuitji núnisaṉ Aminí̱sha yajauch túraitji. Túmaitkiurnisha Ámeka iiji̱a̱i̱ pujame tura Ame náarmiji̱a̱i̱ anaikiamuitji. Tuma asamtai ajapa iniaikiartusaip.

Jrm. 2:32

Warí natsach aentsja̱i̱ tsaniṉcha ainia nusha ni iwiarmamtairi̱ tí shiirmach iwiarkamu ainia nuna tura nuwa̱ nuatnaiyasha ni iwiarmamke̱n ¿kajinmátainiawak? Tuma ai̱ṉ Wi shuar nekapmarchamnia tsawant Wíniaka kajinmátrukiarai.

Jrm. 3:5

¿Túkek kajertuká? ¿Peṉké kajinmattsukek pujustata? turuteame. Túrasha ¿urutmá yajauchia túratin jeam? tímiatrusmek túraitme” turutmiai.

Jrm. 5:27

Chiṉki chumpitiai̱ jiru najanamunam chiṉki piak ana núnis anaṉmar wariṉkish yaruakma ni je̱e̱nkia mete piak áiniawai. Túrawar páantin tura tí kuitrintin ajasáruiti.

Jrm. 5:3

Maa, Uunt Yusá ¿Ámeka nekasa nuna túrawarat tusamchak íimiam? Amek asutiáwarmame túrasha najaimiakcharuiti. Amutcha amukármame túrasha iwiarnartinniaka peṉké nakitiarmai. Ni enentái̱ kayaja̱i̱ naṉkaamas kátsuram ajasár yapi̱sha nusháa iira ajasár tunaarí̱ya̱ ayantár waketkitniun peṉké nakitrarmai.

Jrm. 5:6

Nuna tura ásarmatai úunt ya̱wa̱ kampunniunmaya̱ jíintiurar esaiyartatui. Tura kampuntin atsunum matsamin rúpuka emeskartatui. Antsu ni pépruri̱ ainia nui̱ṉkia yampiṉkia nákarartatui. Kame Yus timian umiktinian nakitiáiniak peṉké ántichu ajasármatai péprunmaya̱ jiiniainiaka achia̱rma ártatui.

Jrm. 6:17

Núnisaṉ kachu umpuamu antuktarum tiarat tusan jintiá íinian apujsarmajai. Túrasha “nuka peṉké antukchartatji” tiarmai.

Jrm. 6:19

Maa nuṉkáa antuktarum. Tura iistarum. Winia chichamprun umitsuk Wi akupkámuncha ajapa iniaisaru ásarmatai ni enentáimsarua nútiksanak yamaikia jú̱ aentsun asutiáwartaj tusan tí yajauchin itiarainiajai.

Jrm. 9:6

Aya anaṉkartutnak matsamtin áiniawai tuma ásar Winia nekaratniunka nakitiáiniawai” tawai Uunt Yus.

Tan. 9:11

Tura ashí Israer shuar Ame chichamin antuktinian nakitiáiniak Ame akupkámu umiktin chichamnasha iniaisar kanakiarai. Tuma asar yumiṉnaruitji. Núnisrik tunáa tura asar umíachkurmeka ju̱ní̱ asutniáttarme táman Yusa takarniúri̱ Muisais aarma nuja̱i̱ métek asutiámuitji.

Use. 11:5

Winí̱ waketkitniun nakitraruiti. Tuma ásar Ejiptunmasha waketkichartatui. Antsu ni akupniúri̱ṉkia Asirianmaya̱ṉ átatui.

Use. 11:7

Tumai̱ Wi shuarka ántichu ajasár umiktinniasha nakitiáiniak aya kájertuiniawai. Nuyá̱ Naṉkamantu Yúsaitme turutainiayataṉ ishichkisha páantin awajtuiniatsui.

Use. 13:2

Tura nu arant tunaan túruki̱ wénak ni kuítri̱ji̱a̱i̱ ántar yusan ni nékamuja̱i̱ untsurí niisháa najanawar aentska nú yusan shiir awajsatai tusar áestuinia nuna “Waaka uchich nakumka najanamun mukunáwarti” tuíniawai.

Sak. 7:11

Túrasha antuktinian nakitrarmiayi. Tura kajenak antuktinniasha nakitiáinia ásar kuishincha akiriarmiayi.

Juaṉ 5:40

Tuma ai̱ṉ nekas iwiaaku átaj tusarum Winí̱ tátin nakitiarme.

1 Tis. 5:21

Ashí etserkamu ana nu nekasashit tusarum nekaatarum. Túrarum aya péṉker ana nuke achiktarum.

Isr. 12:25

Nuka tí peṉker asamtai Yus chichartamprumna nu nekas anturkatniuitrume. Yaunchu Yus jú̱ nuṉkanam murá chichaamun anturkachar asutniátniunam uwempracharmiayi. Nui̱kia Yus nayaimpinmaya̱ chichartamkurin ántachkurkia ishichkisha uwemprashtatji.

Apu. 2:25

Tura Wi jeatsa̱i̱ṉ takakrum nu emetatarum.