Jrm. 8:3 - Yus Papí: Shuarja̱i̱ Yus Yamaram Chicham Najanamu

³ Tuma asamtai nu tsawantinkia ju̱ aents imiá yajauch iwiaaku juákarun tui̱ṉsha akuprattajna nui̱sha iwiaaku pujustinji̱a̱i̱ṉkia jákatin imiá péṉker átatui” tawai Ashí Akupin Uunt Yus.

Jrm. 8:3 Iomraidhean Croise

1 Akup. 19:4

Nuyá̱ Iríaska kampuntin atsú nuṉkanmaani̱ chikichik tsawant wekas jakamnia nekaper numich ukatkatniunam wéanak pujusmiayi. Túruna chichaak “Maa, Uunt Yusru máakete, wárik mantuata. Warí winia úuntur armia nuja̱i̱ naṉkaamas wikia péṉkerchaitjiai” tímiayi.

Jrm. 23:3

Tura Winia murikiur juákarun ashí nuṉkanam tsakiṉmakarmaj nuna ikiankaran ní sa̱a̱kri̱ni̱ṉ ataksha matsasártatjai. Túramka pampaṉkar tí untsurí ajasártatui.

Jrm. 23:8

Antsu Israer shuar tsakiṉmakarma arakaani̱sha tura ashí nuṉkanam matsatainian awakearar ‘Iwiaaku Uunt Yus yajá matsatainian ikiankarua nu iirui’ tiártatui. Túram ni nuṉke̱ni̱ṉ matsamsartatui” tawai Uunt Yus.

Jrm. 29:14

Túrasha atumek e̱a̱tkarum waitkiattarme. Tura achirar yajá yaruakma átumka matsatrumin nuya̱ntka awakeartatjarme. Kame uunt nuṉka mátsatkamunam tura Wi ji̱i̱rá akuprámu tui̱ matsamsaitrum nui̱ pujarmini̱ṉ ashí ikiankan irurtatjarme. Túran tui̱ matsatrumnia̱ achira yaruaktarum tusan tsaṉkamkamjarum nui̱ṉ awakearan ataksha matsastatjarme tawai Uunt Yus.

Jrm. 29:28

Warí niṉkia Papirúnianam akuptúrmak chichartamuk “Achira yaruakma matsatrumna nútirmeka núkap tsawant nui̱ṉ matsamsattarme. Tuma asamtai je̱a̱ je̱a̱mkatarum tura ajamtiarum túrarum nereana nuna nere yuátarum turamaji”’ tusam áarmame” Yus tawai.

Jrm. 40:12

Túrunamtai Jutanmaya̱ aentska ashí nuṉkanam tsakiṉmakma matsamármia nuka ashí waketrar káunkarmiayi. Tura Jutá nuṉkanam Jetaríasai̱ Míspanam ashinkiarmiayi. Túrawar winiuncha tura yuraṉ esatái̱ neren áiniana núnaka tí nukap júukarmiayi.

Jrm. 44:2

“Ashí Akupin Uunt Yus Israera Yusri̱ chichaak ‘Jerusaréṉnum tura Jutanam pepru írunna nui̱ ashí yajauchin itiariarmajna nuka atumsha wáinkiaitrume. Nekaata, yamaiya̱ ju̱i̱sha tuke emeskamu ásarmatai nu nuṉkanmaṉka aentsush matsatainiatsui.

Jrm. 44:6

Túmakrumin Wi suir kaje̱ntkamusha naṉkatukai túran Jutanam pepru írunna nuna tura Jerusaréṉnum paasa jintia írunna nunasha kajerkaran kéerkaitjiai. Tuma ásar emesnakar yamái ana núnisar aya jú̱nik juákaruiti.

Jrm. 6:9

Ashí Akupin Uunt Yus chichaak “Uwa nere̱n júu shuar juuk umiriat waketruki̱ kanawe̱ya̱n émamkes juu júu ewekámena áitkiasaṉ Israer shuar juákaru ainia núnaka juu júu awajsártatui.

Tan. 9:7

Maa, Uuntru, naka péṉker túratniuka áminiuiti. Tura ashí Israernumia̱ tura Jutá shuar núnisaṉ Jerusaréṉnum pujuiniana nusha nuyá̱ Ámin nakitramainiakui ji̱i̱ra akuprarma tíjiu̱chisha núnisaṉ yajá pujuiniasha yamái urukainiawa núnisaṉ natsa̱a̱rtinkia íiniuiti.

Riw. 26:33

Atumniaka ashí nuṉkanam tsakiṉmaktatjarme. Túram Winia puya̱run atumín ukuitkiattajrume. Nuya̱ṉka atumí nuṉke̱nka aya jú̱nik ajasármatai atumí pépruri̱ṉkia ashí itiarak ajasártatui.

Ams. 3:1

Ashí Israer shuartirmin Ejiptunmaya̱ juramsamiarmena nútirmin Jiuwá átum asutniátniun túramprumna jú̱ chicham antuktarum.

Jns. 4:3

Túrin asakmin Uunt Yusru, seajme, wárik mantuata. Warí iwiaaku pujustinji̱a̱i̱ṉkia naṉkaamas jákatin péṉkeraiti.”

Muis. 30:1

Atumín ashí yajauch yumiṉkian tura péṉker yumiṉnasha atumín tájarmena nu jeartámkui Uunt Yus ashí yajá nuṉkanam tsakiṉmakma matsamsarum wi tájarmena nui̱ enentáimsattarme.

Muis. 30:4

Kame atumsha imiá yajá nuṉkanam akuprámu matsatrumin ímianianak atumí Uunt Yusri̱ irutmar juramkittiarme.

Apu. 6:16

Túrawar náintniasha kayancha tiarmai “Asutniátin tsawant jeayi. ¿Yaki aun katsuntrat? Nu asamtai saanakim iin yutukratáta. Túrarum Murik ti asutiámataj nuya̱sha tura akupin pujana nuya̱sha ú̱kratkata” tiarmai.

Apu. 9:6

Nui̱ shuar wari jakataj tuíniayataṉ jákachartatui. Ti wakeruiniayataṉ jákatniun tujintkiartatui.