Jrm. 8:16 - Yus Papí: Shuarja̱i̱ Yus Yamaram Chicham Najanamu

¹⁶ Tánnumia̱ juárkin kawairi̱ chichainiamu antuwainiawai. Ni kawairi̱ chichainiamun ántuiniak ashí núṉkaka kurá núniawai. Káutkar ashí nuṉkanka wakerú ajamai irunainia núurtiuk tura péprunka shuári̱ntiuk amú amú awajénawai.

Jrm. 8:16 Iomraidhean Croise

YKan. 24:1

Ju̱ nuṉkasha tura ju̱ nuṉkanam ashí irunainia nusha takamtsuk Uunt Yusna áiniawai. 1 Kur. 10:26

Jrm. 10:25

Ashí uunt mátsatkamunmaya̱ Ámin nekarmainiatsna nu tura Ame náarmin pachisar shiir awajtámainiatsna nu kajetáirmiji̱a̱i̱ asutiáwarta. Warí Jakupa shuari̱nkia amukar ni pujutái̱ri̱ncha emestukar aya jú̱nik awajsar aya íimtiksarai.

Jrm. 3:24

Ii aparí̱ tí kakaram takasar wáinkiarmia núnaka, muriknasha waakancha uchirí̱ncha tura nawantri̱ncha, iikia najankamu yus natsanmai̱ áiniana nu wakerakur natsanmaya̱ juárkimiuk amuturmaki̱ winitrámainiaji.

Jrm. 30:16

Tura ámin yamái yuramainia nuka yuamu ártatui tura ame nemasrum ainia nuka ashí mash achira yaruakma ártatui. Atumín atantramainia nunasha núnisaṉ nincha atantrartatui. Ántsaṉ atumín kasartamainia nunasha nútiksaṉ kasararat tusan iniaisartatjai.

Jrm. 30:5

Uunt Yus chichaak “Ashamakur untsumma antukuitji. Sapijmiaktin tsawant asamtai warasar matsamsatin atsawai.

Jrm. 4:24

Naint iisarmasha naintkia kurainiarmai tura naintiar naintiar áiniana nuka ashí téter ajarmai.

Jrm. 4:7

Úunt ya̱wa̱ka tepetairi̱ya̱ jiinkiyi. Kame uunt nuṉka mátsatkainian emesmia nuka jiinkí̱ wéawai. Ame nuṉkemín emesak aya jú̱nik awajsartaj tusa pujutái̱ri̱ya̱ṉka jiinkiyi. Ame pépruram ainia nuka emesnak áentsri̱ncha awajnásartatui.

Jrm. 47:3

Kawairi̱ tsékenak tútur ajainiakui tura káruri̱sha ántuchat ajainiakui núnisaṉ karu nawe̱sha téter ajainiakui nuna antukar apasha sapijmiainiak ni uchirí̱ncha apajá̱skesha íitsuk utsaṉkar ikiuiniawai.

Jrm. 5:17

Ame arakrumniasha tura yurumkarmincha núnisaṉ uchirmíncha ántsaṉ nawantrumniasha yurutrámattarme. Áitkiasaraṉ murikrumniasha waakarmincha tura úwarmincha nuyá̱ íkiurmi̱ncha yurutrámattarme. Tura ame pépruram iwiarkar utúachmin awajsamu ásarmatai ju̱i̱ṉkia itiurtámkachartatji tu enentáimtarmena nunasha puya̱ja̱i̱ emesturmaktatrume” tawai.

Jrm. 51:29

Núṉkaka ú̱u̱rkattawai tura najaimiak tuniṉkiana núniawai. Warí Uunt Yus Papirúnia amuk aya jú̱nik atsá mashiaru áentskesha atsá awajsatin tsawant uminkiayi.

Jrm. 6:23

Tíshimkiuja̱i̱ naṉkin takarainiawai. Peṉké netse waitnenkartichu áiniawai. Tuma ásar nayants nase wajataam uu ajak téter ajana tímiatmainiawai. Kawainium ekemprar chikichik áishmaṉka núnisar mesetnaka aya ajatrámas winitramui Seuna nawantri̱yá.

Awa. 3:10

Núnisaṉ naintcha waitmakar ú̱u̱rkarmai nuyá̱ entsasha ama̱a̱rak naṉkaamasarmai. Núnisaṉ nánata sáisaintiak arma nusha kakaram untsumainiak uwejé̱n takuiniarmai.

1 Kur. 10:26

Ashí ju̱ nuṉkasha tura ashí írunna nusha Yúsnachuk ainia. Tuma asamtai péṉker áiniawai.YKan. 24:1; 50:12

1 Kur. 10:28

Tura chíkich chichaak “Ju̱ka najankamu yus susamu namaṉkete” túramkuiṉkia nuikia yuáwaip. Yúakminkia nu shuar itiurchat enentáimprutmartatui.

Suma. 20:1

Israer shuar ashí weanmaya̱ suntara úuntri̱sha tura kuatrusiántu mir suntar Míspanam iruntrarmiayi. Antsu Piṉjiamín shuarka káunkacharmiayi. Tura Piṉjiamín shuarsha nuna nekaawarmiayi. Tura Riwí shuarka Piṉjiamín shuar ni nua̱ri̱ya núnis amia nuna itiurká máwarma nuna ataksha awaiṉki̱ ashí ujakar urukamtai nuwá̱ aya̱shí̱n tsupir akupkáma nunasha ashí ujakármiayi.