Jrm. 8:12 - Yus Papí: Shuarja̱i̱ Yus Yamaram Chicham Najanamu

¹² ¿Antsu mui̱jmiainian túrawarua nui̱sha natsamainiawak? Warí nekasaiti peṉké natsa̱a̱rcharuiti ántsaṉ péejchachisha ajascharuiti. Tuma ásar iniainiana nuja̱i̱ métek iniarartatui. Tura asutniátin tsawant jeatéma nui̱ nekaska tukumkartatui” tawai Uunt Yus.

Jrm. 8:12 Iomraidhean Croise

Naṉ. 19:34

Tura nuyá̱ kashin iwiá̱i̱ kain chichareak “Wikia ya̱u̱ kashi ii aparí̱ji̱a̱i̱ tsaniṉkian kanarchamkaj. Jú̱ káshisha ataksha áintsarik anamkatai. Tura ame niji̱a̱i̱ tsaniṉkiam kanarminiam. Túrarkia ni uchirí̱ mai̱ takursattaji” tímiayi.

YKan. 52:1

Maa kakaram áishmaṉká, ¿urukamtia ame yajauch túramna nuja̱i̱ waantu enentáimtumam? Kame Yusa aneṉkrattairi̱ṉkia náṉkatkachuiti.

YKan. 52:7

“¡Paij jú̱ aishmaṉ iisiá! Yuska winia ejamtairuiti títinian nakitramai. Antsu ní kuitri̱ tí nukap takakuya nunak enentáimtus aya ní yajauchiri̱ni̱ṉ pujumai” tiártatui.

Jrm. 10:15

Peṉké ántar áiniawai, mui̱jmiai̱ najankamu ásar asutniátin tsawantinkia ashí amukártatui.

Jrm. 23:12

“Tura ni jinti̱nkia kiritniunam atajkintrar iniatai̱ átatui. Tura shitiam nui̱ iniarartatui Wi asutiáttajna nu uwí átatna nui̱ṉkia nin yajauchin Wi itiariártatjai” tawai Uunt Yus.

Jrm. 3:3

Ame nu tura asakmin yumi yutukcharuiti tura nu arant arakan tsakatmaktincha yutukcharuiti. Túmaitiatmek tsanirma nuwa̱ natsantaincha urukainia núnismek amesha peṉké natsa̱a̱rchaitme.

Jrm. 44:10

Átumka yamaiya̱ tímiaja̱i̱sha péejchachikia ajascharme. Ashamprutcha ashamprukcharme túmakrum Wi akupkámusha tura umikrum chichaman atumíin tura atumí aparí̱i̱n ikiusmaj nuja̱i̱ wekasachu asarum umitcha umikchaitrume”’ tímiayi.

Jrm. 6:15

Antsu mui̱jmiai̱ túramarum nui̱sha ¿natsa̱a̱rukaitrum? Ti nekas natsantai̱nchaitrume tura péejchachisha ajaschaitrume. Tuma asamtai Wi asutiáttajrumna nú tsawantinkia atumsha asutniáttarme” tawai Uunt Yus.

Jrm. 6:21

Tuma asamtai ju̱ shuarnaka itiurchatnum tukumkatniun apujtusarjai. Tuma asa apasha uchirtiuk iniarartatui. Tura ayaam pujuinia nusha amikriimiak ashí kaji̱ṉ amuukartatui, Uunt Yus jú̱nis tíniuiti.

Sup. 3:5

Túmaitkiuisha Jiuwaka aya tí peṉkernak túriniaiti, yajauchinkia túrashtatui. Táamtsuk tuke káshik ni naka sumamtiktairi̱n paant awajui tura Ni túrutai̱ya núnaka túrutskeka iniaisashtatui. Túrasha Yusan enentáimtichuka natsantan nékatsui.

Muis. 32:35

Wikia yapajkiattajai tura akikmaktatjai. Nisha wárik atajkintrartatui. Warí ni wáitsatniuri̱ tsawant ishichik ajasmatai niniu iwiarturma nu wárik jeartemayi’ Uunt Yus tímiayi.

Jir. 3:19

Tuma ásar emesratniunam akupnákartatui. Ni aya̱shí̱ wakeramun ni yusri̱ya áintsaṉ tuke umirainiawai. Natsanmainian túruiniayat wararainiawai. Tura ju̱ nuṉkanmaya̱nak enentáimtuiniawai.