Jrm. 8:11 - Yus Papí: Shuarja̱i̱ Yus Yamaram Chicham Najanamu

¹¹ Tura Wi shuara nawantri̱ wait ajá pujakuisha atsaṉkratniunka wakeruiniachiat túkeneas ‘Aṉkant atí, aṉkant atí’ tuíniawai. Túrasha aṉkant pujustinkia peṉké atsawai.

Jrm. 8:11 Iomraidhean Croise

1 Akup. 22:13

Tura untsuká utitiá tusa akupkámu Mikiayásan jearí chicharuk “Wats nekaata, ashí etserin ainia nu nekas péṉkera nunak akupniúnka ujainiawai. Tura amesha núnismek aya péṉkera nuke titiá” tímiayi.

1 Akup. 22:6

Nuyá̱ Israer shuara úunt akupniuri̱ kuatrusiántu yúsnan etserin armia nuna ashí irurar anintrak “Karaatnumia̱ Ramutan mesetan jurusan werittiajak nuíchuka ánkik iniaisattaj” takui̱ yúsnan etserin armia nu aimiainiak “Wetá. Warí Uunt Yus úunt akupin nupetkai tusa ame uwejmíin íkturmastatui” tiármiayi.

Jrm. 14:13

Nuyá̱ chichaakun “Maa Ashí Uuntri̱ Uunt Yusá nekaata. Yúsnan etserin ainia nu chicharainiak ‘Mesetcha atsuttawai tsukasha atumínkia tarutrámchartatui antsu ju̱ nuṉkaka nekas aṉkant matsamsatniun suramsattarme’ ujak tuíniawai” tímiajai.

Jrm. 23:17

Winia nakitruinia núnaka iniaitsuk chicharainiak ‘Aṉkant pujustatme’ tuíniawai tura niní̱ wakera núnaka chicharainiak ‘Atumniaka itiurchatka tarutrámchartatui’ tuíniawai.

Jrm. 6:14

Wi shuar wáitiainia nu yaya̱chiatrum ‘Aṉkant atí, aṉkant atí’ tárume túrasha nekas aṉkant pujuiniatsui tawai Uunt Yus.

Jrm. 8:15

Kame itit awajsachma aṉkant pujustin nákasarji túrasha nú péṉkerka peṉké wainkiacharji. Tsuámartincha wáinkiacharji antsu imiaankir wáurkamnia ajainiaji.

Ukan. 2:14

Atumí Yúsnan etserniuri̱sha nekascha nuna tura wáurtaincha wáinkiaruiti. Tura átum achintrar junaktinian nékainiayat atumí tunaarí̱n nekaartamacharmai. Antsu ujatmákmin áyat wait chichaman imiamtikramprattsa ujatmákarmai.

1 Tis. 5:3

Ashí shuar “Pai, yamaikia ti nekas shiir péṉker pujuiniaji” tu matsatainiai̱ aya aneachma nuṉka mesertin tsawant jeattawai. Nuwa̱ ajamtin aya aneachma jatema áintsaṉ nékachmanum átatui. Túmakui̱ pisartin peṉké atsuttawai.