Jrm. 7:9 - Yus Papí: Shuarja̱i̱ Yus Yamaram Chicham Najanamu

⁹ Túmakrum kasamsuárum, maṉkartasuárum, tsanirmasuárum, tsanumsuárum kuṉkuin Paar aestasuárum nuyá̱ átum nuik nekaachma chíkich yus áiniana nu tikishmáttsuárum

Jrm. 7:9 Iomraidhean Croise

1 Akup. 18:21

Tura Irías, Israer shuar iruntramunam weanak chichaak “Atumsha jimiará enentái enentáimprumna nusha urutáintsuk iniaisatarum. Tura Uunt Yus nekas Yúsaitkiuiṉkia niṉki nemarsatarum núja̱i̱ṉchuka Paar nekas Yúsaitkiuiṉkia nuke enentáimtustarum” tímiayi. Tákui̱sha Israer shuarka peṉké áimkiacharmiayi.

Jiin. 20:3

Tuma asamtai Wini̱ya̱ṉka chíkich yuska takusaip.

Isa. 1:13

Kame Winia surustinia nuka yamaikia antra itiartirap. Ántsanak kuṉkuin áesturmancha muí̱jiajai. Núnisaṉ nantu takamtai tura Sáwar tsawantcha núnisaṉ nekas enentáimturchiatrum iruntrumna nunasha katsuntratniun nakitkíjiai. Tura Winia enentáimturkuram yajauch enentái̱ji̱a̱i̱ iruntrumna núnaka peṉké katsunteatsjai.

Jrm. 1:16

Nútiksanak Winia iniaitiusar ántar yusan ní najanamunak shiir awajainiak kuṉkuinian áestuawar tikishmátainiak ashí yajauchin túrawaru ásarmatai sumamtikiawaran asutniáwarti títiatjai.

Jrm. 11:13

Jutanmasha ni ántar yusri̱nkia peprua ímiatrus ti takakui. Núnisaṉ Jerusaréṉnumsha ni yusri̱ Páaran kuṉkuin áestutai̱ṉkia natsanmai̱ ni jinti̱ írunna nunisha untsurí najatmamkaruiti.

Jrm. 11:17

Israer shuarsha tura Jutá shuarsha Páaran kuṉkuinian áestuiniak yajauchin túrawar Ashí Akupin Uunt Yus atumín aratmawarma nu akajtukarmatai yajauchin akuptúkarmaiti.

Jrm. 13:10

Yajauch aents Winia chichamprun umiktinian nakitiáiniak ní enentái̱ji̱a̱i̱ṉ chíkich yus áiniana nuna shiir awajainiak tikishmátainia ju̱ aentsnaka akachumtai̱ mamurua núnis peṉké ántar awajsartatjai.

Jrm. 18:15

Túrasha Wi shuarka Wíniaka kajinmátrukiar najankamu yus ainia nuna kuṉkuinian áestuiniawai. Kame nuna túruiniak yaunchu túrutairi̱nkia kajinmatkiar ti awajirar wekainiawai. Túmainiak jintia péṉker iwiarkamunam wekaatsuk yajauch jintianmaani̱ wekainiawai.

Jrm. 19:4

Warí Israer shuarka Wíniaka iniaitiusaruiti. Tura ju̱ nuṉkanam mui̱jmiainian túrawaruiti núnisaraṉ nuiṉ najankamu yusan nisha nékainiachiat tura ni úuntri̱sha tura Jutanmaya̱ úunt akupin armia nusha nekaacharman kuṉkuinian áestuawaruiti. Ántsaṉ umitmákcharu numpe̱ncha nuiṉ tsuatmatkaruiti.

Jrm. 32:29

“Tura Papirúnianmaya̱ aents Jerusaréṉkan mesetan juruinia nuka nui̱ utsantuawar je̱a̱ taṉkiri̱n Páaran tura chíkich najankamu yusan wíniuja̱i̱ ukatrar núnisaṉ kuṉkuinian áestuiniak Winia kajetáirun e̱a̱karma núurtiuk jiji̱a̱i̱ áeskartatui.

Jrm. 44:3

Yajauchin túruiniak Wíniaka akajtukarmayi. Warí, kuṉkuinian áestuiniak chíkich yusan nisha nékainiachiat tura atumsha nekaachman núnisaṉ atumí aparí̱sha nekaacharman enentáimtusarmiayi.

Jrm. 44:8

¿Urukamtai Ejiptunam matsamsarmesha atumí uwejé̱ja̱i̱ najankarum yúsaiti tusarum chíkich yus kuṉkuin áestakrum akajtukmarum? ¿Túrunarum átumka ashí amunkarum yumiṉkramu núnisrumek ashí aents uunt nuṉka mátsatkamunmaya̱ wishiktai̱ ártincha?

Jrm. 44:9

Kame atumí aparí̱ yajauchiri̱ṉkia nuyá̱ Jutanmaya̱ úunt akupniu tura ni nuwé̱ yajauchiri̱sha núnisrumek atumí yajauchiri̱sha ántsaṉ atumí nuwé̱ Jutanam tura Jerusaréṉka paasa jinti̱n yajauchin túrawarma ¿nuka kajinmátkimkiarum?

Jrm. 5:2

Túraitkiusha nekas umiktatjai tusar ‘Iwiaaku Uunt Yus’ íirsati tuíniakush núnaka peṉké ántar tuíniawai” tímiayi.

Jrm. 5:7

Uunt Yus chichaak “Nuna túruiniancha ¿itiurak tsaṉkurartaj? Warí atumí uchirí̱ṉkia ajaprua iniaitiusarai. Túmainiak yuscha ainia nuna pachisar nekas túrattaji tuíniawai. Warí ni atsumainiamunka Wikia ashí súsarmajai túramaitiat niṉkia tsanirmawar aya̱shin súrin nuwa̱ matsamtainmasha tí waketiarmai.

Jrm. 7:6

yajaya̱ aentssha mitiaikiasha waje̱sha wáitkiachkurminkia nútiksarmek ju̱i̱ tunamkachua nuna numpé̱ uputachkurminkia ántsamek atumek yajauch awajmámkuram chíkich yus áiniana nu tikishmátchakrumni̱ṉkia

Isk. 18:18

Antsu ni aparí̱ṉkia yajauch awajkartin asa tura akikmak umitmákchan sumamtikiak umitmakun aṉkant awajin asa tura ni pépruri̱ncha péṉkeran túrichu asa ní tunaari̱ji̱a̱i̱ṉ jakattawai.

Isk. 5:11

Tuma asamtai Uunt Yus ashí aentsu Uuntri̱ chichaak ‘Wikia nekas Iwiaakuitjiai túrasha atumí yusri̱ najankamu mui̱jmiai̱ ainia nuja̱i̱ Winia Je̱a̱r mui̱jmiai̱ awajtúrsa asakrumin Wisha atumniaka peṉké waitnentsuk emeskan amuktatjarme.

Use. 2:13

Kame Páaran kuṉkuinian áestak kuishniun aki̱i̱tia̱i̱n aki̱a̱r tura tí shiirmach iwiarmamtaiji̱a̱i̱ iwiarmameak tsawantan ántar wasurka asamtai asutiáttajai. Túmak Wíniaka kajinmátruki̱ ni tsaniri̱ji̱a̱i̱ weúwiti” tawai Uunt Yus.

Use. 6:9

Kasa shuar jintian ákirna núnis Yúsnan pujurin iruntrar Sekim jintianam maṉkartuiniak peṉké yajauchin túruiniawai.

Ams. 4:5

Paṉ karin eṉketámu yúmiṉkiakur áestutai̱ya̱ nútiksarum áestuatarum. Túrarum ii enentáimsarik Yus súsatniua nu susatarum tusarum étserkuram kakantrarum charáa charáa ajatarum. Warí Israer shuartirmeka nu wakeriniaitrume” tawai Ashí Uuntri̱ Uunt Yus.

Sup. 1:5

Tura je̱a̱ yakí̱ pujusár nayaimpiniam kakaram írunna nunasha tura nekas umirkattajai tusar Jiuwáa náari̱ncha páchiniayatan Mírkum yusa náari̱ncha pachisar nekas umirkattajai tuínianka amukártatjai.

Mks. 3:5

Nuya̱ṉka atumíin jean sumamtikiattajrume. Túrakun wawekratniunka núnisaṉ tsanirmancha tura anaṉkartuattsa Yussha irui nekas umiktatjai tiniu ainia nunasha núnisnak takarin áinian nuyá̱ waje̱ncha áitkiasnak mitiaikian waitkia ainia nunasha nu arantcha iraran yajauch awajin ainia nunasha Wíniaka ashamprutsuk nuna túrawaru ásarmatai Wisha nekasaiti tusan wárik makuraran ashí sumamtikiawartatjai” tawai Ashí Akupin Uunt Yus.

Rum. 2:2

Yuska nu tunaan túrin ainia nuna súmamtikiashtinkiait.

Muis. 32:17

Nisha nékainiachiat yamaram yusan tura ni aparí̱sha ashamkacharma nú yusan shiir awajsarmiayi. Nuna túruiniak iwianchin taṉkun mantuá áestuiniak Yúsnaka pachikcharmiayi.

Apu. 21:8

Antsu sápijkia Yusan enentáimtichusha, yajauchin máatrasha, maṉkartincha, tsanirmatan pujurniusha, wawekratniusha, najankamu yusan tikishmátniusha tura ashí wáitrincha ji asupriji̱a̱i̱ keá antumiaṉnum apenáwartatui. Nuka jimiará jákatin tutainti” timiai.

Apu. 22:15

Tura antsu Yusan enentáimtachuka, wawekratniuka, tsanirmatan pujurainia nuka, maṉkartinkia, najankamu yusan tikishmátniuka tura ashí shuar wáitian wararainiak tuke túrin ainia nuka a̱a̱ matsatainiak peṉké waya̱chmin áiniawai.