Jrm. 7:8 - Yus Papí: Shuarja̱i̱ Yus Yamaram Chicham Najanamu

⁸ Wats iiskua átumka waitiá chichame̱ yaintmakchamnia nu nekasa tímianu enentáimtarme.

Jrm. 7:8 Iomraidhean Croise

Isa. 28:15

Warí átum chichaakrum “Iikia jatai̱ji̱a̱i̱ tura jaka matsamtai̱ji̱a̱i̱ chícham najanaitji tura ii wáitsatniuri̱ nújaṉ paṉkaki̱ winiana tímiatrus winiaksha iinkia itiurtámkashtatji. Warí ii ú̱mkatniuka ii anaṉmamuri̱ṉkiti tura íi waitri̱ni̱ṉ úmkaitji” tárume.

Isa. 59:4

Yaaksha péṉker túratniun wakerak untsumtsui. Tura yaaksha nekasa nuja̱i̱ métek sumamtikiachmaiti. Naṉkamantu enentáimtumainia nuna anturainiak wait chichaman chichainiawai. Yajauch wakerutai̱n ajaprukar yajauchin takuiniawai.

Jrm. 23:26

Maa, Yúsnan etserin ju̱ túrunattawai tusar wáitian etserainiak anaṉkartuatai tusar ní enentáimmianak etserainiana nuna enentái̱sha ¿urukutsuk ainia? tura nunasha ¿urutáitsuk iniaisarat?

Jrm. 23:32

Wats ju̱sha nekaata tawai Uunt Yus. Kame Yúsnan etserin mesekar wait ainia nuna etserainiak ni waitri̱ji̱a̱i̱ yuminchin chichasar Winia shuarun awajimtikiainia nuna yamaikia kajerkarjai. Warí Wikia akuptancha akupkacharuitjiai núnisaṉ warí péṉkernaksha jú̱ peprunka peṉké itiarchartatui” tawai Uunt Yus.

Jrm. 28:15

Nuyá̱ Yúsnan etserin Jirimías etserniun Ananías chicharuk “Ananíasá antukta. Uunt Yuska akuptámkachuiti tura ame ju̱ aents waitruá ujakum nu chichamja̱i̱ nekas tawai tusam anaṉkainiame.

Jrm. 4:10

Nuya̱ṉka chichaakun “Winia Uunt Yusru, nekas ju̱ pépruka tura Jerusaréṉsha anaṉkawaruitme. Warí ii enentái̱nkia puya̱ka ijiukratmanumaṉ itiurchat awajkachma aṉkant matsamsattarme” tichakaitiam.

Jrm. 5:31

Tuma ásar Yúsnan etserin ainia nusha waitruá etserainiawai tura Yúsnan pujurin áiniana nusha ní enentái̱ji̱a̱i̱ṉᵏⁱ jú̱nisar túratai tuíniawai. Tura Wi shuarsha nuna wakeruiniawai. Túrasha ni amuukatniuri̱ jeamtaisha atumsha ¿warí itiurkatarmek?

Jrm. 7:4

Núnisrumek wáitrin ainia nu chichainiak ‘Uunt Yusa Jé̱e̱, Uunt Yusa Jé̱e̱, nekas jú̱waiti Uunt Yusa Je̱e̱ṉka’ ajainiakuisha nekasapitia tiirap.

Jrm. 8:10

Tuma ásarmatai ni nua̱rí̱ ainia núnaka chíkich aentsnum surutkartatjai tura arakri̱nkia utsantuawar nupetmakarua nuna súsartatjai. Warí uchichinmaya̱ juarki̱ úuntaimiak anaṉma kuítriniatniun wakeruiniawai. Ántsaṉ Yúsnan etserin ainia nuyá̱ juárkimiuk Yúsnan pujurniuimiak anaṉkartuiniawai.