Jrm. 7:6 - Yus Papí: Shuarja̱i̱ Yus Yamaram Chicham Najanamu

⁶ yajaya̱ aentssha mitiaikiasha waje̱sha wáitkiachkurminkia nútiksarmek ju̱i̱ tunamkachua nuna numpé̱ uputachkurminkia ántsamek atumek yajauch awajmámkuram chíkich yus áiniana nu tikishmátchakrumni̱ṉkia

Jrm. 7:6 Iomraidhean Croise

2 Akup. 24:4

Warí shuar warinkish túracharu numpe̱ uputúrar tura Jerusaréṉ péprunmasha nu numpan ipiakamtai Uunt Yuska tsaṉkuratniunka peṉké nakitrámiayi.

YKan. 106:38

Túruiniak Kanaannumia̱ najankamu yusan suíniak uchirí̱ncha nawantri̱ncha peṉké nékachun ni numpe̱n uputúrarmiayi. Tura nu numpa ukarmaja̱i̱ nuṉkasha mui̱jmiai̱n ajasmiayi.

Neka. 23:10

Yaunchu nuṉka nakakma nu yapaji̱áwaip núnismek mitiaikia nuṉke̱sha jurukip.

Isa. 59:7

Tura nawe̱sha yajauchi tsékentainiawai. Túrawar tunaamkachua nuna wáurtus máwar numpe̱n uputuiniawai. Ni enentáimmiaka yajauch áiniawai. Tura wekainiaksha emeskar yajauch awajkartukmaikia wekain áiniawai.

Jrm. 13:10

Yajauch aents Winia chichamprun umiktinian nakitiáiniak ní enentái̱ji̱a̱i̱ṉ chíkich yus áiniana nuna shiir awajainiak tikishmátainia ju̱ aentsnaka akachumtai̱ mamurua núnis peṉké ántar awajsartatjai.

Jrm. 19:4

Warí Israer shuarka Wíniaka iniaitiusaruiti. Tura ju̱ nuṉkanam mui̱jmiainian túrawaruiti núnisaraṉ nuiṉ najankamu yusan nisha nékainiachiat tura ni úuntri̱sha tura Jutanmaya̱ úunt akupin armia nusha nekaacharman kuṉkuinian áestuawaruiti. Ántsaṉ umitmákcharu numpe̱ncha nuiṉ tsuatmatkaruiti.

Jrm. 2:30

Atumí uchirí̱ncha yáiṉchartinian ántran asutiáwaruitjiai. Chicharkámash Winia chichamprunka peṉké antukcharuiti. Tura úunt ya̱wa̱ emesmak itiurawa nútiksar atumí puya̱rí̱ Yúsnan etserniun amukáruiti.

Jrm. 2:34

Aents kuítri̱ncha tura umitmákcha ainia nuna numpé̱ ame entsarmarmincha máatraitme. Warí kakarmaja̱i̱ je̱á̱ waya̱ttsa pujasha wáinkiachuitme. Túrasha nuka ashí túraitiatam ámeka

Jrm. 26:15

Túrasha ju̱ péṉker nekaatarum. Winia mántakrumka atumíin tura ju̱ péprunmasha núnisaṉ aents ju̱i̱ matsatainia nui̱sha umitmákcha numpé peṉké antra ukartatrume. Warí wi étserma atumsha ¿atumí kuishiji̱a̱i̱ṉ antukcharmek? Núnaka tu etserkata tusa Uunt Yus nekas akuptúkuiti” Jirimías tímiayi.

Jrm. 26:23

Urías Ejiptunam pujan úunt akupin Juasimiai̱ júkiarmiayi. Túram puya̱ja̱i̱ máwar ni aya̱shí̱nkia náṉkamas aents iwiartai̱niam ajapawarmiayi.

Jrm. 35:15

Ashí Yúsnan etserin Winia takartin armia nuna iiṉkiá akuptúkmiajrume atumí iniaitsuk ujatmákarat tusan. ‘Yamaikia aṉkant aṉkant atumí wakeramuri̱ya̱ kanaktiarum. Tura atumí túrutairi̱ eseeratarum túrarum chíkich yus írunna nu umirkairap tura nemarsairap. Atumí we̱a̱trí̱n nuṉká súsarmiaj tura atumín nuṉká amasmiaj nui̱ matsamsamniuram’ tiármajai. Túramaitiatrum atumí kuishi̱ji̱a̱i̱ anturtutsuk tuke umirtatsrume.

Jrm. 5:28

Túmainiak tí peṉker nuekar tsamapkar ajasárai. Ántsaṉ yajauch aents ainia nuna túrutairi̱ji̱a̱i̱ naṉkaamas yajauchin túruiniawai. Úuntnumsha mitiaik áiniana nuna yáiṉtaj tusasha ayampruiniatsui. Núnisaraṉ atsumainiana nuna chichame̱ncha anturainiatsui.

Jrm. 7:5

Warí atumí enentái̱n iwiarnarum tura atumí túrutairi̱sha eseerarum nekas enentáiji̱a̱i̱ iniaisarum nuamtak áentsja̱i̱sha nekasa nuja̱i̱ métek túrakrum

Jrm. 7:9

Túmakrum kasamsuárum, maṉkartasuárum, tsanirmasuárum, tsanumsuárum kuṉkuin Paar aestasuárum nuyá̱ átum nuik nekaachma chíkich yus áiniana nu tikishmáttsuárum

Isk. 18:6

Tuma asa najankamu yusan nainnium shiir awajsatai tusar námper nájatmanumsha pachiniak yurumchaiti tura Israer shuara najanamu yusri̱ncha peṉké enentáimtichuiti núnisaṉ ni írutramuri̱ nuwe̱ncha yajauch awajtichuiti nuyá̱ nuwa̱ jatairi̱ jeamtai jáakui̱sha tsanichuiti.

Riw. 19:33

Yajaya̱ aents atumí nuṉke̱n atumji̱a̱i̱ pujakuisha wáitkiasairap.

Riw. 25:17

Yaaksha ni shuari̱n wáitkiaschati. Antsu áyatik ame Yúsrum ashamkata, warí Wikia Uunt Yusaitjiai atumí Yusri̱.

Mks. 3:5

Nuya̱ṉka atumíin jean sumamtikiattajrume. Túrakun wawekratniunka núnisaṉ tsanirmancha tura anaṉkartuattsa Yussha irui nekas umiktatjai tiniu ainia nunasha núnisnak takarin áinian nuyá̱ waje̱ncha áitkiasnak mitiaikian waitkia ainia nunasha nu arantcha iraran yajauch awajin ainia nunasha Wíniaka ashamprutsuk nuna túrawaru ásarmatai Wisha nekasaiti tusan wárik makuraran ashí sumamtikiawartatjai” tawai Ashí Akupin Uunt Yus.

Mat. 27:25

Tutai ashí shuar chicharainiak “Iik ii shuari̱ji̱a̱i̱ ju̱ áishmaṉka numpé̱ makurtatji” tiármiayi.

Mat. 27:4

Tura chichaak “Nu áishmaṉ tunaarinchan mátarum tusan surukan wi sumamajai” takui̱ chicharainiak “Nusha íiji̱a̱i̱sha warí urukatiṉ. Nuka amek íischatniukaitiam.”

Muis. 24:17

Átum wakeramu túrakrum irarsha tura mitiaikiasha yajauch awajírap. Tura waje̱ wariṉkish íkiakrum akirkákmin awaṉtuktiajme tusarum pushiri̱ jurukirap.

Muis. 27:19

‘Ántsaṉ iraran, mitiaikian tura waje̱ncha níniua nuna atanniuka yajauchiniam yumiṉkramu atí’ tuíniakui ashí aents aimiainiak ‘Núnisaṉ atí’ tiártatui.

Muis. 8:19

Túrasha aya aneachma Uunt Yus kajinmátkirum aents najankamu yus enentáimtakrum tikishmáteakrumni̱ṉkia yamái wiki sumamtikiajrume. Tura Uunt Yusa chichame̱ antukcha asarum atumsha chíkich nuṉkanmaya̱ aentsun Uunt Yus itiurkatta núnisrumek atumsha ashí amuukattarme” tiármiayi Muisais Israer shuaran.

San. 1:27

Nekas Yus Apa awajitsuk shiir umirkatin ju̱i̱ti, mitiaikiasha waje̱sha itiurchatnum pujuiniakuisha yáiṉtiniaiti tura ju̱ nuṉkanam ashí tunáa ana núja̱i̱sha máatrashtiniaiti.