Jrm. 7:3 - Yus Papí: Shuarja̱i̱ Yus Yamaram Chicham Najanamu

³ Kame Ashí Akupin Uunt Yus Israer shuara Yusri̱ jú̱nis tawai. Atumí enentái̱n iwiarnartarum tura atumí túrutairi̱sha eseeratarum. Túrakrumni̱ṉkia nuiṉ pujustinian tsaṉkatkattajrume.

Jrm. 7:3 Iomraidhean Croise

2 Akup. 17:13

Nuyá̱ Uunt Yus Israernumia̱ shuaran tura Jutanmaya̱ shuarnasha ashí ni etserniuri̱ji̱a̱i̱ tura ashí neka Yus chichame̱n ujauya armia nuja̱i̱ chicharainiak “Atumí yajauch túrutairi̱ iniaisarum tura waketkirum Wi akupkámu umiktarum. Kame yaunchu atumí we̱a̱trí̱n ashí umikiarat tusan winia takartin Yúsnan etserniuja̱i̱ akupkámiajai” tímiayi.

Ists. 10:11

Yamaikia átumka atumí aparí̱ Yus tunaarum ujaakrum Jiuwá shiir awajkuram Ni wakeramu túratarum. Tura chíkich nuṉkanmaya̱ aentsnumia̱ṉka tura nuwa̱nmaya̱sha kanaktiarum” tímiayi.

Neka. 28:13

Shuar ni yajauch túrutairi̱n u̱á̱ nuka péṉker áchattawai antsu ni tunaari̱n etserak yajauch túrutairi̱n ikiuana nuka waitnennar tsaṉkurnartatui.

Isa. 55:7

Yusan umircha ainia nusha ni túrutairi̱n iniaisarti núnisaṉ yajauch enentáimin ainia nusha ni enentáimtairi̱nkia iniaisarti. Tura ti waitnenkartin asamtai Uunt Yusai̱ni̱ṉ waketkiarti. Núnisaṉ tsaṉkurkartutai̱ri̱sha tí uunt asamtai ii Yusri̱ni̱ṉ waketkiarti.

Jrm. 18:11

Kame yamaikia Jutanam tura Jerusaréṉnum aents pujuiniana nu chicharainiakum Uunt Yus chichaak “Nekaatarum yajauchiji̱a̱i̱ átum wáitsatniun iwiarturan Wi tesarájrume. Tuma asamtai yamaikia aṉkant aṉkant atumí yajauch túrutairi̱ṉkia iniaisarum seertarum tawai tiartá” tímiayi.

Jrm. 18:8

Túrasha uunt mátsatkamu ainia nuna Wi áujmattsajna nu ni yajauch túrutairi̱n iniaisarmataiṉkia Wisha asutiáwartatjai tiármajna núnaka núnisnak iniaisattajai.

Jrm. 26:13

Tuma asamtai yamaikia yajauch túratniuka tura atumí túrutairi̱sha iniaisarum atumí Uunt Yusri̱ chichame̱ anturkatarum. Nu túrakrumni̱ṉkia Uunt Yus asutiáwartatjai túramprumna núnaka asutiámashtatrume.

Jrm. 35:15

Ashí Yúsnan etserin Winia takartin armia nuna iiṉkiá akuptúkmiajrume atumí iniaitsuk ujatmákarat tusan. ‘Yamaikia aṉkant aṉkant atumí wakeramuri̱ya̱ kanaktiarum. Tura atumí túrutairi̱ eseeratarum túrarum chíkich yus írunna nu umirkairap tura nemarsairap. Atumí we̱a̱trí̱n nuṉká súsarmiaj tura atumín nuṉká amasmiaj nui̱ matsamsamniuram’ tiármajai. Túramaitiatrum atumí kuishi̱ji̱a̱i̱ anturtutsuk tuke umirtatsrume.

Jrm. 35:16

Antsu ti nekas Rekapa uchirí̱ Junatápka ni uchirí̱ji̱a̱i̱ aparí̱ akupkámun umikiarmiayi. Túrasha jú̱ aentska umirtuiniatsui.

Jrm. 4:1

Waketkitin wakerakmeka Wini̱i̱ṉ waketkitia Israerá tawai Uunt Yus. Wi íimmianumash ame mui̱jmiai̱ túrutairam iniaisámka tura náṉkamsam chichaachkumka

Jrm. 6:16

Uunt Yus chichaak “Jintiá setura wajasá iimsarum yaunchu jintia anintrústarum. Tura tu jintia péṉkerait nuní̱ wetarum túrakrumka átum ayamtikrattajrume.” Tuíniamaitiat “nuninkia wéchartatji” tiarmai. Mat. 11:29

San. 4:8

Yusai̱ni̱ weamkata tura Ni atumín wearmáktatrume. Tunáa shuartiram Kristu numpe̱ja̱i̱ nijiamartarum. Tura átum, Yussha tura ju̱ nuṉkanmaya̱sha mái̱ metek wakerarmena nu, atumí enentái̱ naka eseeratarum.