Jrm. 7:16 - Yus Papí: Shuarja̱i̱ Yus Yamaram Chicham Najanamu

¹⁶ Túrasha ámeka ju̱ aentska áujtusairap. Núnismek kúntuts enentáimtusmesha seatiaraip. Warí peṉké anturkashtatjame tuma asamtai Wíniaka seatip.

Jrm. 7:16 Iomraidhean Croise

2 Sam. 8:18

Juyata uchirí̱ Piniayáska Seret shuaran tura Pirit shuaran akupniuyayi. Tura Tawitia uchirí̱nkia Yúsnan pujurin ármiayi.

Jiin. 32:10

Tuma asamtai ju̱ aentsun kajerkan amuktaj tsaṉkatrukta. Túran amiiya̱n untsurí aents awajsattajme” tímiayi.

Isa. 1:15

Tuma asan maṉkartuamu uwej númpak ajasu takuirum winia seatu asakrumin íischattajrume. Núnisnak tí seatkurmi̱ncha peṉké anturkashtatjarme.

Jrm. 11:14

Jirimíasá ámeka jú̱ aentska seatiaraip núnisam untsumkam seattash seatiaraip. Kame itiurchat tarim waitiainiak untsurainiakuisha anturkachartatjai.

Jrm. 15:1

Nuiṉkia Uunt Yus turutmiai “Muisais Samuirja̱i̱ Israer shuar waitnentrarai tusa seatainiakuisha Winia wakantruka jú̱ aentsja̱i̱ṉ pujuscharainti. Wi pujamunmaya̱ ji̱i̱ki̱ aju̱i̱tiá tura ininmainiakuisha ¿tui̱ṉ wéartajⁱ? turamainiakui jú̱nisam tiartá. Jákatin wea nuka jákatniun wéarti tura mesetnum wéartin tusa anetkámu ainia nuka mesetnum wéarti. Nuyá̱ tsukanam wétin tusa anetkámu ainia nuka tsukanam wéarti tura achirtin tusa anetkámu ainia nuka achintratniunam wéarti tu ái̱kiarta. Kuatru yajauchiji̱a̱i̱ túratin anetkámu awai. Mesetcha ya̱wa̱sha nanamtincha yajasmasha yuáwar emeskartatui. Ashí uunt nuṉka mátsatka ainia nui̱ Manasés Jutanmaya̱ úunt akupin Jerusaréṉnum túrama nuja̱i̱ natsanmai̱ ártatui. Maa Jerusaréṉká amincha ¿yaki waitnentramprat? Ámeka Winia ikiurkímiame. Tura asakmin uwejrun iwiaintiukan emeskattajme. Warí wait ané anentú pimpirkijme” tawai Uunt Yus.

Jrm. 18:20

¿Warí, péṉker túramunam yajauchiji̱a̱i̱ akikmakminkiait? Kame winia iwiartustai tusar wa̱a̱ncha táutrurarai. Antsu wikia péṉker chichaman ujakáram Ame kajetáirmin wáinkiara̱i̱ṉ tusan Ámin atsaṉkrattsan Aminí̱ naka wajaschamkaj nu enentáimprakia.

Jrm. 4:28

Tuma asa ajakmárma núnis tí kuntuts nuṉkaṉka awai tura yakisha nayaimpisha tee ajasárai. Warí túrattajna nuna iwiarkan chichaku asan peṉké yapaji̱áshtatjai. Ántsanak umitskesha iniaisashtatjai.

Jrm. 7:17

Jutanam pepru írunna nui̱ tura Jerusaréṉnumsha paasa jintianam túruiniana nuka ¿wáintsurmek?

Muis. 9:14

Tuma asamtai yamaikia ámeka pachisaip. Ju̱ nuṉkanam pujuinia jú̱naka ashí amukan atakka enentáimtushtai̱ ártí tusan ni náari̱nkia asakátrartatjai. Antsu aminí̱ya̱ṉka untsurí shuar awajsan ti kakaram niṉkia naṉkaka awajsattajme’ turutmiai.

1 Jṉ. 5:16

Tunáa awai jákatniunam júana nu. Shuar nu tunaan túramtaiṉkia Yus áujtustin ántraiti. Tura shuar chíkich tunaan túrakuiṉkia nuka nekas Yus áujtustiniaiti. Nekas jákatniunam júatsna nú tunaan túraitkiuiṉkia iwiaaku átinian Yus susattawai.