Jrm. 6:8 - Yus Papí: Shuarja̱i̱ Yus Yamaram Chicham Najanamu

⁸ Maa Jerusaréṉká iwiarnarta. Núja̱i̱nchuka Winia wakantrusha amiya̱ṉka kanakminiaiti. Núnisnak nuṉkemniasha atsá aya jú̱nik pujuschamnia awajtúsaijiam.

Jrm. 6:8 Iomraidhean Croise

YKan. 2:10

Tuma asamtai yamaikia úunt akupniutirme̱sha péṉker enentáimpratarum. Maa, ashí nuṉkanmaya̱ sumamtikniutirmesha Uunt Yus chichartamprumna nu nakitrairap.

YKan. 50:17

Kame Wikia jintintiátniun wakerimjiame túramaitiatam winia chichamur anturtsuk nakitniuitme. Kame ámeka jintintiataj támaitiatam peṉké anturtatsme.

YKan. 94:12

Wáitsatin tsawantin katsuntrarmi tusa Uunt Yus aneana nuna asutiawai. Tura akupkámu chichaman jintintiawai. Túramu asa yamái itiurchat pujuiniaksha warasarti. Antsu Yusan enentáimtichu ainia nuka wáitsatin tsawantin imia niṉki itiurchatnum sumamawartatui.

Neka. 19:20

Shuar chichartamainiakuisha péṉker anturkata tura eseetamprataj turamainiakuisha umirkata. Nu túrakmeka úuntach ajasmesha enentáimin átatme.

Neka. 4:13

Wi jintintiajmena nu umikta, kajinmátkip. Warí núiti ame péṉker pujustintrum.

Jrm. 2:15

Úunt ya̱wa̱ uchirí̱ṉkia Israeran weruiniak júrur ajainiawai. Úunt ya̱wa̱ shiniakui antukar Israer nuṉkaka aya jú̱nik ajasárai. Tura pépruri̱sha ekemátramu ásar shuari̱sha atsá aya jú̱nik juákarai.

Jrm. 31:19

Warí amiiya̱ kanakí̱ wekasan ti enentáimpramjai. Tura enentáimpran wi awajiamurun nekaaman kúntuts enentáimkiun makurún awatmiajai. Túran natsa asan peṉké netse túramajna nuja̱i̱ iniatsá̱ntran wishiknármajai’ úteawai.

Jrm. 32:33

Antsu anturtukar umirtutsuk tuntupea iniaitiusarmai. Túrutainianak Wikia nin jintintiátniunka iniaisacharmajai. Túrasha peṉké pachittsacharmai núnisaṉ chicharmasha anturtuktinian peṉké nakitruraruiti.

Jrm. 4:14

Maa, Jerusaréṉká uwemprataj tákumka netse enentáim yapaji̱áta. Tura yajauch túruktin iwiarkam takakmena nusha ¿urutáiṉ iniaisatam?

Jrm. 7:20

Tuma asa Uunt Yus chichaak “Nekaatarum jú̱ nuṉkanam aentsnumash yajasmanumash tura ashí numi kampunniunam tura ashí yuraṉ írunna nui̱sha Winia kajetáirun tura Wi suir kaje̱ntkamurun ukartatjai. Tura keekka peṉké kajinkiashtatui” tawai.

Jrm. 7:28

Tuma asam yamaikia jú̱nisam tiártatme ‘Uunt nuṉka mátsatkamu Uunt Yusan ni Yusri̱ chichame̱n antukcharu tura umikiarat tusar asutiámash umikcharuka ju̱i̱ti. Anaṉkartutsuk nekas chichataiṉkia meṉkakaruiti.

Jrm. 7:34

Tuma asamtai Jutanam pepru irunainia nui̱sha tura Jerusaréṉ péprunam paasa jintia áiniana nui̱sha warakur shiir enentáimsar kantamtai̱ncha núnisnak nuatnaiya̱munam áishmaṉja̱i̱ nuwa̱ nuatnaiya kantamtai̱ncha emeṉkátraran mitia awajsartatjai. Warí nu nuṉka ashí emesnakchattawak” tíniuiti.

Jrm. 9:11

Jerusaréṉnaka ashí emeskan tsái̱kian tepetar awajkattajai. Túran ku̱jancham matsamtai̱ awajsattajai. Tura Jutanan pepru irunainia nunasha ashí emeskaran aentsri̱sha atsá awajsartatjai.

Use. 2:5

Ni nukurí̱ tsanirmatamai tura ajapruk uchin natsamtsuk takus chichaak ‘Winia anentin armia nui̱ yurumátniurun, winia entsarun tura urerun, ríniurun nuyá̱ winia asuitirun tura winia umutairun surusarat tusan wetajai’ tímiayi.

Riw. 26:34

Nú túrunamtai atumí nemasri̱ nuṉke̱n átum pujuttarmena nui̱ṉkia aya jú̱nik juaku asa núṉkaka tí peṉker ayamprattawai. Nuyá̱ núṉkaka áyameak ti shiir nekaprattawai.

Sup. 3:7

‘Wi jintintiam nekas ashamprukar Wikia umirtukchartimpiash’ tumammiajai. Tura asutiáwarmiaj nuya̱ṉka nu arantka ni pujutái̱ri̱ṉkia péṉke emestunkashtatui. Túramaitiatcha núja̱i̱sha niṉkia ashí yajauchin túrawarmai.

Muis. 32:29

Maa, neka áiniaka ju̱nasha antukarainti núnisaraṉ amuwamunam warí urukawartata nunasha nekaawarka maak árainti.