Jrm. 6:6 - Yus Papí: Shuarja̱i̱ Yus Yamaram Chicham Najanamu

⁶ Warí Ashí Akupin Uunt Yus chichaak “Jerusaréṉka numiri̱ṉkia ajatrarum mesetnum wákar mánitiai najatkatarum. Warí ju̱i̱ṉkia aya yájauchik piákuiti tuma asa jú̱ pepruka asutniátniuiti.

Jrm. 6:6 Iomraidhean Croise

Jrm. 20:8

Chichaajna nuiṉkia kakantran chichaajai. Emeskartin ti yajauch piakai Uunt Yusa chichame̱ṉka natsan wishiktai̱ ashí tsawant awajtawai.

Jrm. 32:24

Wats iistá, wénuk yumputaiji̱a̱i̱ yumpuṉki̱ waya̱war akintrutmaktai tusar ii pépruri̱n tíjiu̱ch ajasárai. Tura Papirúnianmaya̱ aentsja̱i̱ mániawarat tusa íktusmaiti. Núnisaṉ puya̱ja̱i̱ mantamnatniun tura tsukaja̱i̱sha nuyá̱ ijiaja̱i̱sha wáitsartatui. Ame chichakmiamna nuka ímiatrusaṉ jeariarai. Wats, ámeka iyaame.

Jrm. 32:31

“Tura ju̱ pépruka naṉkamawarmia nuyá̱ juárkimiutaik yamaiya̱ tímiaja̱i̱sha Winia suir awajtuiniak akajtuktinian iniaisacharuiti. Tuma asamtai yamaikia Wi íimmianumia̱ ji̱i̱raran shiákartatjai.

Jrm. 33:4

Israera Yusri̱ Uunt Yus jú̱nis tíniuiti Jutanmaya̱ úunt akupniu je̱e̱ncha tura péprunam je̱a̱ írunna nuka puya̱numia̱ ayamprumatai sa̱a̱kmia áiniawai.

Jrm. 39:1

Setekías Jutanmaya̱ úunt akupin ajasmaka uwisha nuiwi ámanum tura nántuka tias ámanum Napukutunusúr Papirúnianmaya̱ úunt akupin suntari̱ji̱a̱i̱ Jerusaréṉja̱i̱ mániktaj tusa tarí matsamtúkmiayi.

Jrm. 5:29

Kame núnaka ¿túruiniankek asuttsuk iniaisartataj? Uunt nuṉka mátsatkamu tuma ainia núnaka Winia Wakantruka yapajkiachartatuak.

Jrm. 5:9

Nuna túmainiakiuisha ¿asuttsukek iniaisartataj? ¿Tura uunt nuṉka mátsatkamu túmaitkiuisha Wikia yapajmiákchattajak? tawai Uunt Yuska.

Isk. 5:5

Nuyá̱ Uunt Yus ashí aentsu Uuntri̱ jú̱nis tíniuiti ‘Ju̱ka ashí nuṉka ajapéri̱ atí tusan tura pepru ayamach írunna nui̱ ajapén Wi apujsamiaj nú Jerusaréṉkaiti.

Sup. 3:1

¡Maaj umichu shuartirmesha yajauchiji̱a̱i̱ mátratirmesha tura péejchach ainia nu kakarmaja̱i̱ umimtikiatin wakerintirmesha aneartarum!

Ruk. 19:43

Kame ti itiurchat tsawant jeartámtatrume. Atumí nemasri̱ nuṉkaja̱i̱ a̱a̱ tanishan tanishmarar téntatramkattarme. Mesetan najatramattarme tura aatusha ju̱ni̱sha mash árentmaktatrume.