Jrm. 6:4 - Yus Papí: Shuarja̱i̱ Yus Yamaram Chicham Najanamu

⁴ Tuma asamtai yamaikia meset najatatarum. Nantarum tutupin ajasmatai ashintiuktarum. Tsej, ju̱sha iisha urukatjik. Warí tsawantcha amuuki̱ wéak kashi ajatéschaik.

Jrm. 6:4 Iomraidhean Croise

Juup 7:2

Takarin kakarmachu ajas mikintranam ejamna nuíchuka takakma nu akirkat tusa nákana

Anen. 2:17

Tsawant káshik tsáapin ajana nui winia aneamuru waketkitia. Winia aneamurka uchich japa áantiaku nuíchuka sú̱ japa uchich Pitir naintnium tsékea áintsamek ajasta.”

Jrm. 5:10

Átumka uwa arakma áiniana nu warukrum emeskatarum. Túrasha ashikia amukairap. Kame Úunt Yusnachu ásarmatai aya kánaweṉ asantratarum.

Jrm. 6:23

Tíshimkiuja̱i̱ naṉkin takarainiawai. Peṉké netse waitnenkartichu áiniawai. Tuma ásar nayants nase wajataam uu ajak téter ajana tímiatmainiawai. Kawainium ekemprar chikichik áishmaṉka núnisar mesetnaka aya ajatrámas winitramui Seuna nawantri̱yá.

Jrm. 8:20

Júuktinkia amukáyi núnisaṉ esatcha naṉkaamasai̱ túrasha iikia uwempracharuitji.

Juir 3:9

Tura ashí uunt nuṉka mátsatka kakaram aents ainia nu mesetan iwiarnatkar iruntrarti tama antuukati.

Apt. 1:1

Aptías ímiaja̱i̱k wainkiamu Uunt Jiuwá Etumnan jú̱nis tíniuiti. “Ju̱ aentsja̱i̱ meset juárkiarmi” wajarartai tusar chichaman etserniun ashí nuṉkanam Jiuwá akuprámu antukaruitji.

Mik. 3:5

Yúsnan pujurin winia shuarun awajimtikiainia nuna Uunt Yus jú̱nis tíniuiti. Atumniaka kashi ímiaja̱i̱k wáinmasha tura kiritniunam wáakchatniusha atsurtámtiatrume. Yus ái̱kchamu ásar ukunam túrunatniun etserin ainia nusha tura nekamin ainia nusha iniatsá̱rma ártatui. Tura Wikia íksanak Jakup shuar Yusa nakitiáiniamuri̱n paant ujakártinian tura Israer shuarnasha tunaari̱n paant awajtúsartinian Uunt Yusa Wakaní̱ kakarmari̱ pimiutkamuitjiai.

Sup. 2:4

Warí Kaasa pépruka ajapamu itiarak awajsamu átatui tura Askarúnka mashiaku itiarak juáktatui. Astutka imiá tsawái̱ jatekar takakmari̱n atantramu ártatui tura Ikrunka nupa̱a̱ uwer ajapamua núnis arant utsaṉkarma ártatui.