Jrm. 6:12 - Yus Papí: Shuarja̱i̱ Yus Yamaram Chicham Najanamu

¹² Núnisaṉ je̱e̱sha ajarí̱sha tura nua̱ri̱sha chíkich sunasartatui. Warí nu nuṉkanmaya̱ aentsun asutiáwartatjai.

Jrm. 6:12 Iomraidhean Croise

Jrm. 21:5

Atumji̱a̱i̱ kakaram kunturja̱i̱ tura uwejrun iwiaintiukan tura suira kaje̱ntkan ti kajekan mánaiktatjai.

Jrm. 38:22

‘Jutanmaya̱ akupniu je̱e̱n ashí nuwa̱ juákartatna núnaka Papirúnianmaya̱ akupniu suntari̱ úuntri̱n surunkartatui. Túram niṉkia chichainiak “Akupniú, ame péṉker amikrum armia nuke nupetmakar tura anaṉkramawar tsakusnum wajawakmin niṉkia uku waketkiarai” turamartatui.

Jrm. 38:23

Tura ashí ame nuwemsha uchirmesha Kartíu aentsnum surunkartatui. Amesha Papirúnianmaya̱ akupniúri̱ya̱ṉka pisarchattame antsu achikma átatme. Núnisaṉ jú̱ pepruka áesamu átatui’ tawai Yus” Jirimías tímiayi.

Jrm. 7:20

Tuma asa Uunt Yus chichaak “Nekaatarum jú̱ nuṉkanam aentsnumash yajasmanumash tura ashí numi kampunniunam tura ashí yuraṉ írunna nui̱sha Winia kajetáirun tura Wi suir kaje̱ntkamurun ukartatjai. Tura keekka peṉké kajinkiashtatui” tawai.

Jrm. 8:10

Tuma ásarmatai ni nua̱rí̱ ainia núnaka chíkich aentsnum surutkartatjai tura arakri̱nkia utsantuawar nupetmakarua nuna súsartatjai. Warí uchichinmaya̱ juarki̱ úuntaimiak anaṉma kuítriniatniun wakeruiniawai. Ántsaṉ Yúsnan etserin ainia nuyá̱ juárkimiuk Yúsnan pujurniuimiak anaṉkartuiniawai.

Ukan. 2:8

Seuna nawantri̱ wenuke̱n emestuktatjai tu enentáimsamiayi Jiuwaka. Emeskattsa iwiarkamai tura núnaka peṉké iniaisachmai. Tuma asa a̱a̱ya̱ tanishri̱ncha initia̱i̱ tanishri̱ji̱a̱i̱ métek émeseak mái̱ metek atsaku jú̱nik awajsamai.

Ukan. 3:3

Nekas tsawant takamtsuk itiurchat naṉkaamatsat tusa tsaṉkatrukmai.

Sup. 1:13

Tu enentáimin ásar wariṉkish takurmakmari̱sha jurunkíttiawai tura je̱e̱sha emestukma ártatui. Je̱a̱n je̱a̱mainiaksha pujuschartatui tura úwan arakmawarsha nuna yumiri̱ncha peṉké umarchartatui”.

Sup. 1:4

“Jutan kunturun iwiaintiukan nekaska Jerusaréṉnum ashí aents matsatainia nuna asutkiartutai̱ kunturun iwiaintiuktatjai. Tura ishichik juákaru Paar yusan tikishmátainia nunasha tura úuntri̱ncha nuyá̱ ántar yusan takarniuncha náari̱n mash asaktúkan emeṉkatrattajai.