Jrm. 6:11 - Yus Papí: Shuarja̱i̱ Yus Yamaram Chicham Najanamu

¹¹ Tuma asan Uunt Yusa kajeakui wisha núnisnak kajekmajai. Katsú katsunkuan yamaikia peṉké katsuntrachmin ajasjai. Tuma asamtai uchi páasanam yujainiasha tura natsa áiniana nusha asutniáwarti. Warí áishri̱sha nua̱ri̱ji̱a̱i̱ tura úuntchisha tsawantan émtuku ainia nuja̱i̱ sepunam eṉkeamu ártatui.

Jrm. 6:11 Iomraidhean Croise

Isa. 40:30

Uchi ainia nusha pimpí pimpí ajasár kakarmachu nekapainiawai tura natsa ainia nusha tukumkar iniainiawai.

Jrm. 15:17

Tura pujutnasha pujuschaitjiai núnisnak warainia núja̱i̱sha iruntrancha waraschaitjiai. Antsu wikia Ame uwejmíinkia wíchik pujajai. Warí, kajerú ajamai awajtúsuitme.

Jrm. 18:21

Tuma asamtai ni uchirí̱ṉkia puya̱ja̱i̱ amuukarat tusam shuarnum surukaram iniaisarta. Túram ni nuwé̱ ainia nuka uchirtichu tura wajé̱ juákarti. Antsu ni áishri̱ṉkia jákatniunam wéarti ántsaṉ uchirí̱ natsa áiniana nuka mesetnum puya̱ja̱i̱ ijiumu ártí.

Jrm. 20:9

Nin atakka peṉké enentáimtuschattajai tura ni naari̱ pachisnash chichatnash peṉké chichaschattajai. Tura winia enentái̱rui̱ ji kapá̱a̱ ukunchrui̱ wayá̱ núnis nekapeajai. Katsuntrataj tukamán tujintiajai.

Jrm. 5:9

Nuna túmainiakiuisha ¿asuttsukek iniaisartataj? ¿Tura uunt nuṉka mátsatkamu túmaitkiuisha Wikia yapajmiákchattajak? tawai Uunt Yuska.

Jrm. 7:20

Tuma asa Uunt Yus chichaak “Nekaatarum jú̱ nuṉkanam aentsnumash yajasmanumash tura ashí numi kampunniunam tura ashí yuraṉ írunna nui̱sha Winia kajetáirun tura Wi suir kaje̱ntkamurun ukartatjai. Tura keekka peṉké kajinkiashtatui” tawai.

Jrm. 9:20

Maa nuwa̱tírmesha Uunt Yusa chichame̱ antuktarum. Ni wene̱ya̱ chicham jiinia nuna atumí kuishi̱sha antukarti. Atumí nawantri̱sha tura aṉkant aṉkant atumí tsaníakmari̱sha jakamnia nekapeakur kúntuts enentáimkiur tutai tura ajakmárar uttai̱ jintintiatarum.

Jrm. 9:21

Warí páasanmaya̱nka ashí uchin tura péprunmaya̱ncha natsa áiniana núnaka ashí amuktaj tusa ii je̱e̱ áṉkamuri̱ncha tura úunt akupniu je̱e̱ncha jákatin waya̱warai.

Ukan. 1:15

Winia Úuntruka wisha wajai̱ṉ winia aentsur kakaram ainia nunasha najatrarai. Natsancha awakkataj tusa yajaya̱ untsurí aentsun untsumprukai. Uwa chanúa nútikias Jutá nawantri̱n natsach áishmaṉja̱i̱ tsaniṉcha ainia nuna Uuntka najakarai.

Ukan. 2:21

Warí uchin tura úuntchin aya̱shí̱sha páasanam nuṉká tepetar ajarmai. Tura nuwa̱ch natsachir áishmaṉja̱i̱ tsaniṉcharusha áishmaṉchir natsachisha puya̱ja̱i̱ kajeṉkma áiniawai. Ame suir kae̱ kaje̱ntkamu trawantrumin kí̱awaetnentsu tsuwé tsupirkam kajeṉkármame.

Isk. 3:14

Nuya̱ṉka Yusa kakarmari̱ achirak awajtúkmiai. Túrutamtai nu arant wikia kúntuts enentáimprayatan wakantruja̱i̱ṉkia suir enentáimpramjai. Túrasha Uunt Yuska uwejé̱ja̱i̱ kaki emettuamai.

Isk. 3:3

Tura chichartak “Ju̱ papí pénuimiu amaajna ju̱ yuam ejemaram kaka̱a̱rta” túrutkui yuan wenuruí̱ mishkia imianú yuminian nekapramjai.

Ruk. 17:34

Paant tájarme. Nú káshitin jimiará áishmaṉ nú peaknumaṉ kanúu tepeartatui. Chikichik junaktiatui, chíkichkia ikiunkittiawai.

Tur. 17:16

Tura Papru Atenas péprunam pujus Sérasnasha Timiutéuncha nákamiayi. Nui̱ nú péprunam najankamu yus ti írunkui Páprusha kúntuts enentáimmiayi.

Tur. 18:5

Tura nuyá̱ Séras Timiutéuja̱i̱ Masetúnianmaya̱ táarmatai Pápruka miji̱atrutsuk Israer shuaran Yus Chichaman étseruk “Yusa anaikiamuri̱ Kristu átum nákarmena nu Jesusaiti” tímiayi.

Tur. 4:20

Nekaatarum. Iisha íisjinia nu tura antukjinia nusha ii etsertsuk pujustin tujintiaji.” Tu áimkiarmiayi.

Apu. 16:1

Nuyá̱ Imiá Shiir Tesamunmaya̱ ti kakaram chichaamun antukmajai. Nusha siati suntaran tiarmai “Nuṉká werum Yusa kajetáiri̱ siati piniṉnum ana nu ashí ukartarum.”