Jrm. 6:10 - Yus Papí: Shuarja̱i̱ Yus Yamaram Chicham Najanamu

¹⁰ Ántichu áiniancha ¿antukat tusancha yanak chicharkataj? Warí kuishi̱sha tí empeku ásarmatai antuktinniasha peṉké tujintiainiawai. Túmainiak Uunt Yusa chichame̱ncha peṉké nakitiáiniawai.

Jrm. 6:10 Iomraidhean Croise

YKan. 1:2

Antsu Uunt Yus akupkámu chicham umiktinian tí enentáimtakᵘ waraawai. Túmak tsawai̱sha tura káshisha ti enentáimtawai.

YKan. 119:16

Ame akupkámurmiji̱a̱i̱ shiir warastatjai. Túran Ame chichamminkia peṉké kajinmátkishtatjai.

YKan. 119:174

Maa Uunt Yusru uwemtikrurai tusan wakerajme tura Ame akupkámuka winia ti wakeramuruiti.

YKan. 119:24

Ame jintinkratmena nuka winia warastintrua áintsaiti, tuma asa winia jintintrin áiniawai.

YKan. 119:35

Ame akupkámu jintia wéana nuní̱ juruktia, nuninkia waraajai.

YKan. 119:70

Ni enentái̱nkia macha ijirámu ásar Ame akupkámurmi̱i̱n nekaatniun enentáimtuiniatsui túrasha wikia Ame akupkámurmi̱i̱n waraajai.

YKan. 119:77

Ame waitnenkartutairam wini̱n taruttí iwiaaku átaj. Kame Ame akupkámurmeka winia waramuruiti.

Jiin. 6:12

Tutai Muisais Uunt Yusan aya̱k “Israer shuar ishichkisha anturtuiniatsaisha, wi unuushím chichamuncha Parauṉsha itiurak anturtukat” tímiayi.

Isa. 53:1

Ii étsermancha ¿ya nekasaiti tiáruit? Tura Uunt Yusa kunturi̱sha ¿yana wantintiukuit?

Jrm. 35:13

“Ashí akupin Uunt Yus Israera Yusri̱ jú̱nis túramui, Jutanmaya̱ shuar tura Jerusaréṉnum matsatainia nui̱ wetá tura chicharainiakum jú̱nisam tiartá. ‘¿Winia chichamur umikiuk tusan jintintiajrumna nuka unuimiárchamniakaitrum?’ tawai Uunt Yus.

Jrm. 4:4

Uunt Yusai̱ tsupirnaktarum. Aentsu aya̱shi̱ tsupirnaktinia ántsarum Jutanmaya̱ shuartirmesha tura Jerusaréṉnum matsatutirmesha atumí enentái̱n tsupirnaktarum. Túrachkurmiṉkia átum yajauch túramunam Winia kajetair jiya núnin jiinkí̱ atumín ekemátmakairum. Túrunamtaikia yaaksha nuna ikiajniáktinkia atsuinti” tíniuiti. Rum. 2:28-29

Jrm. 5:21

Kame jí̱ntiniaitiatrumek wáintsurme tura kuishmisha ai̱ṉ ántatsrume.

Jrm. 7:13

Antsu yamaikia Uunt Yus chichaak “Ashí nu tura árumni̱ṉ péṉker enentáimpraku tusan chicharkamaitiatrum anturtukchamarme tura untsuamsha ái̱rkachmarme.

Jrm. 7:26

Túrasha Winia chichamprunka umirtukcharmai tura anturtuktinniaksha anturtukcharmai antsu antuktinian nakitiáiniak ántichu ajasár ni aparí̱ túrawarmia núja̱i̱ṉkia naṉkaamas tí yajauchin túrawarmai.

Isk. 3:7

Túrasha Israer shuarka tútaisha peṉké anturtamkachartatui. Warí, Winia anturtuktinniasha nakitiáiniawai. Ashí Israer shuarka ántichu ajasárai tura enentáisha kaya núnin kátsuram áiniawai.

Ams. 7:10

Amasías Pitirnumia̱ yúsnan takarin Israer shuara akupniúri̱ Jirupuáman chichaman akuptak “Amussha Israernum ame akupniuitmena nuna wait chichamja̱i̱ anaṉkramui. Kame ni étserna nuja̱i̱ ju̱ nuṉkasha katsuntrachmin nekaprayi.

Mat. 3:7

Juaṉsha untsurí Pariséuncha Satuséuncha imiatti tusa wininian wainiak chicharainiak “Napia ániutirmincha ¿ya atumniasha ti asutniátniunmaya̱ uwempratniuncha ujatmákmarum? Asutiátin tsawant ishichik ajasái.

Ruk. 11:45

Nuikia Israer shuara jintinniuri̱ chikichik Jesusan chicharuk “Uuntá, nu tákum iincha yajauch chichareame” tímiayi.

Ruk. 20:19

Yúsnan pujurniu uuntri̱ tura Israer shuara jintinniuri̱sha “nu métektaku chichamja̱i̱ iin túramji” tu nekaawar nuikⁱ Jesusan achikiar emetatai tusar wakeriarmiayi. Tura untsurí shuar Jesusan wakeruiniakui ashamainiak túracharmiayi.

Juaṉ 7:7

Ju̱ nuṉkanmaya̱ aents atumniaka kajertamatsrume. Antsu ni tunaari̱n etsertamu ásar Wíniaka kajertuiniawai.

Juaṉ 9:40

Tutai Pariséu shuar nui̱ pujuarmia nu nuna antukar “¿Nuiṉkia iikia kusurúkaitiajⁱ?” tiármiayi.

Tur. 7:51

Tura átumka Israer shuartirmeka atumí enentái̱ji̱a̱i̱ tuke umichuitrume. Atumí kuishi̱sha weaktsui tura Yus nékachua núniniaitrume. Yusa Wakaní̱ji̱a̱i̱sha tuke nemasnaikiaitrume. Tura atumí yaunchu úuntri̱ji̱a̱i̱ métek túrarme.

Tur. 7:60

Tura tikishmar áujuk “Uuntá, winia jú̱tikruinia ju̱sha makuaraip” tímiayi. Tura nuna ti iniais jakamiayi.

Rum. 7:22

Nekas enentáiji̱a̱i̱ Yusa akupkámuri̱n wakerajai.

Muis. 29:4

Túrasha Uunt Yus yamaiya̱ ju̱i̱sha ashí enentáimsar nekaatniun wáinkiatniuncha tura antuktinniasha tsaṉkatramkachuitrume.

Kurs. 1:28

Iisha Kristu étsereaji. Túrar ashí enentáimtikrar péṉker nekaawarat tusar jintintiáiniaji. Nuja̱i̱ Krístuja̱i̱ tsaniṉkiar ashí péṉker tsakarartatui.

2 Tim. 4:3

Ukunmaṉka péṉker chichaman nakitrar ii wakeraj núchik nekaatai tusar shuar teremak péṉker pujuschamnia nekapea áintsaṉ, naṉkaamas unuimiáru atai tusar náṉkamas unuikiartinian ti untsurí e̱a̱kartatui.

Isr. 11:7

Yus “ama̱a̱rkatniun akupkáttajai” tiniu asamtai Nuwaisha Yusan nekas enentáimtak ama̱a̱run wáinchaitiat “ama̱a̱rkattawai” tímiayi. Túrak Yus timiaja̱i̱ métek uunt kanun najana ni shuari̱ncha uwemtikramiayi. Tura Yusan nekas enentáimta asamtai Yus “péṉkeraitme” tímiayi. Tura ní umirkamuja̱i̱ chíkich shuar Yusan umircha áiniaṉka sumamtikiawarmiayi.