Jrm. 5:9 - Yus Papí: Shuarja̱i̱ Yus Yamaram Chicham Najanamu

⁹ Nuna túmainiakiuisha ¿asuttsukek iniaisartataj? ¿Tura uunt nuṉka mátsatkamu túmaitkiuisha Wikia yapajmiákchattajak? tawai Uunt Yuska.

Jrm. 5:9 Iomraidhean Croise

Neka. 6:29

Núnisaṉ shuar ni írutramuri̱ nuwe̱n tsanirma nuka jiji̱a̱i̱ sukumana núnisaiti. Yaaksha ni írutramuri̱n tsanirma nuka páchitsuk asutniáttawai.

Isa. 1:24

Tuma asamtai Ashí Akupin Uunt Yus Israera Yusri̱ kakaram asa nin kajerainia núnaka tura nemasri̱ncha yapajmiátkartatui. Tura amú amú awajsártatui. Nuya̱ṉka yaunchu amia núnisaṉ sumamtikniuncha tura aentsu chicharniuncha matsasártatui. Túrunamtai ju̱ka “Nekas péṉker tura naka túrin pépruiti” tunattawai.

Jrm. 23:2

Tuma asamtai Uunt Yus Israera Yusri̱ ní murikrí̱n wáinniun chicharuk “Winia murikiur péṉker wáintsuk awakkarum tsakiṉmakrum ipiskáitrurme. Nu túrakrum yajauch túraitrume tura átum nu tura asakrumin Wi íksanak atumín wáitsatniuja̱i̱ asutiáttajrume.

Jrm. 32:31

“Tura ju̱ pépruka naṉkamawarmia nuyá̱ juárkimiutaik yamaiya̱ tímiaja̱i̱sha Winia suir awajtuiniak akajtuktinian iniaisacharuiti. Tuma asamtai yamaikia Wi íimmianumia̱ ji̱i̱raran shiákartatjai.

Jrm. 44:22

Warí, yajauch tura mui̱jmiai̱ áiniana nu átum túramarmena nuna nú arant katsunkí̱ wétinian Uunt Yuska peṉké tujintkiamai. Tuma asa atumí nuṉke̱ṉka aya jú̱nik juak ashammai ajas tura yajauch yumiṉkramu asa yamái urukuit núnis áentsri̱ncha ajasuíti.

Jrm. 5:10

Átumka uwa arakma áiniana nu warukrum emeskatarum. Túrasha ashikia amukairap. Kame Úunt Yusnachu ásarmatai aya kánaweṉ asantratarum.

Jrm. 5:29

Kame núnaka ¿túruiniankek asuttsuk iniaisartataj? Uunt nuṉka mátsatkamu tuma ainia núnaka Winia Wakantruka yapajkiachartatuak.

Jrm. 6:11

Tuma asan Uunt Yusa kajeakui wisha núnisnak kajekmajai. Katsú katsunkuan yamaikia peṉké katsuntrachmin ajasjai. Tuma asamtai uchi páasanam yujainiasha tura natsa áiniana nusha asutniáwarti. Warí áishri̱sha nua̱ri̱ji̱a̱i̱ tura úuntchisha tsawantan émtuku ainia nuja̱i̱ sepunam eṉkeamu ártatui.

Jrm. 6:6

Warí Ashí Akupin Uunt Yus chichaak “Jerusaréṉka numiri̱ṉkia ajatrarum mesetnum wákar mánitiai najatkatarum. Warí ju̱i̱ṉkia aya yájauchik piákuiti tuma asa jú̱ pepruka asutniátniuiti.

Jrm. 9:8

Warí anaṉkartin ásar ni iniai̱ṉkia naṉki maṉkartinia tímianu áiniawai. Ni tsaníakmari̱ji̱a̱i̱ áujmatainiakka itiurchat awajkachma aṉkant pujustinian áujmatainiawai túrasha anaṉka aju̱a̱rtinian enentáimtuiniawai.

Jrm. 9:9

Nuna túruiniankek ¿pachischartataj?” tawai Uunt Yus. Nuiṉkia uunt nuṉka mátsatkamu túmaitkiuisha Winia ¿yapajtiutskek initiústatam?

Ukan. 3:42

Iikia umiktin nakitrar kajekmaji túrar Ame chichaakmasha tímiatrusrikkia umikchamji tuma asaakrin Ámeka iinkia tsaṉkurachmame.

Use. 2:13

Kame Páaran kuṉkuinian áestak kuishniun aki̱i̱tia̱i̱n aki̱a̱r tura tí shiirmach iwiarmamtaiji̱a̱i̱ iwiarmameak tsawantan ántar wasurka asamtai asutiáttajai. Túmak Wíniaka kajinmátruki̱ ni tsaniri̱ji̱a̱i̱ weúwiti” tawai Uunt Yus.

Riw. 18:25

Warí nú nuṉkaka ti yajauch ajasuíti tuma asamtai Wi ni yajauchiri̱n iirsan asutiámjai. Áintsaṉ nú nuṉkasha ni aentsri̱n mui̱ṉki̱ imiaktinia nútikia ajapamai.

Riw. 26:25

Tura atumji̱a̱i̱ chícham najanamun ayamprakun Winia yapajmiátruktinian mesetan atumín itiartiatjarme. Tura atumí pepruri̱n u̱mkakrumnisha antsu nui̱ṉkia suṉkuran akuptúktatjarme túrunarum atumí nemasri̱ uwejé̱n íktusma átatrume.

Muis. 32:35

Wikia yapajkiattajai tura akikmaktatjai. Nisha wárik atajkintrartatui. Warí ni wáitsatniuri̱ tsawant ishichik ajasmatai niniu iwiarturma nu wárik jeartemayi’ Uunt Yus tímiayi.

Muis. 32:43

Niṉkia Ni takarniúri̱ jákaru ainia nuna nemasri̱ncha yapajmiátkattawai. Tura Ni shuari̱ yajauch túramuri̱n tsaṉkurar nincha núṉke̱ntuk ti shiir awajsártatui. Tuma asamtai ashí nuṉkanmaya̱ aentstiram Ní shuari̱ji̱a̱i̱ iruntrarum warastarum” tímiayi Muisais.