Jrm. 5:6 - Yus Papí: Shuarja̱i̱ Yus Yamaram Chicham Najanamu

⁶ Nuna tura ásarmatai úunt ya̱wa̱ kampunniunmaya̱ jíintiurar esaiyartatui. Tura kampuntin atsunum matsamin rúpuka emeskartatui. Antsu ni pépruri̱ ainia nui̱ṉkia yampiṉkia nákarartatui. Kame Yus timian umiktinian nakitiáiniak peṉké ántichu ajasármatai péprunmaya̱ jiiniainiaka achia̱rma ártatui.

Jrm. 5:6 Iomraidhean Croise

Ists. 10:10

Nuya̱ṉka Yúsnan pujurin Ístras wajaki̱ chichaak “Yajaya̱ nuwa̱ nuatka asarum átum tunáa túraitrume túrakrum Israer shuara tunaarí̱ nuna nukap patatkarme.

Ists. 9:6

Tura chichareakun “Winia Yusru páchim enentáimpran paṉkain Ámin íistinniasha natsa̱a̱ran pujajai. Warí ii yajauch túrutai̱ iincha tí piak amutmá nayaimpinmasha jeayi.

Juup 10:16

Nantakuiṉkia, úunt ya̱wa̱ áitkiarsam e̱a̱meame, tura emesturtaj tusam aents túrachminia nu iniakmame.

YKan. 104:20

Ame kashi ajasta tákumin kirit ajawai. Túrunamtai ashí yajasma kampunniunmaya̱ jíiniar yujainiawai.

YKan. 80:13

Nuyá̱ paki emesainiawai tura kampunniunmaya̱ yajasma yuíniawai.

Isa. 59:12

Warí Ame iismasha ii tunaari̱ṉkia ti pamparai. Nu arant íi tunaari̱ṉ paant awajtamji. Warí yajauch túramuka íini̱ṉ awai. Tura ti yajauch túraitjinia nu nekaamaji.

Jrm. 14:7

Maa Uunt Yusru Ame naarmi aneṉkrattairmiji̱a̱i̱ túrata. Ti nekas ántichu ajasuitji núnisaṉ Aminí̱sha yajauch túraitji. Túmaitkiurnisha Ámeka iiji̱a̱i̱ pujame tura Ame náarmiji̱a̱i̱ anaikiamuitji. Tuma asamtai ajapa iniaikiartusaip.

Jrm. 2:15

Úunt ya̱wa̱ uchirí̱ṉkia Israeran weruiniak júrur ajainiawai. Úunt ya̱wa̱ shiniakui antukar Israer nuṉkaka aya jú̱nik ajasárai. Tura pépruri̱sha ekemátramu ásar shuari̱sha atsá aya jú̱nik juákarai.

Jrm. 2:17

Kame átumka péṉker jintianmaani̱ juamaitiatrum atumí Uunt Yusri̱ ajapa iniaisa ¿asarmechuk túrunaitrum?

Jrm. 2:19

Ame yajauchirmek asuttiámattawai. Yus enentáimtamuka ántraiti támena nuke áminkia surutmaktatui. Wats iisam nekaata. Atumí Uuntri̱ Uunt Yus ashamtsuk iniaisatniusha ¿urutmá yajauchikit tura urutmá yapaakit? tawai Ashí Akupniu Uuntri̱ Uunt Yus.

Jrm. 2:31

Maa aentsú, Uunt Yusa chichame̱ enentáimtustarum. Warí nuikia Israer shuar íismaka Wikia kampuntin atsú nuṉka núja̱i̱nchuka nuṉka kirit teeya ¿núninkiaitiaj? Enta nuikia ¿urukamtai Wi aentssha ‘Iikia yamaikia aṉkantaitji tura amiinkia peṉké waketkishtatji’ tuinia?

Jrm. 25:38

Wáitkiarmia nuna ti kajerkar nu nuṉkan emesrar tura suir enentáimiar nu nuṉkan emesarmatai Uunt Yus úunt ya̱wa̱ tepetairi̱ya̱ jiinkí̱ wéak ikiuana núnis ni nuṉke̱ṉka aya jú̱nik ikiukniuiti” tawai Uunt Yus.

Jrm. 30:14

Ame yajauchirmeka tí nukap kawentramkarai tura tunaarmesha tí nukap tu̱á̱karai túrunamtai aents nemasri̱n awati numpamaa wáitkiana nútikiamajme. Tuma asamtai ame anetairam arma nuka áminkia ashí kajinmáttramkiar pachitmainiatsui.

Jrm. 30:15

¿Urukamtai ame akaṉmármiji̱a̱i̱sha najaimiakum charáa charáa ajam? Ame najaimiamurmeka tsuatash tsuárchamniaiti núnisaṉ ame yajauchirmeka tura ame tunaarumesh ti uunt ásarmatai jú̱naka jú̱tikiaitjiame.

Jrm. 30:24

Uunt Yus ni enentái̱n túratniun tuke umitsuk ni tí kaje̱ntkamuri̱ atsaṉnarchattawai. Tura nuka tsawant amúamunam nekaattarme.

Jrm. 4:7

Úunt ya̱wa̱ka tepetairi̱ya̱ jiinkiyi. Kame uunt nuṉka mátsatkainian emesmia nuka jiinkí̱ wéawai. Ame nuṉkemín emesak aya jú̱nik awajsartaj tusa pujutái̱ri̱ya̱ṉka jiinkiyi. Ame pépruram ainia nuka emesnak áentsri̱ncha awajnásartatui.

Jrm. 8:5

Jerusaréṉká urukamtai jú̱ shuarka tuke umichu asasha aya kajetnaksha pujurniuit. Anaṉkartutain umiriakka antuktinniaka peṉké nakitiawai.

Jrm. 8:7

Unturusha yakí̱ urukatniuit núnaka nékawai. Tura yámpits núnisaṉ chinimpsha ántsaṉ amuntai̱sha yajá nuṉkanam urutái wéartiniait núnaka nékainiawai. Túrasha Wi shuarka Uunt Yus nekasa nuja̱i̱ enentáimna núnaka nékainiatsui.

Ukan. 1:5

Ni nemase̱ṉka uunt akupniu uchirí̱ ajasárai tura niin muí̱jiarmia nuka ti núkap takustin súsarai. Warí, nakitiáiniak ti kajen ásarmatai Jiuwak núnaka túrawarai. Tura ni uchirí̱nkia nemasri̱sha iimiainiamunmaṉ achirar yaruakma áiniawai.

Tan. 7:4

Kame emka yajasmaka úunt ya̱wa̱ ániuitiat churuwia nanape̱n nanapruruyi. Tura nuna ii wajái̱ nanape̱nka akaarar nuṉkaya̱ṉka takuiniar aentsua núnis jimiará náwe̱ntin ajasmai. Túrunamtai aentsua núnis enentáimin awajnásmai.

Tan. 7:6

Nuna iisan iniaṉkasu ai̱ chíkich yajasmasha yumpinkia ya̱wa̱ya ánin kuatru nanapruruyi tura nu yajasmasha kuatru múuktinian wainkiamjai. Tuma asa kakaram akupin átin sunasmai.

Use. 5:14

Uunt Yus jú̱nis tíniuiti. Warí ímia wiki úunt ya̱wa̱ núnisaṉ Eprainnasha tura úunt ya̱wa̱ uchirí̱ya núnisnak Jutancha emeskan tura sá̱a̱ran ikiuktiatjai. Tura Wi emeskamtai achirar yaruakartata nui̱ṉkia yaaksha ayamprúktinkia peṉké atsuttawai.

Awa. 1:8

Ni kawairi̱ṉkia yampiṉkia ya̱wa̱ja̱i̱ naṉkaamas kakaram tséken tura kashi yujá rúpu ya̱wa̱ja̱i̱sha naṉkaamas wari áiniawai. Núnisaṉ tí untsurí ásar kawainium ekemniuri̱sha pinchu kuntinian yuattsa nanaki̱ weruiniana tímiatrusar yajaya̱ ti wárik káutkartatui.

Sup. 3:3

Tura úunt akupniu uchirí̱nkia uunt ya̱wa̱ tsará tsará ajana núnis ajapén matsatainiawai. Tura ni sumamtikniuri̱nkia kashi wekain rúpu yukartua kashin yuami̱j tusa ukunchí̱ṉkisha ampirmachua núnis áiniawai.

Apu. 13:2

Nui̱ wainkiamaj nu Yajasma nekas úunt ya̱wa̱a ániuitiat nawe̱nka chai̱ nawe̱a ániuyi. Wene̱sha nekas kajen ya̱wá̱a ániuyi. Tura Ti Kajen Yajasma Entsaya̱ Yajasman ni kakarmari̱ncha tura ni akupkatniuri̱ncha susamai nuja̱i̱ ti kakaram akupkati tusa.