Jrm. 5:3 - Yus Papí: Shuarja̱i̱ Yus Yamaram Chicham Najanamu

³ Maa, Uunt Yusá ¿Ámeka nekasa nuna túrawarat tusamchak íimiam? Amek asutiáwarmame túrasha najaimiakcharuiti. Amutcha amukármame túrasha iwiarnartinniaka peṉké nakitiarmai. Ni enentái̱ kayaja̱i̱ naṉkaamas kátsuram ajasár yapi̱sha nusháa iira ajasár tunaarí̱ya̱ ayantár waketkitniun peṉké nakitrarmai.

Jrm. 5:3 Iomraidhean Croise

Naṉ. 19:34

Tura nuyá̱ kashin iwiá̱i̱ kain chichareak “Wikia ya̱u̱ kashi ii aparí̱ji̱a̱i̱ tsaniṉkian kanarchamkaj. Jú̱ káshisha ataksha áintsarik anamkatai. Tura ame niji̱a̱i̱ tsaniṉkiam kanarminiam. Túrarkia ni uchirí̱ mai̱ takursattaji” tímiayi.

1 Akup. 13:33

Túrasha Jirupuámka netse túrutai̱nkia iniaisachmiayi. Núnisaṉ náṉkamas aentsun najankamu yúsnan takarin awajiármiayi. Tura aents najankamu yúsnan takarin ajastinian wakera nunasha Jirupuám ashí najankamu yus enentáimtutai̱ naintia nui̱ takarin awajsámiayi.

2 Akup. 1:13

Ataksha awaiṉki̱ suntara úuntri̱n seṉkuintia suntarja̱i̱ menaintiú akupkámiayi. Menaintiú akupkámu armia nuna uuntri̱ waruk jearí Iríasan tikishmátar chicharuk “Maa, Yúsna aishmaṉka, waitneasam winia iwiaakmarsha tura ame seṉkuintia takartámniu iwiaakmari̱sha arantúkarta tusan seajme.

YKan. 51:6

Iisiana, Ámeka nekasa nu wakerame. Kame winia enentái̱rui̱ péṉkera nu túratin unuitiame.

YKan. 51:8

Tura aṉkant awajtúsam tsaṉkurturum nu paant nekamtikruata. Túrutawakmiṉkia ukunchur najamáinia ayamprutkartinia núnis warastatjai.

YKan. 55:20

Antsu ni nekas amikrí̱ncha jatenawai. Túrawar chichaman najanawarmia nunasha uminiatsui.

Neka. 21:29

Shuar Yusan enentáimtichua nuka kajemtin íirkaiti antsu péṉkerka naka enentáimias wekainiaiti.

Neka. 22:12

Uunt Yus ti neka asa ashí nékaiti tuma asa yajauch shuara túratniuri̱n pachimpriniaiti.

Neka. 23:35

Tura chichaakum “Awaturarmai túrasha najaimiachmajai. Asutiuáwarmai túrasha nekaprachmajai. Túmaitkiuisha shintiarnaka ataksha umuuttajai” títiatme.

Neka. 27:22

Nétsea nuka arus ijiutai̱niam arusja̱i̱ métek eṉkear ijiurmasha netse enentáimtairi̱nkia peṉké iniaisashtatui.

Isa. 9:13

Túmainiayataṉ Israerka peṉké pachimiascharmiayi tura Úunt Yusnasha peṉké enentáimtuscharmiayi. Tuma asamtai Uunt Yussha nu tsawantai̱k pepru úuntri̱ncha tura Yúsnan etserin armia nunasha nuyá̱ jintinkiartin armia nunasha aentsun awajimtikiainia ásarmatai núnisaraṉ natsancha mitiaikiancha tura waje̱ armia nunasha peṉké waitnentsuk ashí asutiáwartatui.

Jrm. 15:7

Winia shuaruka ashí emeskaram uchirtichu juákarash ni jinti̱ya̱ṉka Winí̱ peṉké waketkicharuiti. Núnisaṉ waje̱sha ti untsurí nayantsanam naikim írunna nunasha naṉkaamas ajasármai. Túrasha nunasha ni nemasri̱ íktusan iniaisartatjai tawai Uunt Yus.

Jrm. 19:15

“Ashí Akupin Uunt Yus Israera Yusri̱ chichaak ‘Nekaatarum, tí wáitsatniuja̱i̱ asutiáttajrume tímiajrumna nuna yamaikia ju̱ péprunam tura ashí niji̱a̱i̱ írutra matsatainia nui̱ akupeajai. Wari, ni enentái̱ ti kátsuram ajasármatai Winia chichamprun antuktinniasha peṉké nakitiáiniawai’ tawai Israera Yusri̱” tímiayi Jirimías.

Jrm. 2:30

Atumí uchirí̱ncha yáiṉchartinian ántran asutiáwaruitjiai. Chicharkámash Winia chichamprunka peṉké antukcharuiti. Tura úunt ya̱wa̱ emesmak itiurawa nútiksar atumí puya̱rí̱ Yúsnan etserniun amukáruiti.

Jrm. 3:3

Ame nu tura asakmin yumi yutukcharuiti tura nu arant arakan tsakatmaktincha yutukcharuiti. Túmaitiatmek tsanirma nuwa̱ natsantaincha urukainia núnismek amesha peṉké natsa̱a̱rchaitme.

Jrm. 32:19

Tí nekasaiti Ame chicharkartutairmeka nekas antuktiniaiti tura Ame túrutairmesha nekas enentáimpramnia áiniawai. Kame ashí aents túruiniamun Ame jí̱mikia wainiui. Tuma asam ni wekasamuri̱ji̱a̱i̱ tura ni túrawarmasha Ame iisam péṉker túramuri̱ji̱a̱i̱ métek aṉkant aṉkant akikiártatme.

Jrm. 35:13

“Ashí akupin Uunt Yus Israera Yusri̱ jú̱nis túramui, Jutanmaya̱ shuar tura Jerusaréṉnum matsatainia nui̱ wetá tura chicharainiakum jú̱nisam tiartá. ‘¿Winia chichamur umikiuk tusan jintintiajrumna nuka unuimiárchamniakaitrum?’ tawai Uunt Yus.

Jrm. 44:10

Átumka yamaiya̱ tímiaja̱i̱sha péejchachikia ajascharme. Ashamprutcha ashamprukcharme túmakrum Wi akupkámusha tura umikrum chichaman atumíin tura atumí aparí̱i̱n ikiusmaj nuja̱i̱ wekasachu asarum umitcha umikchaitrume”’ tímiayi.

Jrm. 7:26

Túrasha Winia chichamprunka umirtukcharmai tura anturtuktinniaksha anturtukcharmai antsu antuktinian nakitiáiniak ántichu ajasár ni aparí̱ túrawarmia núja̱i̱ṉkia naṉkaamas tí yajauchin túrawarmai.

Jrm. 7:28

Tuma asam yamaikia jú̱nisam tiártatme ‘Uunt nuṉka mátsatkamu Uunt Yusan ni Yusri̱ chichame̱n antukcharu tura umikiarat tusar asutiámash umikcharuka ju̱i̱ti. Anaṉkartutsuk nekas chichataiṉkia meṉkakaruiti.

Jrm. 8:5

Jerusaréṉká urukamtai jú̱ shuarka tuke umichu asasha aya kajetnaksha pujurniuit. Anaṉkartutain umiriakka antuktinniaka peṉké nakitiawai.

Isk. 2:4

Tura niisháa iirka kaya imianú katsuram tura ántichu enentáimkia ainia nú aentsnum Wi ámin akupeajme. Tura nú aents chicharainiakum ‘Uunt Yus ashí aentsu Uuntri̱ jú̱nis túramprume’ tiartá.

Tan. 9:13

Kame Muisais akupkámu chicham aarma ana nuja̱i̱ métek ashí ju̱ itiurchat tarutramji. Túmayatrik ii Uunt Yusri̱sha tsaṉkurturta tusar seachji. Warí, ii tunaarí̱sha iniaisachji. Tura Ame nekas chichammesha enentáimturchaji.

Riw. 26:23

Tura jú̱ja̱i̱sha péṉker ajatsuk antsu nuna arant ajakí̱ wéakrumni̱ṉkia

Ams. 4:10

“Núnisnak Ejiptunam túramiaj nútiksanak suṉkurnasha akuptúkmajrume. Tura atumí natsa̱a̱rí̱ṉkia puya̱ja̱i̱ kajeṉkármajai. Atumí kawairi̱ṉkia achirárma arma nui̱ tura atumí matsamkamuri̱n meje̱nasha mayatkamarme. Kame núja̱i̱sha peṉké enentáimtursachmarme” tawai Uunt Yus.

Ams. 4:11

“Sutuman tura Kumuran Yus emeskamia áitkiasnak atumniasha emeskamjarme núnisnak ji tsutsutkamu jusamua nútikiamjarme túrasha Winia peṉké enentáimtursachmarme” tawai Uunt Yus.

Ams. 4:6

“Wikia yurumkachuja̱i̱ ashí péprunam apujsamjarme túrasha Winia peṉké enentáimtursachurme.

Ams. 4:9

“Tura atumí ajarí̱ncha úwancha íkiuncha núnisaṉ uriwiuncha tsue̱r mayai̱ji̱a̱i̱ titikriátsan akuptúkan emestukmiajrume. Túrasha Wíniaka peṉké enentáimtursachmarme” tawai Uunt Yus.

Sup. 3:7

‘Wi jintintiam nekas ashamprukar Wikia umirtukchartimpiash’ tumammiajai. Tura asutiáwarmiaj nuya̱ṉka nu arantka ni pujutái̱ri̱ṉkia péṉke emestunkashtatui. Túramaitiatcha núja̱i̱sha niṉkia ashí yajauchin túrawarmai.

Rum. 2:2

Yuska nu tunaan túrin ainia nuna súmamtikiashtinkiait.

Isr. 12:9

Nu arantcha ii aparí̱ uchich árini̱ṉ chichartamkurin umirniuyaji. Nu arant nuikia nekas ii Aparí̱ nayaimpiniam pujana nu shiir umirkar tuke shiir pujustin wakerishtatjik.