Jrm. 5:1 - Yus Papí: Shuarja̱i̱ Yus Yamaram Chicham Najanamu

¹ Uunt Yus chichaak “Kame Jerusaréṉnum jintia áiniana nu wekaatusrum íisrum nekaatarum. Wats pepru áṉkamuri̱ iisam aents chikichkisha nákaa nuja̱i̱ métek túrak aya nekasa nunak ¿túrasha áwash? Túmaitkiuiṉkia Wisha tsaṉkurattajai.

Jrm. 5:1 Iomraidhean Croise

1 Akup. 19:10

Tutai Irías aya̱k “Ashí Akupin Uunt Yusan ti akasmatkajai. Warí Israer shuarka Ámiji̱a̱i̱ chícham najanamun iniaisar tura Ame áestutairmincha akatúrar núnisaṉ Áminiun etserin ainia nunasha puya̱ja̱i̱ kajeṉ amukarai. Túrawarmatai aya wíchik juakjai túrasha yamaikia winiasha mantuataj tusar e̱a̱tainiawai” tímiayi.

YKan. 12:1

Maa Uunt Yusá, uwemtikrurta, warí Yusan umirin ainia núnaka amukcharaik. Núnisaṉ chichak tímiatrusaṉ umikmin ainia nu aentska ju̱ nuṉkanam pujuinia nusha meṉkararai.

YKan. 14:2

Kame Uunt Yus aentsun Winia nekara enentáimtursamniasha áwash tusa nayaimpinmaya̱ṉ íimiayi.

YKan. 14:3

Antsu Yusai̱ya̱ kanakiar mash ti yajauch enentáintin ajasáruyayi. Kame péṉkera túrin chikichkiksha peṉké atsumiayi. Rum. 3:10-12

YKan. 94:16

Maa, yajauchi túrin ainia nuya̱sha ¿yaki winiasha ayamprutkat?

Neka. 20:6

Untsurí aents ántuiniamunam “péṉker waitnenkartiniaitjiai” tuíniakuisha nekas chichamtinniasha ¿yaki wainkiamniait?

Neka. 23:23

Nekasa nusha tura ti neka átincha núnisaṉ unuimiártincha nuyá̱ enentáimtai̱sha sumakta túram surukaip.

Anen. 3:2

‘Túran chichaakun yamaikia wajaki̱n péprunam téntakan iistajai tímiajai. Jintiá áintianash tura páasanmasha’ e̱a̱ktájai winia wakaniur aneana nuna e̱a̱knasha wáinkiachmajai.

Isa. 59:4

Yaaksha péṉker túratniun wakerak untsumtsui. Tura yaaksha nekasa nuja̱i̱ métek sumamtikiachmaiti. Naṉkamantu enentáimtumainia nuna anturainiak wait chichaman chichainiawai. Yajauch wakerutai̱n ajaprukar yajauchin takuiniawai.

Jrm. 2:29

Tuma ai̱sha ¿urukamtai Winiasha kajertarum? Warí Wíniaka ashí kajertukrum átumka ajapa iniaitiusuitrume, tawai Uunt Yus.

Jrm. 44:15

Nuyá̱ ni nuwé̱ najankamu yusan kuṉkuinian áestuinian aents nékarmia nuka tura ashí nuwa̱ nui̱ matsamármia nusha tí untsurí iruntraru núnisaraṉ ashí shuar nui̱ Ejiptu nuṉkanam Pátrusnum matsamármia nu Jirimíasan aya̱k chichainiak

Jrm. 8:6

Émamkesan antú ajakun antukjai. Chichainiaksha naka chichainiatsui. Aents yajauch tura asa ené enentáimiá ajas ¿ausha warí itiurkája? tauka chikichkisha atsawai. Tútsuk kawái mesetnum urukniuit núnisar aya ní wakeramunak tsékentainiawai.

Jrm. 9:2

Wi shuara ikiukin wétaj tákuisha kampuntin atsunumsha wekainia ayampratniuncha ¿yaki surusat? Warí ashí tsanirma ásar niṉkia anaṉkartua yajauch awajkartin iruntraruiti.

Jrm. 9:7

Tuma asamtai Ashí Akupin Uunt Yus chichaak “Pai yamaikia kuri unuikiar aya kúrik awajsatniua áitkiasan nekapsartatjai. Túrachkuncha Wi shuara nawantri̱ncha ¿warí itiurkatjak?

Tan. 12:4

Warí, nekaatniusha tí nukap átatui tura untsurí aents nú nukap nekaatai tusar ju̱ní̱ wéar atuní̱ wéar ajartatui. Tuma asamtai Taniará amukatin tsawant jeamam ju̱ papisha nukukam peṉké urankashti tusam asakam péṉker ikiusta” turutmiai.

Juir 2:9

Tura péprunka weantúrar wenuknum wákaar tsékeṉkiar je̱a̱sha wákaar kasaja̱i̱ métek je̱á̱ áṉkamuri̱ni̱ waya̱wartatui.

Sak. 2:4

Tura chicharuk “Tsékeṉkim au natsach chicharkum ‘aentsush tura waakasha ti untsurí ásarmatai Jerusaréṉnumka wenuke̱ atsamunam matsamsartatui.

Ruk. 14:21

Takarin waketki̱ ni úuntri̱n ashí nuna ujakmai. Nuna antuk nisha kajekmiayi. Tura ni takarniúri̱n timiai ‘Ju̱ péprunam péṉker jintianmasha tura uchich jintiachinmasha weme, kuítrincha tura wekaichasha, shutuapsha, kusurúsha itiaarta.’

2 Tis. 2:10

Jinium wémin ainia nú shuaran ashí tunáa ana nuja̱i̱ anaṉkawartatui. Nu shuar Yus Chichaman nekas ana núnaka nakitraru ásar uwemprachmin áiniawai.