Jrm. 47:4 - Yus Papí: Shuarja̱i̱ Yus Yamaram Chicham Najanamu

⁴ Jiristíanmaya̱ aents emesnaktin tsawant jea asamtai Setunnumia̱sha tura Tírunmaya̱sha núnisaṉ ashí aents niji̱a̱i̱ chichas pujuiniamu iwiaaku juákarua nuka amú amú awajnásartatui. Warí, nayantsanam nuṉka pújakmanum Kapturnum Jiristíanmaya̱ aents iwiaaku juákarunka Uunt Yus ashí emeskattawai.

Jrm. 47:4 Iomraidhean Croise

Naṉ. 10:15

Tura Kanaana uchirí̱ iwia̱i̱ri̱ṉkia Setun náartiniuyayi. Nuyá̱ chíkich uchirí̱nkia Jet anaikiamiayi.

Juup 9:13

Yus kajekka asuttsukka iniaichaiti. Tuma asa waantu enentáimin ainia nuna yáintri̱n kakarmaja̱i̱ péejchach awajniuiti.

YKan. 37:13

Túrasha nuna tsawantri̱ emesnarartatna nuna Jiuwaka neka asa wíshikiawai.

Isa. 14:31

Atumsha wá̱i̱ti̱a̱i̱yá najaimiakrum charáa charáa ajatarum. Amesha uunt pepru yáintkiatarum tusam untsumkata. ¡Jiristíayi, emé emesusma juákume! Araki̱a̱ múkuint winitramui túmak iruntramunmaṉka chikichkiksha juákchattui.

Isk. 21:25

Tura Israernumia̱ akupniu, netse asam Yusna nú yajauch awajin asakmin Israera amuukatin tsawantri̱ jeakui ame asutniátniusha ímiatmam jeartámtatui.

Ams. 9:7

“Maa Israer shuará, Wi íismaka atumsha Itiupíanmaya̱ aentsu uchiri̱yá ¿ániuchukaitrum?” tawai Uunt Yus. “Warí Wíkichuk Israer shuarnasha Ejiptunmaya̱ ¿ji̱i̱rarmaj tura Jiristíu aentsnasha Kapturnumia̱ jí̱i̱rcharmakiaj núnisnak Sírianmaya̱ aentsnasha Kírnumia̱ jí̱i̱rcharmakiaj?” tawai.

Ruk. 21:22

Nu tsawantincha Yus asutiámun wáinkiartatui. Yus Papinium nu túrunatin yaunchu aarma nu uminkiattawai nu tsawantin.

Muis. 2:23

Núnisaraṉ Jiristíu aentssha Kapturnumia̱ jíintrarmia nusha Ap aents matsatainian amukiár Kaasa tímianai jeawarmiayi. Túrawar akinkiar nui̱ṉ matsamsarmiayi.