Jrm. 44:8 - Yus Papí: Shuarja̱i̱ Yus Yamaram Chicham Najanamu

⁸ ¿Urukamtai Ejiptunam matsamsarmesha atumí uwejé̱ja̱i̱ najankarum yúsaiti tusarum chíkich yus kuṉkuin áestakrum akajtukmarum? ¿Túrunarum átumka ashí amunkarum yumiṉkramu núnisrumek ashí aents uunt nuṉka mátsatkamunmaya̱ wishiktai̱ ártincha?

Jrm. 44:8 Iomraidhean Croise

Isa. 19:1

Uunt Yus Ejiptunam jeayi túrunamtai najankamu yus ainia nuka kurainiawai tura Ejiptunmaya̱ aentssha jakamnia enentáimiainiawai. Núnisaṉ chichaak “Wi Ejiptunmaya̱ aentsnaka aṉkant aṉkant aentsnaka nuamtak aentsnak tura péprunka nuamtak péprunak áitkiasnak akupeamunka nuamtak akupeamunak mámtikiartatjai. Kame Ejiptunka úunt akupin ti yajauch netsen íktusan iniaisattajai. Entsasha ashí ku̱yu̱kartatui túrunamtai árak Nírunam arakma ainia nuka ashí kukakártatui” tímiayi Uunt Yus. Nekamin Parauṉkai̱ pujuinia nuka Uunt Yus awajimtikrarma ásar nampekua núnisar pemperakut ajainiak waurka ajasárai. Ejiptunmaya̱ aentska nuwa̱ núnisar Ashí Akupin Uunt Yusan wáinkiar ashamkartatui. Ejiptunmaya̱ aents íismaka Jutaka tsuumai̱ ashamú ajamai átatui.

Isa. 65:15

Antsu Ashí Akupin Uunt Yus atumniaka amutmaktatrume. Wi achikma ainia nu yajauchiji̱a̱i̱ yumiṉkrar atumí náari̱ṉkia asakárartatui antsu Yus Ní shuari̱ náari̱nkia yapajtiuáwartatui.

Jrm. 11:12

Tuma asamtai Jerusaréṉnum matsatainia nu tura Jutá péprunmaya̱ ainia nusha kuṉkuinian áestiarmia nu yusan weriar untsukartatui. Túrasha itiurchat átatna nu tsawantinkia nu yus peṉké uwemtikramnian tujintkiartatui.

Jrm. 11:17

Israer shuarsha tura Jutá shuarsha Páaran kuṉkuinian áestuiniak yajauchin túrawar Ashí Akupin Uunt Yus atumín aratmawarma nu akajtukarmatai yajauchin akuptúkarmaiti.

Jrm. 18:16

Ni túmainiamuja̱i̱ núṉkencha peṉké atsá aya jú̱nik awajsar tuke wishiktai̱ ajasártatui. Ashí aents nuní̱ naṉkaamainiak nuna wáinkiarka ‘¡Aaj, ju̱sha urukakua jú̱nikiuitia!’ tusar muuke̱ncha peakmaikia naṉkaamartatui.

Jrm. 24:9

Tura ashí nuṉkanam akupniu nuṉké̱ áiniamunam Wi akuprartatjana nuiṉkia Israer shuar túrunawarma enentáimsar sapijmiatai tura natsan awajtai̱ núnisaṉ métektaku chichamja̱i̱ chichartai̱ áitkiasrik wishiktai̱ nuyá̱ yumiṉtai awajsartatjai.

Jrm. 26:6

antsu nui̱ṉkia Uunt Yusa Je̱e̱nka Sírun itiurkamaj nútikiattajai. Tura ashí nuṉkanam iismasha ju̱ pépruka yajauchiji̱a̱i̱ yumiṉkramu átatui” tawai Uunt Yus’” tímiayi Jirimías.

Jrm. 29:18

Tura mesetja̱i̱ suṉkurja̱i̱ tsukaja̱i̱sha asutiáwartatjai. Wi nuní̱ turamtai ashí uunt nuṉka mátsatkamunam akupáinia nu ashamái̱ íirmartatui tura ashamái̱ yumiṉkramu tura wishiktai̱ wi ajapa iniaisámiajrumna ímianiaṉ átumka átatrume.

Jrm. 32:30

Warí Israer shuar tura Jutá shuarsha yajauchin túrawaru áiniawai. Kame Israera uchirí̱ṉkia natsa armia nuyá̱ juárkiar aya yajauch túratniunak Winia itit awajtústinian iniaisacharuiti. Antsu niṉki ni yusri̱n najanawar winia kajetáirun e̱a̱karu áiniawai” tawai Uunt Yus.

Jrm. 42:18

Jirimías tuke chichaak “Ashí Akupin Uunt Yus Israera Yusri̱ chichartamuk ‘Ejiptunam pujustai tusarum wéakrumni̱ṉkia Winia suir kajetáirja̱i̱ Jerusaréṉnum matsatainian itiurkarmaj nútiksanak Winia kajetáirun atumín ukatrattajrume. Tura yumiṉkramu asarum kajertai̱ nuyá̱ yajauch chichartai̱ tura natsan awajtai̱ átatrume. Nuyá̱ atakka jú̱ nuṉkaka apajá̱srumsha peṉké íischattarme’ tawai.

Jrm. 44:12

Tura Jutanmaya̱ juákaru Ejiptunam matsamsatai tusar ní wakerusar ashinkiarma nunasha ashí amukártatjai Ejiptunmaṉ. Kame puya̱ja̱i̱ mantamná tura tsukái kají̱ ajainiak uchichinmaya̱ṉ juárkiṉ uuntcha amú amú ajasártatui. Túrunarum átumka aents pachisar yumiṉtai tura yumiṉkramua ántsarmek iisar ashamtai núnisrumek wishiktai̱ ajastatrume.

Jrm. 44:3

Yajauchin túruiniak Wíniaka akajtukarmayi. Warí, kuṉkuinian áestuiniak chíkich yusan nisha nékainiachiat tura atumsha nekaachman núnisaṉ atumí aparí̱sha nekaacharman enentáimtusarmiayi.

Jrm. 44:7

Tura yamaikia Ashí Akupin Uunt Yus Israera Yusri̱ chichaak “¿Urukamtai atumkesha timiá yajauchisha awajmamprum Jutanmaṉka áishmaṉsha nuwa̱sha uchi muntsúakusha emesnakartincha? Túmakrumsha chikichkisha iwiaaku juáktimpiash.

Jrm. 7:9

Túmakrum kasamsuárum, maṉkartasuárum, tsanirmasuárum, tsanumsuárum kuṉkuin Paar aestasuárum nuyá̱ átum nuik nekaachma chíkich yus áiniana nu tikishmáttsuárum

Awa. 1:16

Warí nekarí̱ji̱a̱i̱ ni warirí̱ncha tura yurumkancha tí nukap ikiauntumainia ásar nekaanka tikishmátainiak kuṉkuinian áestuiniawai. Núnaka wararainiak ti shiir enentáimtusar túruiniawai.

Muis. 32:25

Nuyá̱ á̱a̱ni̱ṉkia puya̱ja̱i̱ maamu ártatui. Antsu jeaṉka uchi áishmaṉ natsasha, nuwa̱ch natsachisha tura uchi muntsúakusha úuntchisha aya sápijmiamuja̱i̱ṉ amukártatui.

Isr. 3:16

Muisais Ejiptunmaya̱ ji̱i̱kmia nú shuar Yusa Chichame̱n anturkariat nakitrarmiayi.