Jrm. 44:3 - Yus Papí: Shuarja̱i̱ Yus Yamaram Chicham Najanamu

³ Yajauchin túruiniak Wíniaka akajtukarmayi. Warí, kuṉkuinian áestuiniak chíkich yusan nisha nékainiachiat tura atumsha nekaachman núnisaṉ atumí aparí̱sha nekaacharman enentáimtusarmiayi.

Jrm. 44:3 Iomraidhean Croise

Jrm. 11:17

Israer shuarsha tura Jutá shuarsha Páaran kuṉkuinian áestuiniak yajauchin túrawar Ashí Akupin Uunt Yus atumín aratmawarma nu akajtukarmatai yajauchin akuptúkarmaiti.

Jrm. 16:10

Ju̱ chicham aents ujaam chichartamainiak turamartatui ¿urukamtai Uunt Yussha iincha asutiá amutmaktaj turamajⁱ? ¿Tuit ii tunaarí̱sha tura ii Yúsri̱ji̱a̱i̱ yajauch túramusha tuit? turamartatui.

Jrm. 22:9

Tutai aimiainiak “Uunt Yus ni Yusri̱ chichaman najanamia nuna iniaisar chíkich yusan umirainiak tikishmátrarmai” tiártatui.

Jrm. 29:19

Yúsnan etserin Winia chichamprun etseriarma nu yámankamtaikniumia̱ iniaitsuk ujatmákarat tusan akuptúkmiajrumna nusha peṉké anturkachmarme tawai Uunt Yus.

Jrm. 32:30

Warí Israer shuar tura Jutá shuarsha yajauchin túrawaru áiniawai. Kame Israera uchirí̱ṉkia natsa armia nuyá̱ juárkiar aya yajauch túratniunak Winia itit awajtústinian iniaisacharuiti. Antsu niṉki ni yusri̱n najanawar winia kajetáirun e̱a̱karu áiniawai” tawai Uunt Yus.

Jrm. 44:23

Kuṉkuin chíkich áestakrum Uunt Yus akajkarum yajauch túraitrume. Túrakrum Uunt Yusa chichame̱sha umirkachuitrume. Núnisrumek Ni akupkámuri̱ umiktin chichamja̱i̱sha wekasachuitrume. Ántsarmek Ni chichame̱sha nuyá̱ etserkamuri̱sha umirkachuitrume. Tuma asa átum umikchamunam yamái jú̱ tsawant itiurchat wáintrumna ju̱ka tarutrámniuitrume” tímiayi Jirimías.

Jrm. 44:8

¿Urukamtai Ejiptunam matsamsarmesha atumí uwejé̱ja̱i̱ najankarum yúsaiti tusarum chíkich yus kuṉkuin áestakrum akajtukmarum? ¿Túrunarum átumka ashí amunkarum yumiṉkramu núnisrumek ashí aents uunt nuṉka mátsatkamunmaya̱ wishiktai̱ ártincha?

Jrm. 5:19

Tura anintruiniak “Ii Yusri̱ Uunt Yussha ¿urukamtai ju̱nasha jú̱tikramajⁱ?” tuíniakuisha chicharainiak “Ju̱ nuṉkanam pujusrum Wíniaka iniaitiusrum nékashtai̱ najankamu yus shiir awajkuram takarsamarumna tímiatrusrumek nú nuṉkanam pujusrumsha yajaya̱ aents shiir awajkuram takarsattarme” tiartá.

Jrm. 5:29

Kame núnaka ¿túruiniankek asuttsuk iniaisartataj? Uunt nuṉka mátsatkamu tuma ainia núnaka Winia Wakantruka yapajkiachartatuak.

Jrm. 7:19

Kame Winiaash akajtukarat. ¿Nekaska niṉki natsanmai̱ ajakartiniakchak áninia?” tawai Uunt Yus.

Ukan. 1:8

Jerusaréṉka tunáa ti yajauchi túraiti tuma asa nuya̱ṉka akankámuiti. Nin shiir enentáimtin armia nusha ashí nakitraruiti misú wáinkiaru ásar tuma asa sukaska mayatar tí úteawai.

Tan. 9:5

Antsu iikia tunaasha tura mui̱jmiai̱ áiniana nu túrakur Yusan enentáimtichu ainia nuja̱i̱ métek kajekar ii wakeramu túraitji. Núnisrik ame akupkámu chichamprumsha iniaisaitji.

Muis. 13:6

Áitkiasaṉ atumí yachi̱ṉsha tura uchirí̱ṉsha núja̱i̱nchuka atumí aneamu nua̱ri̱ṉsha íshishmasaṉ chichaak ‘Chíkich yus enentáimtustai’ tuíniakuisha anturkashtiniaitrume. Antsu peṉké waitnentsuk ameá ameá naṉkamawakmin ashí irunturar kayaja̱i̱ tukurar máwartiniaiti. Tura ashí Israer shuartiram antukrum sapijmiakrum atakka túrashtatrume.

Muis. 29:25

Tuíniakui aimiainiak ‘Ju̱ka Yus Ejiptu nuṉkanmaya̱ jí̱i̱kiar juíniak Uunt Yusja̱i̱ chichaman ni we̱a̱trí̱ji̱a̱i̱ najanawarmia nuna umitsuk iniaisar

Muis. 29:26

najanamu yusan nékashtai̱n Uunt Yus tsaṉkatkachmaitiat shiir awajainiak tikishmátraruiti.

Muis. 32:17

Nisha nékainiachiat yamaram yusan tura ni aparí̱sha ashamkacharma nú yusan shiir awajsarmiayi. Nuna túruiniak iwianchin taṉkun mantuá áestuiniak Yúsnaka pachikcharmiayi.

Isr. 3:16

Muisais Ejiptunmaya̱ ji̱i̱kmia nú shuar Yusa Chichame̱n anturkariat nakitrarmiayi.