Jrm. 44:10 - Yus Papí: Shuarja̱i̱ Yus Yamaram Chicham Najanamu

¹⁰ Átumka yamaiya̱ tímiaja̱i̱sha péejchachikia ajascharme. Ashamprutcha ashamprukcharme túmakrum Wi akupkámusha tura umikrum chichaman atumíin tura atumí aparí̱i̱n ikiusmaj nuja̱i̱ wekasachu asarum umitcha umikchaitrume”’ tímiayi.

Jrm. 44:10 Iomraidhean Croise

Neka. 28:14

Yusan ashamak tuke shiir awajna nuka ti waraawai antsu ni enentái̱n ikiatsua nuka yajauchiniam iniartatui.

Apu. 15:4

Uuntá ¿yaki ashampramkachatⁱ. Tura yaki ti shiir awajtámsachatⁱ? Aya Amek ti shiir tunaarinchaitme. Ashí nuṉkanmaya̱ shuar ame ti shiir túramun wáinkiar Aminiak jeartámar ti shiir awajtámsartatui.” YKan. 86:9 Tu kantamáwarmai.

1 Pit. 5:6

Wats, Yus timiá kakaram asamtai amek nekamam péejchach enentáiji̱a̱i̱ enentáimtumasta. Nuiṉkia tsawant jeamtai ni wakerak Yus ámin peṉkeri̱ awajtámsattawai.

Jrm. 8:12

¿Antsu mui̱jmiainian túrawarua nui̱sha natsamainiawak? Warí nekasaiti peṉké natsa̱a̱rcharuiti ántsaṉ péejchachisha ajascharuiti. Tuma ásar iniainiana nuja̱i̱ métek iniarartatui. Tura asutniátin tsawant jeatéma nui̱ nekaska tukumkartatui” tawai Uunt Yus.

Rum. 11:20

Nekasaiti, túmaitiat nisha Yusan enentáimtuiniachu ásar tsupinkiarmiayi. Amesha aya Yus nekas enentáimta asam anujnakuitme. Tuma asamtai naṉkamantu enentáimtumatsuk aya anearta.

Ruk. 23:40

Tura chíkich ni tsaníakmari̱n kakantar chicharuk “¿Amesha Niji̱a̱i̱ métek asutniátasa pujayatam Yus ashamatsmek?

Mat. 27:54

Nuyá̱ suntar Jesusan wáinkiarmia nusha tura ni úuntri̱ṉkia nuṉka ú̱u̱rkamtai nuyá̱ chikitcha ashammai ajasmatai ti sapijmiakarmiayi. Tura chichaak “Ju̱ áishmaṉ nekas Yusa Uchirí̱nti” tiármiayi.

Mks. 4:2

“Antsu Winia naar ashamniutirminkia Nekasa Nuja̱i̱ Métek Túrin-Etsa̱ jiini̱ etsantramprattarme tura nuna nanape̱ja̱i̱ ejatmak uwemtikramprattawai. Túrutmamtaikia waaka uchich unuertaj tusa wenuknum chumpíamu ji̱i̱ram nántea nántea ajainiatsuk. Atumsha núnisrumek túrunattarme.

Jrm. 36:24

Túmaitkiuisha úunt akupniusha ni takarniúri̱sha ashí ju̱ chichaman antukarmia nuka ashamkacharmiayi. Túrawar ni pushiri̱nkesha já̱a̱kcharmiayi.

Jrm. 10:7

Maa, uunt nuṉka mátsatka úunt akupniuri̱yá ¿Amincha yaki ashampramkachaint? Nekaska Ameketme ashamkamniamka. Warí, ashí nuṉkanam neka irunainia nuja̱i̱ apatka iismasha tura ashí ni akupénamunmasha Ámiji̱a̱i̱ métekka chikichkisha peṉké atsawai.

Isa. 66:2

“Ashí ju̱i̱ írunna núnaka Winia uwejruja̱i̱ najankamiajai. Túramu ásar irunainiawai tawai Uunt Yus. Antsu Wíji̱a̱i̱ṉkia péejchach áiniana nu ni tunáa túramun enentáimtusar wakaní̱ji̱a̱i̱sha kúntuts enentáimtumainiak Winia chichamprun antukar kurainiana nuna péṉker enentáimtusartatjai. YKan. 34:18; Tur. 7:50

Neka. 16:6

Nekasa nuja̱i̱ tura waitnenkartutai̱ji̱a̱i̱ yajauch túrutai̱ tsaṉkuramuiti ántsaṉ aents Uunt Yusan ashamak yajauchinmaya̱ kanaawiti.

Neka. 14:16

Shuar neka nuka tsuumai̱ ana nui̱ waya̱wa̱i̱j tusa ashamak íkian wekaawai antsu netse shuara nuka “nékaitjiai” tu enentáimtumas chikichan peṉké arantichuiti.

Neka. 8:13

Uunt Yus ashamakum yajauchia nu nakitráttame. Kame waantu enentáimtumastinniasha tura chikichji̱a̱i̱ṉkia naṉkamantuitjiai tu enentáimtumastinniasha núnisaṉ yajauch túratniuncha nuyá̱ yajauch chichastinniasha wikia peṉké nakitiajai.

YKan. 51:17

Kame nékajai, Uunt Yus nekas wakeramuka ju̱i̱ti, taṉku áestuatniuja̱i̱ṉkia naṉkaamas tunáa shuar waantu enentáimtumatsuk tí tunaitjiai tu enentáimtumasat tusa wakerawai. Tura ni tunaari̱ji̱a̱i̱ tí kuntuts nekapeak péejchach ajasua nuka Yusru, nakitchaitme. YKan. 34:18

YKan. 34:18

Aents tunáa túramun nekaama tí kuntuts pujuinia nuna Uunt Yus tsaṉkurataj tusa tíjiu̱ch pujurui.

2 Akup. 22:19

ju̱ nuṉka mátsatkamua ju̱na kajerkan itiurchat awajkattajai. Nú chicham paant nekaam kúntuts enentáimsam pushiram já̱a̱ram útim umiktin enentáimsa asakmin Wisha nútiksanak anturkajme.

1 Akup. 21:29

“Akaap Wi íimmianum péejchach ajasu ¿wáinkiachumek? Kame túruna asamtai ni iwiaaku pujuttana nui̱ṉkia wáitkiaschattajai. Antsu ni uchirí̱ pujuttana nui̱ wáitkiastatjai” tímiayi.

Jiin. 10:3

Nuya̱ṉka Muisais Araunja̱i̱ Parauṉ pujamunam wéar chicharainiak “Uunt Yus Israer shuara Yusri̱ chichartamuk ‘Winí̱ péejchach ajastin ¿túkek nakitki̱ wétatam? Kame Wi shuar wéar shiir awajtúsarat tsaṉkatkarta.

Jiin. 9:30

Túrasha nékajai, amesha tura takartámniusha Uunt Yusa kakarmari̱ wáiniatrum peṉké ashamkachuitrume” tímiayi.

Jiin. 9:17

Túramaitiatmek wi shuar akupratin nakitiakum ¿nu arantak kajeam?

YKan. 78:10

Uunt Yus akupkámu chicham umiktarum timian umichu ásar túrunawarmiayi.

Jrm. 6:15

Antsu mui̱jmiai̱ túramarum nui̱sha ¿natsa̱a̱rukaitrum? Ti nekas natsantai̱nchaitrume tura péejchachisha ajaschaitrume. Tuma asamtai Wi asutiáttajrumna nú tsawantinkia atumsha asutniáttarme” tawai Uunt Yus.

Jrm. 26:4

Tuma asa ‘Uunt Yus jú̱nis tawai titiá. “Winia anturtukrum akupkámu umiktin chichaman Wi atumín amasmiajrumna nuja̱i̱ métek wekaachkurminkia

Jrm. 32:23

Nuyá̱ nu nuṉkanam waya̱war nérentin ajasármai. Túrasha ame chichamuncha antukcharai. Akupkámurmiji̱a̱i̱ métekka wekasacharai. Túmainiak umiktarum tímiam nunasha umikcharai. Tuma ásarmatai ju̱ yajauchikia tsaṉkatkaruitme.

Jrm. 44:23

Kuṉkuin chíkich áestakrum Uunt Yus akajkarum yajauch túraitrume. Túrakrum Uunt Yusa chichame̱sha umirkachuitrume. Núnisrumek Ni akupkámuri̱ umiktin chichamja̱i̱sha wekasachuitrume. Ántsarmek Ni chichame̱sha nuyá̱ etserkamuri̱sha umirkachuitrume. Tuma asa átum umikchamunam yamái jú̱ tsawant itiurchat wáintrumna ju̱ka tarutrámniuitrume” tímiayi Jirimías.

Jrm. 5:3

Maa, Uunt Yusá ¿Ámeka nekasa nuna túrawarat tusamchak íimiam? Amek asutiáwarmame túrasha najaimiakcharuiti. Amutcha amukármame túrasha iwiarnartinniaka peṉké nakitiarmai. Ni enentái̱ kayaja̱i̱ naṉkaamas kátsuram ajasár yapi̱sha nusháa iira ajasár tunaarí̱ya̱ ayantár waketkitniun peṉké nakitrarmai.