Jrm. 42:5 - Yus Papí: Shuarja̱i̱ Yus Yamaram Chicham Najanamu

^5-6 Nuyá̱ Jirimíasan chicharainiak “Imiá nekas Uunt Yus iin ujaktinian akuptámkamajnia núnaka umirkacharuitkiurnisha péṉkeraitkiuisha tura itiurchataitkiuisha ashí takamtsuk umireachkurni̱ṉkia Uunt Yus imiá nekas asa tura yapajcha asa iin iirmasartai. Iikia péṉker pujustajⁱ tusar imiá nekas ii Uunt Yusri̱ tana nuke umirkattaji” tiármiayi.

Jrm. 42:5 Iomraidhean Croise

Naṉ. 31:50

Nuya̱sha Rapan chichaak “Winia nawantur yajauch awajáiniakmincha tura chíkich nuwa̱ja̱i̱ apatainiakmincha aents ujatainiachkuisha Yuska nekarmattawai” tímiayi.

Jiin. 20:19

Nuya̱ṉka Israer shuar Muisaisan chicharainiak “Uunt Yuska íiji̱a̱i̱ṉkia chichaschati iikia jákara̱i̱jⁱ. Antsu ame Uunt Yusja̱i̱ chichasam étserkumin iikia antuktatji” tiármiayi.

Jiin. 20:7

Ame Yúsrum Uunt Yusa naari̱ ántram pachikiaip. Winia náarun ántar pachia núnaka asutiáttajai.

Jrm. 42:20

Warí, atumek anaṉmamprume. Kame átumka atumí Yusri̱n Uunt Yusai̱ akuptúkmarme tura chichaakrum ‘Ii Yusri̱ Uunt Yus seatkrattia. Tura Uunt Yus ii Yusri̱ ashí turamtiatna nuka iin nekamtikiartuatame. Túrawakmin iikia umikiar nuka túrattaji’ tímiarme.

Jrm. 43:2

Usayása uchirí̱ Asarías nuyá̱ Karea uchirí̱ Jujanán tura ashí áishmaṉ naṉkamantu enentáimtuma armia nu Jirimíasan chicharainiak “¡Wáitrame! Íi Yusri̱ṉkia Uunt Yus ‘Ejiptunam tuke pujustin wérap’ tu titiá tusa akuptámkachuitme.

Jrm. 43:4

Karea uchirí̱ Jujanán tura suntara uuntri̱ armia nusha nuyá̱ ashí shuar Jutá nuṉkanam juaktai tusar Uunt Yusa chichame̱n umirkacharmiayi.

Jrm. 5:2

Túraitkiusha nekas umiktatjai tusar ‘Iwiaaku Uunt Yus’ íirsati tuíniakush núnaka peṉké ántar tuíniawai” tímiayi.

Mik. 1:2

Ashí aents nuṉká pujarmena nútiram ju̱ péṉker antuktarum. Uunt Yus Ashí Aentsu Uuntri̱ Ni íktusma Je̱e̱ya̱ṉ átum warí túraitrum núnaka paant ujatmáktatrume.

Mks. 2:14

Túrasha átumka ‘¿urukamtai ii súajnia nunasha nakitia?’ tárume. Tura amesha nuyá̱ nuwa̱sha natsa asarum nuatnaikiamiarmena núnaka Uunt Yus ¿wáinkiachukait? Túrayatmek nuwa̱ja̱i̱ tsaniṉkiar pujustai tusam chíchamka najanayatam tsanirmakum ame ai̱m anaṉkaitme.

Mks. 3:5

Nuya̱ṉka atumíin jean sumamtikiattajrume. Túrakun wawekratniunka núnisaṉ tsanirmancha tura anaṉkartuattsa Yussha irui nekas umiktatjai tiniu ainia nunasha núnisnak takarin áinian nuyá̱ waje̱ncha áitkiasnak mitiaikian waitkia ainia nunasha nu arantcha iraran yajauch awajin ainia nunasha Wíniaka ashamprutsuk nuna túrawaru ásarmatai Wisha nekasaiti tusan wárik makuraran ashí sumamtikiawartatjai” tawai Ashí Akupin Uunt Yus.

Rum. 1:9

Tuke enentái̱rja̱i̱ Yusa Uchirí̱n ashí shuarnum etsertajai. Túrakui wi atumín tuke áujtamun Yus nékarui.

Apu. 1:5

Núnisaṉ Jesukrístu shiir yaintmakarti. Ni tana nu imiá nekasaiti. Nisha emka jakamunmaya̱ yamaram iwiaakmaja̱i̱ nantakniuiti. Tura ju̱ nuṉkanmaya̱ akupniu Úuntri̱nti. Iin anenma asa ni numpe̱ja̱i̱ ii tunaari̱n nijiatramkaitji.

Apu. 3:14

Nuyá̱ turutmiai “Rautiséanmaya̱ Yus shuara uuntri̱ ju̱ áatrata. Wáitrutsuk nekasa nunak tiniua nu tura núnisaṉ ashí Yus najanamun úuntri̱ya nu, tawai

1 Sam. 12:5

Tuíniakui nisha chichaak “Ju̱ tsawantinkia Ni anaikiamuri̱ji̱a̱i̱ Uunt Yusaiti atumí makurmatniuka. Warí winia makuratniuka peṉké wáinkiachurme” tímiayi. Takui̱ nisha chichainiak “Núnaka Uunt Yussha nekas nékawai” tiármiayi.