Jrm. 42:4 - Yus Papí: Shuarja̱i̱ Yus Yamaram Chicham Najanamu

⁴ Tutai Jirimías aya̱k “Antukjai. Átum tárumna nútiksanak atumí Uunt Yusri̱n seattiajrume. Uunt Yus turuttiatna núnaka ú̱rtsuk ímiatrusnak paant ujaktatjarme” tímiayi.

Jrm. 42:4 Iomraidhean Croise

YKan. 40:10

Ame péṉker túriniaitmena núnaka aya winia enentái̱rui̱ni̱ṉ ikiuschaitjiai. Antsu waitnenkartutairmin nekasa nunasha tímiatrusmek umitiáirmincha nuyá̱ uwemtikkiartutairmincha ti untsurí irunar matsatmanum ú̱tsuk paant etserkamjai.

Jiin. 8:29

Tura Muisais Parauṉkan aya̱k “Amesha, weri ii Yusri̱ shiir awajútin anaṉkartú ajashtatkumni̱ṉkia wi amiiya̱ jiinkí̱ wéakun Úunt Yusrun seattiatjame. Túram Nisha amiin tura takartámin pujuinia nui̱sha núnisaṉ amé shuarumincha anchi súrua súrua ajainia núnaka kashin emeṉkátramprartatui” tímiayi.

Jrm. 23:28

Yúsnan etserin ainia nu ni mesekrampramuri̱n étserkuṉka etserkarti. Antsu Winia chichamprun nekas etserniuitkiuṉka nekasa nuna tímiatrusaṉ etserkati.” Túrasha Uunt Yus chichaak “Trikiu péṉkeri̱ji̱a̱i̱ tura tsuátri̱ji̱a̱i̱sha ¿warí nusha íistiniaitiaj?” tawai.

Jrm. 23:35

Tura aṉkant aṉkant ni yachi̱nkia núnisaṉ ni tsaníakmari̱ncha jú̱nisar tiártatui. ‘¿Uunt Yussha warinia chichaká?’ ‘¿Warintia aimkia?’

Jrm. 26:2

“Uunt Yus jú̱nis tawai ‘Ámeka Uunt Yusa Je̱e̱n wá̱i̱ti̱a̱i̱ri̱n ajapén wajasam ashí shuar Jutanmaya̱ Yusan enentáimtustai tusar Yusa je̱e̱n táartatna nu Wi titiá tájamna nu ashí ujakárta. Wi tájamna nuka chikichík chichamkesha kajinmattsuk tímiatrusmek ashí etserkata.

Isk. 2:7

Antsu ámeka ántuiniakuisha tura ántuiniachkuisha nu ántichu aents ainia nu Winia chichamur ujakárta.

Tur. 20:20

Ashí péṉker ana nu nekaatarum tusan miji̱atrutsuk jintintiámjarme. Iruntramarmena nui̱ tura aṉkant aṉkant atumí je̱e̱n pujumarmena nui̱sha Yus Chichaman ujakmajrume.

Rum. 10:1

Yatsuru, Israer shuar uwemprarat tusan ti wakerakun Yusan áujtajai.

1 Sam. 12:23

Tura wikia atumí seattsukka Uunt Yusai̱sha tunaan túrashtajai antsu aya péṉkera nunak tura naka wekasatniun jintintiátjarme.