Jrm. 42:2 - Yus Papí: Shuarja̱i̱ Yus Yamaram Chicham Najanamu

² Tura Yúsnan etserniun Jirimíasan chicharainiak “Waitneasam Uunt Yus ame Yúsrum ii ishichik juákaru ájinia ju̱ seakrattia. Yáunchuka ti untsuríyaji túmaitiatar yamaikia ishichik juákarji. Ame wáinmena jú̱ketji.

Jrm. 42:2 Iomraidhean Croise

1 Akup. 13:6

Nuya̱ṉka úunt akupin Jirupuám Yúsna aishmaṉkan chicharuk “Winia uwejur péṉker ajasat tusam ame Yúsrum Uunt Yus winiasha seatritia” tutai Yúsna aishmaṉ Uunt Yusan seatmiayi. Túramtai úunt akupniu uwejé̱sha ataksha yaunchu urukuya núnisaṉ ajasmiayi.

YKan. 119:170

Wi seajmena nuka Ame pujamunam jeatí tura Ame tímiam nuja̱i̱ métek aṉkant awajtusta.

Jiin. 8:28

Nuyá̱ Parauṉ chichaak “Uunt Yus atumí Yusri̱ atsunum tíjiu̱chik werum shiir awajsak tusan akupkáttajrume, tura winiasha seatritiarum” tímiayi.

Jiin. 9:28

Yusa chárpiri̱ tura michasha meṉkakarat tusarum Uunt Yus seatarum. Nuiṉkia Israer shuaran nú arant emetkin wéchattajai, antsu wéarti tusan tsaṉkatkartatjai” tímiayi Parauṉ.

Isa. 1:15

Tuma asan maṉkartuamu uwej númpak ajasu takuirum winia seatu asakrumin íischattajrume. Núnisnak tí seatkurmi̱ncha peṉké anturkashtatjarme.

Isa. 1:9

Tura Ashí Akupin Uunt Yus iin ishichkisha iwiaaku ujutamkachuitkiurni̱ṉkia Sutuma tura Kumura núnis ajasára̱a̱ji.

Jrm. 15:11

Maa Uunt Yusá núnis atí. Kame itiurchat ámanum tura kúntuts pujamunmasha péṉker pujusárat tusan winia nemasrun Amiin chichamprukchaitkiuisha antsu nuiṉkia tuíniana núnisaṉ atí.

Jrm. 2:27

numin chicharainiak ‘Ámeka ii aparí̱nme tura kayan amiiya̱ iikia akiinkiaruitji’ tuinia nuka natsa̱a̱rartatui. Warí Winia tuntuprua iniaitiusar íirsatniuncha nakitruiniawai. Túrasha itiurchat pujuiniakka ‘Yáiṉkiam aṉkant awajtústa’ turutainiawai.

Jrm. 21:2

“Papirúnianmaya̱ úunt akupin Napukutunusúr mesetan iin najatramji. Nu waitneasam iin Uunt Yusai̱ chichamkartukchaintmeash. Kame Uunt Yus aents túrachminian yaunchu ashí túramia núnisaṉ yamaisha iincha túrutmawaintiajtí. Nuna túramtai ii nemasri̱ṉkia iinia̱ṉka kanakiárainti” tímiayi.

Jrm. 36:7

Uunt Yus íimmianum aentsu seamuri̱ jeawainti tura aṉkant aṉkant ni yajauchiri̱ya̱ ataksha waketkiarainti. Warí Uunt Yusa kajetáiri̱ṉkia núnisaṉ Ni suíri̱ṉkia úuntaiti tusa jú̱ aentsun ujakáruiti” tímiayi.

Jrm. 37:20

Uunt akupin winia uuntru yamaikia antukta. Ámin seajmena nu jeatí. Waitneasam papí ain Junatána je̱e̱n awaṉtukip nui̱ pujusan jáka̱i̱j tusan seajme” tímiayi.

Jrm. 37:3

Seremíasa uchirí̱ Jukaran tura Masíasa uchirí̱ Yúsnan pujurin Supunías Yúsnan etserin Jirimíasan chicharainiak “Waitneas Uunt Yus ii Yusri̱n iin seatramarti túramui” tiarat tusa úunt akupin Setekías akupkarmiayi.

Jrm. 38:14

Chíkich tsawantin úunt akupin Setekías Uunt Yusa Je̱e̱ menaintiú tesamu wá̱i̱ti̱a̱i̱ri̱n pujus Yúsnan etserin Jirimías untsurtuktarum tusa akupkámiayi. Tura nui̱ támatai akupin Jirimíasan chicharuk “Wi inintrústatjamna nu ishichkisha ú̱rtukaip” tímiayi.

Jrm. 40:15

Nuya̱ṉka Míspanam Karea uchirí̱ Jujanán Jetaríasan ú̱san chicharuk “Wi werin Netaníasa uchirí̱ Ismaernaka maan ikiutaj tsaṉkatrukta. Túrasha núnaka yaaksha nekashtatui. ¿Urukamtaik mantamatⁱ? túrutmawarmatai̱ṉka ámin Jutanmaya̱ shuar irunturmararainia nuka pisakártatui. Túrunawar Jutanmaya̱ juákartatna nuka tsakiṉmakar ashí amuukartui” tímiayi.

Jrm. 42:20

Warí, atumek anaṉmamprume. Kame átumka atumí Yusri̱n Uunt Yusai̱ akuptúkmarme tura chichaakrum ‘Ii Yusri̱ Uunt Yus seatkrattia. Tura Uunt Yus ii Yusri̱ ashí turamtiatna nuka iin nekamtikiartuatame. Túrawakmin iikia umikiar nuka túrattaji’ tímiarme.

Ukan. 1:1

¡Maaj, péprunam aents timia untsurí matsamin armia núchak timia niṉki ajasá! ¡Uunt nuṉka mátsatka úuntri̱niauya núchak wáje̱a núnikia! ¡Úunt akupniu nawantri̱nkia kakarmaja̱i̱ iniatai̱ ajasái!

Riw. 26:22

Túran kampunniunmaya̱ yukartin yajasman akuptúran atumí uchirí̱n amutkattajrume nuyá̱ atumí waakari̱ncha emestukan atumniasha ishichik awajsattajrume. Túramka atumí jinti̱sha mashiarartatui.

Ams. 7:2

Nuṉkaya̱n ashí arakan yuá amukármatai wi chichaakun “Uunt Jiuwáa waitneasam tsaṉkurarta. Warí, Jakupa shuari̱n ¿timiá ishichkincha yaki ikiakárat?” tímiajai.

Mat. 24:22

Nu wáitsatin ti esarmaitkiuiṉkia chikichkisha uwemprachainti. Tura Yus nu wáitsatniun wárik amumtikiattawai. Shuar Niniu ajasarat tusa achikma ainia nu uwemprarat tusa wárik amumtikiattawai” tímiayi.

Tur. 8:24

Tutai Semuṉ chichaak “Uunt Yus áujtursatarum. Túrutrumna nuna túrunawa̱i̱j tusan tajai” tímiayi.

Muis. 28:62

Tura atumsha Israer shuartiram nayaimpinmaya̱ yaaja̱i̱ métek nekapmarchamnia ajasuitiatrum atumí Uunt Yusri̱ umirkachu asarum peṉké ishichik juáktatrume.

Muis. 28:63

Núnisaṉ atumín shiir tura untsurí awajtamuk Uunt Yus ti shiir warasmia núnisaṉ yamaikia atumín yajauch awajtámas amutmaktaj tusa warastatui. Tuma asarum nuṉka nérentin ajastaj tusarum waya̱ttarmena nuya̱ṉka ji̱i̱rma átatrume.

Muis. 4:27

Nuyá̱ Uunt Yus tsakiṉmamtikramkakrumin ashí nuṉkanam wétatrume. Túrunarum ishichik juákrum Uunt Yus tui̱ apujtamsattarum nui̱ pujustatrume.

San. 5:16

Nu asamtai atumí tunaarí̱ paant etsertunaiktarum. Túrarum Yus áujtunaistarum atumí tunaarí̱ tsaṉkurnarat tusarum. Péṉker shuar Yusan nekas enentáiji̱a̱i̱ áujeamuri̱ṉkia ti kakarmaiti.

1 Sam. 12:19

Nuyá̱ ashí Israer shuar Samuiran chicharainiak “Ame takartámin kajinkiara̱i̱ṉ tusam Uunt Yus ame Yúsrum seatiarta. Warí ii tunaarí̱sha ti untsurí áiniamunmaṉ úunt akupin seamkur ti yajauchia nu ataksha patatmámkarji.”

1 Sam. 12:23

Tura wikia atumí seattsukka Uunt Yusai̱sha tunaan túrashtajai antsu aya péṉkera nunak tura naka wekasatniun jintintiátjarme.

1 Sam. 7:8

Nuya̱sha Israer shuar Samuiran chicharainiak “Yawe̱tsuk ii Yusri̱ Uunt Yus iin seatkartitia. Jiristíu aentsu kakarmari̱ya̱ iin aṉkant awajkartustaj tusam túrata” tiármiayi.