Jrm. 41:1 - Yus Papí: Shuarja̱i̱ Yus Yamaram Chicham Najanamu

¹ Kame nántuka siátitin Irisáma uchirí̱ Netaníasa uchirí̱ Ismaer úunt akupniu shuari̱ tura úunt akupniu suntari̱ uuntri̱ tias áishmaṉkan jukí̱ Ajikma uchirí̱ Jetaríasan Míspanam werimiayi. Tura Míspanam irunar yurumáwarmiayi.

Jrm. 41:1 Iomraidhean Croise

2 Sam. 3:27

Túruna Ápnerka Eprunnum waketkimiayi tura pepru wá̱i̱ti̱a̱i̱ri̱ya̱ nui̱ níniak áujsataj tana nútikias Juap akaṉkí̱ puya̱ja̱i̱ tantannum ijiú mámiayi. Ni yachi̱ Asaer mantuamu asa Juapka yapajmiák nincha mámiayi.

2 Akup. 11:1

Tura Ukuséasa nukurí̱ Ataría ni uchirí̱ Ukuséas mámun wainkiamiayi. Tura Ataría ashí uchi úunt akupin ajasmin armia nuna amukármiayi.

2 Akup. 25:22

Tura aents Jutanam juákarun akupkarat tusa úunt akupin Napukutunusúrka Jetaríasan uuntri̱ anaikiamiayi. Tura úunt akupin Jetaríasan uuntri̱ anaikiamu nekaawarat Jutanmaya̱ suntara uuntri̱ tura suntarsha Jetaríasan iistai tusar Míspanam káunkarmiayi. Nui̱ táaruka Ismaer, Jujanán, Serayás tura Jasanías núnisaṉ aents niji̱a̱i̱ írutra armia nu káunkarmiayi. Tura Jetarías chichaak “Papirúnianmaya̱ náakam ainia nuka ashamkairap. Antsu ju̱i̱ juákrum Papirúnianmaya̱ úunt akupin takarsatarum túrakrumka péṉker pujustatrume” tiármiayi.

2 Akup. 25:25

Túrasha siati nantu jeamtai úunt akupin armia nu shuar Ismaer tias suntarja̱i̱ werí Jetaríasnaka máwarmiayi. Núnisaraṉ Jutanmaya̱ ántsaṉ Papirúnianmaya̱ aents niji̱a̱i̱ Míspanam pujuarmia nunasha kajeṉkármiayi. Túrawar Papirúnianmaya̱ aentsun ashamainiak Ejiptunam ashí pisakármiayi.

YKan. 109:5

Péṉkerja̱i̱ yapajtiutsuk antsu yajauchiji̱a̱i̱ yapajtiúkarai. Túrutawar anentsuk muí̱jruiniawai.

YKan. 41:9

Winia tí peṉker amikiur péṉker enentáimtiniuj nu tura wiji̱a̱i̱ yurumniu nuke íksaṉ nemasur ajasmai.

Neka. 13:10

Shuar naṉkamantu enentáimtumana nuka aya mánaiktinniak enentáimniuiti. Antsu chichaream ántinia nuka tí neka áiniawai.

Neka. 27:4

Suir kaje̱ntkamuka emesmawiti tura akasmaktiniasha ¿yaki katsuntraint?

Jrm. 36:12

Nuyá̱ Mikiayáska úunt akupniu je̱e̱n papí ain tesarmari̱n akaikímiayi. Tura nekaata ashí pepru páantniuri̱ tu̱a̱tai̱ pujuarmiayi. Nui̱ṉkia papí ain Irisáma nuyá̱ Semayása uchirí̱ Teraya núnisar Ákpura uchirí̱ Irnatáncha tura Sapana uchirí̱ Jemaríassha tura Ananíasa uchirí̱ Setekías nuyá̱ chíkich páantin armia nusha pujuarmiayi.

Jrm. 36:20

Papí ain Irisáma pujutái̱ri̱n nú papin ikiukí̱ úunt akupin pujutai̱ á̱a̱ri̱n wéarmiayi. Tura antukarmia nuna úunt akupniun ashí paant ujakármiayi.

Jrm. 39:14

Akupénak jintiá iin matsamtai̱ á̱a̱ri̱n Jirimías itiatárum tusa akupkarmiayi. Túrawar itiarmatai Sapana uchirí̱ Ajikiama uchirí̱n Jetaríasan ni je̱e̱ní̱ jukit tusar súsarmiayi. Túruna péprunam pujusmiayi.

Jrm. 40:13

Tura Karea uchirí̱ Jujanán tura ashí suntara uuntri̱ nuṉká matsamin armia nu Jetaríasai̱ Míspanam wéarmiayi.

Jrm. 40:5

Tútaisha Jirimíaska wakettsuk pujakui nuya̱ṉka chicharuk “Papirúnianmaya̱ úunt akupin Jutanam pepru írunna nui̱ akupkat tusa Sapana uchirí̱ Ajikman uchirí̱n Jetaríasan anaik ikiukniua nui̱ waketkitia. Tura péprunam pujusta núja̱i̱nchuka ame tui̱ wétin wakeram nui̱ pujusta” tímiayi. Tura úunt akupniu wainniu kapitiántri̱ yurumkancha tura ántar súsatniuncha sura péṉker wetá tinia akupkámiayi.

Jrm. 40:6

Nuyá̱ Jirimíaska Ajikma uchirí̱ Jetaríasai̱ Míspanam wémiayi tura péprunam aents juákaru matsamia nui̱ nisha pujusmiayi.

Jrm. 40:7

Tura ashí suntara uuntri̱ péprunam ayamach pujuarmia nusha núnisaṉ suntarí̱sha Papirúnianmaya̱ úunt akupniuka áishmaṉnasha nuwa̱ncha tura uchincha núnisaṉ peṉké kuítrincha Papirúnianam yaruakcharma juákaru matsatainiam wáinkiarat tusa Ajikma uchirí̱ Jetaríasan nuṉka uuntri̱ awajás ikiukniuiti táman antukarmiayi.

Jrm. 40:8

Kame Míspanam Jetaríasai̱ wéarmia nuka ju̱ ármiayi, Netaníasa uchirí̱ Ismaer tura Karea uchirí̱ Jujanán Junatánja̱i̱ nuyá̱ Tanjumítia uchirí̱ Serayás núnisaṉ Netujanmaya̱ Epái uchirí̱ armia nusha ántsaṉ Máakanmaya̱ aentsu uchirí̱ Jasanías. Ju̱ shuar ni suntari̱ji̱a̱i̱ Jetaríasai̱ ashinkiarmiayi.

Juaṉ 13:18

Tura tájana nuna ashí tátsujrume. Anaikiaitiaj núnaka Wi nékajai. Tura Yus Chicham uminkiatniuiti, nékajai. Ju̱ áarmaiti ‘Wiji̱a̱i̱ yurumna nu winia nemasur ajasái.’ YKan. 41:9