Jrm. 40:3 - Yus Papí: Shuarja̱i̱ Yus Yamaram Chicham Najanamu

³ Tuma asa Uunt Yusak jú̱tikiayi. Tura ni chichame̱nka ashí umikiai. Warí átumka tunáa túrakrum ni chichame̱nka peṉké anturkachuitrume. Tuma asarum átumka jú̱nikiurme.

Jrm. 40:3 Iomraidhean Croise

Jrm. 11:17

Israer shuarsha tura Jutá shuarsha Páaran kuṉkuinian áestuiniak yajauchin túrawar Ashí Akupin Uunt Yus atumín aratmawarma nu akajtukarmatai yajauchin akuptúkarmaiti.

Jrm. 22:8

Untsurí aents ju̱ peprunam naṉkamainiana nu ni tsaniakmari̱n chicharainiak “¿Urukamtai ju̱nasha Uunt Yus uunt pépruncha jútikiait?” tiártatui.

Jrm. 39:16

“Wetá túram Itiupíanmaya̱ Ewitmirík chichasta ‘tura Ashí Akupin Uunt Yus Israera Yusri̱ jú̱nis túramui titiá. “Nekaata Winia chichamprun umíajai ju̱ pepru yajauchiji̱a̱i̱ tura nu tsawantini̱ṉ ame pujamunam uminkiattawai.

Jrm. 44:23

Kuṉkuin chíkich áestakrum Uunt Yus akajkarum yajauch túraitrume. Túrakrum Uunt Yusa chichame̱sha umirkachuitrume. Núnisrumek Ni akupkámuri̱ umiktin chichamja̱i̱sha wekasachuitrume. Ántsarmek Ni chichame̱sha nuyá̱ etserkamuri̱sha umirkachuitrume. Tuma asa átum umikchamunam yamái jú̱ tsawant itiurchat wáintrumna ju̱ka tarutrámniuitrume” tímiayi Jirimías.

Jrm. 50:7

Tuma asamtai ni wáiniarmia núnaka mash maa amuarmiayi. Tura ni nemasri̱sha chichainiak ‘Warí ni we̱a̱trí̱ Uunt Yus péṉker wainma nuna iniaisar tunáa túrawaru ásarmatai máiniakri̱sha sumamashtatji.’

Ukan. 2:17

Jiuwá ieiaramun takaku núnaka túrayi. Yaunchu timia núnaka yamaikia ni chichame̱nka umikiai. Tura tsaṉkurtsuk ashí emeskayi tura nemasmi̱ncha amiin enentáimtikrar waramtiksarai. Tura ame nemasmeka naṉkamantu enentáimtikrarai.

Rum. 2:5

Tura tunaarum enentáimtutsuk tuke túrakmeka sumamtikiatin tsawantai̱ ti tunáa irutmampramuja̱i̱ ti asutniáttame.

Rum. 3:19

Yaunchu akupkámun umirkatin ainia nú shuar aya tákamtak umirkatin áiniawai. Tuma asamtai ashí shuar umirkachu ásarmatai Yus nuja̱i̱ súmamtikiawartatui. Túrakui nisha pachischamin áiniawai.

Muis. 29:25

Tuíniakui aimiainiak ‘Ju̱ka Yus Ejiptu nuṉkanmaya̱ jí̱i̱kiar juíniak Uunt Yusja̱i̱ chichaman ni we̱a̱trí̱ji̱a̱i̱ najanawarmia nuna umitsuk iniaisar