Jrm. 4:8 - Yus Papí: Shuarja̱i̱ Yus Yamaram Chicham Najanamu

⁸ Tuma asamtai yuṉkunim ukatmamkarum kúntuts jakamnia enentáimkiuram tsej ausha urukatjik ajatarum. Warí Uunt Yus suir kaje̱ntkamuri̱ṉkia ikiurmatsji.

Jrm. 4:8 Iomraidhean Croise

YKan. 78:49

Nuna tura tí kuntuts enentáimtikrarmiayi. Tura kajek suir nekapeak nayaimpinmaya̱ suntaran nu aentsun amukarat tusa akuptúkarmiayi.

Isa. 22:12

Tuma asamtai nu tsawantinkia Ashí Akupin Uunt Yusa nu ajakmárua nuní̱ enentáimprar úttinian tura piniu awamártinian nuyá̱ kúntuts pujakur entsatái̱ pushí entsartinian untsumkattawai

Jrm. 25:34

Murik wáiniutiram úttiarum túrarum untsumkatarum. Waurka núnisrum nuṉká ju̱yu̱ri̱n iniantárum murikiu peṉkeri̱ mantamnatin tsawant jeartámmiatai piniṉ shíirmach nuṉká iniar tsai̱ tsai̱niá ajá núniktatrume.

Jrm. 30:24

Uunt Yus ni enentái̱n túratniun tuke umitsuk ni tí kaje̱ntkamuri̱ atsaṉnarchattawai. Tura nuka tsawant amúamunam nekaattarme.

Jrm. 6:26

Winia pépruru nawantri̱yá suí̱r pushí entsaram yuṉkunminiam tepekam túniṉkia túniṉkia ajata. Uchirí̱ peṉké chikichik asamtai kúntuts enentáimin ainia núnisam kúntuts enentáimprata. Warí emeskartinkia áya aneachma iinkia kautramkattaji.

Ukan. 1:12

Átum nu jintianmaani̱ ashí yujarmena nútirmeka ¿itiurchatka peṉké enentáimtsurmek? Émamkesrum íisrum Jiuwá suíran kae̱ kaje̱nturak winia asuttiakui najaimiakmaj tímiatrusar najaimiaktin áwak nu péṉker nekaatarum.

Juir 1:13

Tuma asamtai Yúsnan pujurniutirmesha suí̱r pushí entsarum kúntuts jakamnia enentáimpratarum. Yus áestutai̱niam takaatirmesha úttiarum. Winia Yusur pujurniutirmesha suí̱r pushí entsarum kanartarum. Warí árak Yus áestutai̱sha tura umutai̱sha ii Yusri̱ Je̱e̱nkia itiachmaiti.

Wek. 25:4

Nuyá̱ Uunt Yus Muisaisan chicharuk “Israer shuar ashí uuntri̱ ainia nu irurarta. Túram Wisha ímiai̱ṉ etsa̱ etsanmanum sué̱nam jiṉkiam kajemtikram máwarta. Nu túrawakmin Israer shuaran Uunt Yus suir ka̱e̱ kaje̱ntukmanka tsaṉkurartatjai” tímiayi Uunt Yus.