Jrm. 4:7 - Yus Papí: Shuarja̱i̱ Yus Yamaram Chicham Najanamu

⁷ Úunt ya̱wa̱ka tepetairi̱ya̱ jiinkiyi. Kame uunt nuṉka mátsatkainian emesmia nuka jiinkí̱ wéawai. Ame nuṉkemín emesak aya jú̱nik awajsartaj tusa pujutái̱ri̱ya̱ṉka jiinkiyi. Ame pépruram ainia nuka emesnak áentsri̱ncha awajnásartatui.

Jrm. 4:7 Iomraidhean Croise

2 Akup. 24:1

Tura Juasim úunt akupin pujumia nui̱, Papirúnia úunt akupniuri̱ Napukutunusúr kakarmaja̱i̱ nu nuṉkan eṉkemtuamiayi. Tura Juasimnaka menaintiú uwí nin umirin awajsámiayi. Túramaitiat Juasim ataksha enentáimiar íksaṉ akupniun kajerkámiayi.

2 Akup. 25:1

Kame Setekíaska nuiwi uwí akupin ajas pujái̱ tias nantutin tsawantka tiástin úunt akupin Napukutunusúr ashí ni suntari̱ji̱a̱i̱ mániatai tusa Jerusaréṉkan káutkarmiayi. Tura nui̱ matsamtúkar kumpinian najatkar téntakarmiayi.

Isa. 1:7

Atumí nuṉke̱sha emeskamuiti núnisaṉ atumí pépruri̱sha ekemármaiti. Tura átum íimprumni̱ṉ atumí arakri̱ncha yajaya̱ kaunak amuk aya jú̱nik ikiuana núnis túramuitrume.

Isa. 5:9

Uunt Yus nekas túrattajai tusa winia chichartak “Uunt je̱a̱sha péṉker iwiarkamu áiniayataṉ pujuschamu ártatui. Tura uunt aja ajamprumsha nuyá̱ núkap arakmarmesha peṉké ishichik juurmattarme.

Isa. 6:11

Nuna takui̱ wi chicharkun “Uuntá, urutáik etsertancha iniaisataj” tímiajai. Tutai chichartak “Péprusha amukar áentsri̱ncha ajasártatna tura je̱a̱sha itiarak ajasár nuṉkasha núṉkak juákartatna

Jrm. 2:15

Úunt ya̱wa̱ uchirí̱ṉkia Israeran weruiniak júrur ajainiawai. Úunt ya̱wa̱ shiniakui antukar Israer nuṉkaka aya jú̱nik ajasárai. Tura pépruri̱sha ekemátramu ásar shuari̱sha atsá aya jú̱nik juákarai.

Jrm. 22:7

Aṉkant aṉkant ni mánitiairi̱ji̱a̱i̱ ame emestamkatniun Wi iwiaramtai tí péṉker sétrurmin tsupirar jinium apeáwartatui.

Jrm. 25:38

Wáitkiarmia nuna ti kajerkar nu nuṉkan emesrar tura suir enentáimiar nu nuṉkan emesarmatai Uunt Yus úunt ya̱wa̱ tepetairi̱ya̱ jiinkí̱ wéak ikiuana núnis ni nuṉke̱ṉka aya jú̱nik ikiukniuiti” tawai Uunt Yus.

Jrm. 25:9

yamaikia ashí shuar arakaani̱ matsatainian tura winia takartinian Papirúnianmaya̱ úunt akupniun Napukutunusúran ashí shuar ju̱ nuṉkanam matsatainia nuna ántsanak nui̱ ayaam pujuinia nunasha káutkar mesetan najatawarti tusan útsukartatjai. Nuyá̱ emeska amukan áujmattsar wishiktai̱ tura peṉké atsá awajsattajai.

Jrm. 26:9

Nuya̱ṉka chicharainiak “¿Urukamtai Uunt Yusa náari̱i̱n étsereakmesha ju̱ je̱a̱nka Uunt Yusa je̱e̱nka Sírun itiurkamaj nútikiattajai tura ju̱ pépruncha amú amuusan shuari̱ncha awajsattajai tawai Uunt Yus tame?” tiármiayi. Nuna tiar ashí shuar nui̱ pujuarmia nuka Jirimíasan kajeráiniak Uunt Yusa je̱e̱ni̱ṉ irunturarmiayi.

Jrm. 27:8

Túrasha yamaikia uunt nuṉka mátsatkamu ainia nuka núnisaṉ chíkich akupeamu ainia nusha Papirúnianmaya̱ úunt akupin Napukutunusúran takareachunka tura kuntujé̱n numin awantkátjam tutai surimianka asutiáwartatjai. Kame nú uunt nuṉka mátsatkamun Wikia mesetja̱i̱sha tsukaja̱i̱sha núnisaṉ suṉkurja̱i̱sha ashí jaka amuumam asutiáwartatjai’ tawai Uunt Yus.

Jrm. 33:10

Uunt Yus jú̱nis chichaak ‘Ju̱ nuṉka ju̱ka átum chichaakrum “kampuntin atsú aentsush tura yajasmash atsawai” tura Jutá pépruri̱nkia tura Jerusaréṉka jínti̱nkia mashiaruiti. Nuiṉkia aentsush tura yajasmash matsamsachmin ajasuíti tárume.

Jrm. 34:22

Pai, yamaikia mesetan iniaisarma nu suntarnaka ju̱ péprunam wi atak taartí tusan akupkáttajai. Tura mánaikiar utsantua jiji̱a̱i̱ ekemákartatui. Tura Jutá nuṉkanmaya̱ pepru írunna nuna emeskan pujuschamnia awajsartatjai.’ Wi Uunt Yus asan tajai” tímiayi.

Jrm. 4:29

Ashí péprunam aents matsatáiniaka suntar kawainium eketrainia tura tíshimkiuja̱i̱ ekenkatniun unuimiátkaru wininiak téter ajainiakui ashí pisakáruiti. Tura kampuntin tee ainia nui̱ núnisaṉ kátsuram kaya wájakmanum u̱mainiawai. Tuma ásar pépruka utsaṉkar ashí ikiukiarma aentska peṉké atsá ítiarkak wainkiarai.

Jrm. 44:2

“Ashí Akupin Uunt Yus Israera Yusri̱ chichaak ‘Jerusaréṉnum tura Jutanam pepru írunna nui̱ ashí yajauchin itiariarmajna nuka atumsha wáinkiaitrume. Nekaata, yamaiya̱ ju̱i̱sha tuke emeskamu ásarmatai nu nuṉkanmaṉka aentsush matsatainiatsui.

Jrm. 5:6

Nuna tura ásarmatai úunt ya̱wa̱ kampunniunmaya̱ jíintiurar esaiyartatui. Tura kampuntin atsunum matsamin rúpuka emeskartatui. Antsu ni pépruri̱ ainia nui̱ṉkia yampiṉkia nákarartatui. Kame Yus timian umiktinian nakitiáiniak peṉké ántichu ajasármatai péprunmaya̱ jiiniainiaka achia̱rma ártatui.

Jrm. 50:17

Kame Israer shuarka úunt ya̱wa̱ apapéam murik pisakárua núnis armai. Tura émkaka Asiria nuṉka akupniúri̱ yúawarmai. Nuyá̱ amúamunmaṉka Papirúnia aentsu akupniúri̱ Napukutunusúr ukunchí̱nkia napú napurtúsmai.

Jrm. 8:16

Tánnumia̱ juárkin kawairi̱ chichainiamu antuwainiawai. Ni kawairi̱ chichainiamun ántuiniak ashí núṉkaka kurá núniawai. Káutkar ashí nuṉkanka wakerú ajamai irunainia núurtiuk tura péprunka shuári̱ntiuk amú amú awajénawai.

Jrm. 9:11

Jerusaréṉnaka ashí emeskan tsái̱kian tepetar awajkattajai. Túran ku̱jancham matsamtai̱ awajsattajai. Tura Jutanan pepru irunainia nunasha ashí emeskaran aentsri̱sha atsá awajsartatjai.

Tan. 5:19

Tura naṉkamantu awajsamu asamtai ashí aents tura mátsatkamu uunt nuṉka ainia nuya̱sha núnisaṉ chíkich chíkich chichamtin ainia nusha ashamainiak kurainiarmiayi. Kame wakerakka máimiayi tura wakerakka iwiaaku atí tusa tsaṉkatmiayi. Núnisaṉ wakerakka naṉkamantu awajeak chikichnaka péejchach awajmiayi.

Tan. 7:4

Kame emka yajasmaka úunt ya̱wa̱ ániuitiat churuwia nanape̱n nanapruruyi. Tura nuna ii wajái̱ nanape̱nka akaarar nuṉkaya̱ṉka takuiniar aentsua núnis jimiará náwe̱ntin ajasmai. Túrunamtai aentsua núnis enentáimin awajnásmai.

Riw. 26:31

Atumí pépruri̱ṉkia itiarak awajtústatjai tura atumí Yus Shiir Awajtai̱ Je̱e̱ncha emeskaran aya jú̱nik awajsartatjai. Túran tí peṉker kuṉkuin áesturkurmincha nekaprashtatjai.

Riw. 26:33

Atumniaka ashí nuṉkanam tsakiṉmaktatjarme. Túram Winia puya̱run atumín ukuitkiattajrume. Nuya̱ṉka atumí nuṉke̱nka aya jú̱nik ajasármatai atumí pépruri̱ṉkia ashí itiarak ajasártatui.