Jrm. 4:3 - Yus Papí: Shuarja̱i̱ Yus Yamaram Chicham Najanamu

³ Warí Uunt Yus Jutanmaya̱ tura Jerusaréṉnumia̱ áishmaṉnasha chicharainiak “Nuṉka pukukrumsha jaṉkinmaṉka arakmakairap.

Jrm. 4:3 Iomraidhean Croise

Naṉ. 3:18

Ame takakmasmanum narasha nupa̱sha jaṉkisha tsapartámtiatui. Tura wáitsam kampunniunam írunna nusha yútatme.

Jiin. 23:11

Tura siati uwí jeatana nui̱ṉkia arakmatsuk iniaisatarum. Antsu akintkianka atumíin atsumainia pujuinia nu núnisaṉ kampunniunmaya̱ yajasma yuáwarti tusarum aṉkant iniaisatarum. Uriwiu tura uwa araksha núnisrumek túratarum.

Mat. 13:22

Árak jaṉki írunmanum iniaarma nuka shuar Yus Chichaman antuk emka umirna núiti. Tura ju̱ nuṉkanam írunna nuna tuke páchiniak ni kuítri̱ncha ti enentáimtuinia ásarmatai ashí Yus Chichaman enentáimtamun núpeteawai. Tuma asamtai nu shuarnum Yus Chicham atsaampramu nereatsui.

Mat. 13:7

Chikitcha jaṉkí nupa̱nam iniaarmai. Tura jaṉki wárik tsakar nupetak ajakramai.

Mar. 4:7

Chikicha jaṉkí nupa̱nam iniararmai. Jaṉkisha tsapainiar kaṉkar ajakrarmai túram nerekcharmai.

Ruk. 8:14

Jaṉkiniam iniaaru tana nuka tuke enentáiji̱a̱i̱ umíatsna nuna nakumui. Nu shuarsha ántuiniawai túrasha ni wakeramuri̱ji̱a̱i̱ wekainiawai. Ju̱ nuṉkanmaṉ ana nuna tí pachiniakui tura kuítian ti wakeruiniakui, warastinniak enentáimtuiniakui Yus Chicham ni enentái̱n takaatsui. Nuja̱i̱ kaṉkarma ásar nerektinian tujintiainiawai.

Ruk. 8:7

Chíkich jiṉkiái jaṉkiniam iniaararmiayi. Tura jaṉkisha jiṉkiaisha mái̱ metek tsapainiar jaṉki kaṉkar ajakramiayi.