Jrm. 4:22 - Yus Papí: Shuarja̱i̱ Yus Yamaram Chicham Najanamu

²² Warí Wi shuarka Wíniaka nekarainiachu ásar enentáincha áiniawai. Uchi peṉké ántichua núnisar antutai̱ri̱sha atsuiniawai. Yajauch túratniunka tí nekainiayat péṉker túratniun peṉké nékainiatsui.

Jrm. 4:22 Iomraidhean Croise

Naṉ. 39:16

Tura aishri̱ támatai iniaktusmi̱j tusa Jusé awaṉkémpri̱n ikiusmiayi.

2 Sam. 13:3

Tura Tawitia yachi̱ Semái uchirí̱ Junatápka Amnuna amikrí̱ṉkia tí enentáimin áishmaṉkauyayi.

YKan. 36:3

Tura yajauch chichamtin nuyá̱ wáitrin áiniawai. Ántsaṉ esetar enentáimkiachu ajasáru áiniawai. Tuma ásar péṉker túrutairi̱sha peṉké atsuiniawai.

YKan. 36:4

Kame peakri̱n tepesar aya yajauchiniak enentáimtú tepen áiniawai. Yajauchiniak unuimiátka ásar ni yajauch enentáimtairi̱nkia kajinmátkitniun peṉké tujintiainiawai.

YKan. 53:4

Tunáa takarin ainia nu umitmaktinian wakeruiniak, shuar apatku yua nútiksaran Yusnaka páchitsuk wi shuaran amuinia nuna yajauch túramuri̱n ¿nékainiatsuká? Nékainiajanta.

YKan. 82:5

Kiritniunam wekaakrum nekamachuitrume tura ántichuitrume. ¡Tuma asamtai nuṉka tépakmartiuk peakmaiti!

Neka. 28:5

Yajauch shuar ainia nuka péṉker túratniun nékainiatsui antsu shuar Yus wakeramun túruinia nuka mash nekamnia áiniawai.

Isa. 1:3

Tí waakaksha nérenniuri̱nkia nékaiti. Núnisaṉ umpurusha nérentin tui̱ ayurniuit nunasha nékawai. Tura Israer shuarka wi shuar áiniayat ántichu ásar peṉké nékachu áiniawai” tawai.

Jrm. 10:8

Chichaktinniasha nékainiatsui tura enentáimtairi̱sha atsuiniawai. Kame numi tsupikiar najanamusha ¿wariniak jintinkiartuamniait?

Jrm. 13:23

Mukusa aentssha ¿puju ajasminkiait? Tura yampiṉkiasha ni áamaṉke̱n ¿yapaji̱ámniakait? Atumsha núnisrum aya yájauchik túratin unuimiátkatirmesha ¿itiurak péṉkersha túratarum?

Jrm. 2:8

Yúsnan pujurniusha Uunt Yussha ¿tui̱ pujá? turutcharmai. Tura akupkámu umiktin chichaman nékainiasha nekaracharmai. Murikiu wáinin arma nusha Wíniaka nakitruiniak kajertukarmai. Núnisaṉ Yúsnan etserin arma nusha Paara náari̱ji̱a̱i̱ etserkarmai. Túmainiak antra nuna e̱a̱karmai.

Jrm. 4:21

Meset júamunam tarach nenaamu íistinniasha ¿urutáiṉ iniaisataj? Tura meset náṉkamkur kachu umpuamu antuktinniasha ¿urutáitsuk iniaisatniuitiaj?

Jrm. 5:21

Kame jí̱ntiniaitiatrumek wáintsurme tura kuishmisha ai̱ṉ ántatsrume.

Jrm. 5:4

Nuya̱ṉka chichaakun “Nekas ju̱ aentska peṉké nékachu áiniawai. Tura ni Yusri̱ akupkámuri̱n Uunt Yusa jinti̱n nékainiachu ásar peṉké enentáimcha ajasárai” tajai.

Jrm. 9:2

Wi shuara ikiukin wétaj tákuisha kampuntin atsunumsha wekainia ayampratniuncha ¿yaki surusat? Warí ashí tsanirma ásar niṉkia anaṉkartua yajauch awajkartin iruntraruiti.

Jrm. 9:3

Uunt Yus chichaak “Ni iniai̱ṉkia tíshimkiuja̱i̱ ekentkatniua tímiatrus iwiararuiti. Chichakmán tímiatrusaṉ umiktinniachu antsu anaṉkartuatai tusar ju̱ nuṉkanmasha kakaram ajasáruiti. Winia nekarainiachu ásar yajauchin túruiniak aya yájauchiniak e̱a̱iniawai.

Jrm. 9:5

Aṉkant aṉkant ni írutramuri̱nkia anaṉkainiawai tura nekasa núnaka chichainiatsui. Núnisaṉ ni iniai̱ncha aya wait chichastinian jintintiáwaruiti. Yawe̱tmam aya mui̱jmiai̱ áiniana nunak pujursaruiti.

Use. 4:6

Wi shuarka nekatai̱n nékachu ásar emesramuiti. Warí átumka nekatai̱ nakitramarme. Tuma asakrumin Yusna takarniuitrumna nuya̱ntka jí̱i̱ktiatjarme. Warí atumí Yusri̱ akupkámu chichamsha kajinmátki̱n asakrumin Wisha núnisnak atumí uchirí̱ncha kajinmátkiartatjai.

Ams. 3:10

Péṉkernaka túrichu áiniawai. Awakmakar ata̱rma ainia núnaka ni je̱e̱n irumainiawai” tíniuiti Jiuwá.

Mik. 2:1

¡Peakrí̱n tepesar aya yájauchiniak enentáimiainia nusha aneararti! Warí kakarman takaku ásar peṉké tsawa̱rmanumaṉ yajauchinkia túruiniawai. Túrasha nekaata, Uunt Yus chichaak “Jú̱ aentsun yajauchin itiariártajai. Túramka asa̱a̱s íimsatniunkesha tujintkiartatui warí tsawantcha peṉké yajauch átatui. Kame Winia chichampruka péṉker wekaana núnaka péṉkerka awajtsuk. Túrasha átumka Wi shuarka atumí nemasri̱ya̱ nútiksarum kajerarme. Nu yajauch túramunam emesnakrum amukáttarme.

Mik. 7:3

Aya yajauch túratniunak unuimiátra áiniawai. Tura akupniúsha útsuiniawai tura sumamtikniusha akikiam sumamtikiainiawai. Nuyá̱ kakaram ainia nusha ni wakeramunak chichainiak awake enentáimtikiainiawai.

Ruk. 16:8

Nuyá̱ takata wainniu uuntri̱ nuna nekáa ‘Ni yajauch túriniaitiat imiá enentáimniuiti’ timiai.” Nuyá̱ Jesus chichaak “Yus shuarja̱i̱ naṉkaamas Yus shuarcha ai̱ji̱a̱i̱ ni túratniuri̱niak takainiak imiá enentáimkia áiniawai.

Juaṉ 16:3

Nu shuar Winiasha tura winia Aparnasha nékachu ásar túrutmawartatui.

Rum. 1:22

Tura tí nekajai tuíniayat enentáimcha núnin ajasárai.

Rum. 1:28

Tura tuke Yusan nakitiáinia asamtai ti yajauch enentáimiainiak peṉké túrachminia nuna túrawarti tusa Yus tsaṉkatkarmiayi.

Rum. 16:19

Átum umirman ashí shuar nékainiakui ti waraaji. Yajauch túrutsuk aya péṉker túratin enentáimsarum pujustarum.

Rum. 3:11

Yúsnan nekaatniun nakitiáiniawai. Yusnasha e̱a̱iniatsui.

1 Kur. 14:20

Yatsuru, uchia áintsarum enentáimprairap. Kuirchia áintsarum yajauch túrashtin enentáimpratarum tura chíkich írunna nuja̱i̱ uunt enentáimpratniua áintsarum enentáimpratarum.

Muis. 32:28

Warí nu aentska chicharmasha peṉké ántichu núnisaṉ peṉké enentáimcha áiniawai.

Muis. 32:6

¿Átumka waurka ántichu aentsua ánin ajasrumek Uunt Yus shiir enentáimtikniuram? ¿Kame atumí aparí̱ṉkia Yúschakait? ¿Najatma kakarmarmincha núnisaṉ pujustinniasha ashí iwiarak amasua nuka tura yámankamtaik atumín najatmaka Níchukait?