Jrm. 4:19 - Yus Papí: Shuarja̱i̱ Yus Yamaram Chicham Najanamu

¹⁹ ¡Maa, tí itiurchatan wainkian peṉké pujuchmin nekapeajai! Warí winia enentái̱r eṉketmasha najamprutawai. Winia enentái̱rsha péṉker eṉkemsachmin ajatrawai. Winia wakantru wikia peṉké itiatkashtatjai. Warí ámeka meset náṉkamui tusa kachu umpuamu antukchamek.

Jrm. 4:19 Iomraidhean Croise

Naṉ. 49:6

Warí shuaran kajerkarka mácharmakia. Tura waakancha ántar kaṉkajnium awatiar kupirkacharmakia. Maaj, tuma ásarmatai wikia ni chicharkartuiniamunka anturkacharaintjiai tura iruntrancha pujuschaintjiai.

2 Akup. 4:19

Nui̱ ni aparí̱n chicharuk “¡Muukarua muukarua!” awajmiayi. Tímiateakui ni aparí̱ takarniúri̱n chicharuk “Nukurí̱n jukitia” tímiayi.

YKan. 103:1

Winia wakantru, Uunt Yusa naari̱ tuke shiir awajsata. Tura tunaarincha asamtai enentái̱rsha wakantrusha nuyá̱ aya̱shrusha ni náari̱n shiir awajsarti.

YKan. 116:7

Winia enentái̱ru tee ajasam asata. Warí, Jiuwaka wíniaka péṉker awajtiniaiti.

YKan. 119:136

Ame akupkámurmin uminiachu asamtai wi utkui nea̱jkir entsa waana ímiatrus jíiniawai.

YKan. 119:53

Yusan enentáimtichu áiniana nu Ame chichamprumin ajapa iniaisarmatai wikia suíran kaje̱ntkajai.

YKan. 146:1

¡Naṉkamantuitme Uunt Yusá! Winia wakantru Uunt Yus shiir awajsata.

YKan. 16:2

Maa, Yusá Áminiuketjai tájame. Ámiji̱a̱i̱ṉchuka péṉker átinkia peṉké atsawai.

Isa. 15:5

Winia enentái̱rka Muapa enentáimtus untsumeawai. Nuyá̱ pisakárusha útkiar tsakiṉmakarai tura kúntuts enentáimiainiak untsumáiniawai. Núnisaṉ sa̱a̱ksha nuyá̱ ashí kuitri̱ irura ikiusárma áiniasha ashí amuukarai túmainiak ashí Muapa nuṉke̱nka charaatum ajainiawai. Tura Tipiun entsanmaṉka numpa piakai túrasha nuna naṉkaamas awajsattajai. Túran pisakáru ainia núnaka tura nuṉká tuke iwiaaku pujuinia nunasha úunt ya̱wa̱ ikiatkan amukártatjai.

Isa. 16:11

Tuma asan Muápan enentáimtusan wakeruiṉkia arpa núnisan ten ten ajattajai tura winia enentái̱rka Kir-jaresétain átatui.

Jrm. 20:9

Nin atakka peṉké enentáimtuschattajai tura ni naari̱ pachisnash chichatnash peṉké chichaschattajai. Tura winia enentái̱rui̱ ji kapá̱a̱ ukunchrui̱ wayá̱ núnis nekapeajai. Katsuntrataj tukamán tujintiajai.

Jrm. 23:9

“Yúsnan etserin ainia nuja̱i̱ winia enentái̱rui̱ tí itit nekapeakui ashí winia ukunchrusha kurainiawai. Ni jinti̱ṉkia yajauchiti tura ní kakarmari̱ji̱a̱i̱ṉ naka túrichuiti. Kame núṉkaka aya tsanirmatain ajaschaik. Yumiṉkramu asa aya jú̱nik juakai túruna sa̱a̱k írunna nusha kákaarai. Uunt Yus tura Ni chichame̱ tunaarincha asa nampekua núnikjiai tura winiu áishmaṉka aya̱shí̱n amutar itiurniuit nútikruamtai kúntuts nekaprajai.

Jrm. 4:21

Meset júamunam tarach nenaamu íistinniasha ¿urutáiṉ iniaisataj? Tura meset náṉkamkur kachu umpuamu antuktinniasha ¿urutáitsuk iniaisatniuitiaj?

Jrm. 4:5

Kachu umpuakrum uunt nuṉka mátsatkamunam ántumtikiatarum. Túrakrum kakantrarum étserkuram chichaakrum “Iruntratarum túrawakrumin pepru wenuke̱ iwiartukar utúachmin awajkarma ainia nui̱ utsanawartai” titiarum. Tákuram Jutanam etserkatarum túrakrum Jerusaréṉnumsha ántumtikiatarum.

Jrm. 42:14

“Atsá antsu Ejiptu nuṉkanam wétatji. Warí aiṉkia mesetcha tura kachu umpuamusha atsuttawai yurumkaja̱i̱sha tsukamashtatji tura nui̱ matsamsartai tusarum wéakrumni̱ṉkia”

Jrm. 50:22

Mesetnum mániamu téter ajá nuṉká ántuwawai túruna emesnakai.

Jrm. 6:24

Ni urukua ainia nuuri̱ nekarar iikia kakarmachu ajasármaji. Iinkia sápij enentái ekemturmawakrin nuwa̱ takustaj tusa jateemá najaimiana núniarmaji.

Jrm. 8:18

Tí najaimia asan enentái̱rsha jakamnia nekapeawai túrasha tsuákri̱ṉkia peṉké atsawai.

Jrm. 8:21

Wi shuara nawantri̱ itiurchatri̱ji̱a̱i̱ jakamnia enentáimpran pujajai. Ajakmárua núnisaṉ enentáimjiai. Warí sapijmiakan tí kuntuts enentáimpramu takamtsuk amutáyi.

Jrm. 9:1

Wi shuara nawantri̱ kaji̱ṉkiáru enentáimtusar káshisha tura tsawai̱sha úttinniasha ¿yaki entsa akaana nútikruat winia muukrui̱sha tura winia nea̱jkirnasha yaki púkuni jiinia nútikruat winia ji̱rui̱sha?

Jrm. 9:10

Ashí amukma aya jú̱nik juákaru ásarmatai wétinkia yaaksha atsawai tura waaka úteamuksha ántuwatsui. Tuma asamtai naint áiniana ai̱sha tura kampuntin atsú nuṉkanmasha sa̱a̱k irunainiana nui̱sha jakamnia nekapeakur kúntuts enentáimsar úteamun ántumtikiartatjai. Warí nanamtin yakiya̱ áiniana awiimiak yajasma nuṉkaya̱ áiniana nusha pisakár yajá wéaruiti.

Ukan. 1:16

Nu túruna asamtai utjai tura winia ji̱rui̱ṉkia nea̱jik papar ajawai. Winia enentái̱run ayamtikiar atsaṉtin ikiurkiyi. Túrutamtai nemasur awaktúkaru ásarmatai winia uchirsha emesnakarai.

Ukan. 1:20

Jiuwáa íirsakia, kuntuts enentáimsan waittsa pujakun jakamnia nekapeajai. Nakitiakun ti kajeku asamtai winia enentái̱rka najarnarmin ajawai. Tura ai̱ á̱a̱ni̱ṉkia puyá̱a̱ muí̱jmiar awajkáyi antsu ju̱i̱ initiaani̱ṉkia áya jákatniuk awai.

Ukan. 2:11

Úu útkuan nea̱jkirka kukach ajasmatai kuntuts enentáimkiun jakamnia nekapeajai. Winia péprur ashí emesnaku asamtai ti kúntuts jakamnia nekaajai. Warí, uchisha kuírchich muntsúaku ínianana nusha jáiniak pepru páasarin tepetar ajainiawai.

Tan. 4:19

Nuyá̱ Taniar chíkich naari̱ Pirtisasár ti sapijmiak jaka enentáimiá pujumiayi. Túmakui̱ úunt akupin chicharuk “Pirtisasárá mesekrampramun ujakjamna nuja̱i̱ tí kuntuts enentáimsaip” takui̱ Pirtisasár aya̱k “Uuntru, ju̱ mesekrampramusha áminkia túrutmatsuk antsu nemasrumin túrunaṉka maak ainti.

Tan. 7:15

Kame wi Taniar nu túman ímiaja̱i̱k wainkian winia wakantruja̱i̱sha ti enentáimtusan nuna naṉkaamas ti sapijmiakmajai.

Tan. 7:28

Kame ímiaja̱i̱k wáinmiaj nuka ju̱i̱ amúawai. Túrunamtai wi Taniar páchim ti enentáimpran putsú putsú ajasmajai. Túrasha wainkiamaj núnaka kajinmáttsuk tuke enentáimmiajai” tímiayi.

Tan. 8:27

Wi Taniar kakarmachu wena wárumchik tsawant jaa pujumjai. Tura ayap ajasmaj nuiṉkia úunt akupniu takatrí̱n takarsamjai. Ímiaja̱i̱k wainkiamaj nuna ashamkamjai túran nekatnasha nekaachmajai.

Ams. 3:6

Ántsaṉ péprunam kachun umpuararmatai aents ¿sapijmiakchartatuak? Wats péprunam itiurchat naṉkama nuka Jiuwá ¿túrachmakait?

Awa. 3:16

Nuna antukan takamtsuk purushniarmajai. Núnisnak chichamun antukan chichaktaj tukamán ajamjai. Tura ukunchrusha mamukárua núnikiarmai. Nuyá̱ makursha kurainiarmai. Tuma asamtai ni suntari̱ji̱a̱i̱ káutramkar wáitkiarmastin tsawant jeat tusan warinkisha itiurtsuk aya nunak enentáimtusan útkamaikia nákastatjai.

Rum. 10:1

Yatsuru, Israer shuar uwemprarat tusan ti wakerakun Yusan áujtajai.

1 Kur. 14:8

Suntarsha mesetnum wénakui ni uuntri̱ ni wakeramun ujaktinian kachun umpuawai. Paant umpuakuiṉkia suntarsha ni wakeramun nekaawartatui. Tura paant umpuachkuiṉkia suntarsha ¿itiurak mesetnum wétinian iwiarat?

Kar. 4:19

Uchiru, nuwa̱ uchin takustaj tana núnisnak ataksha wáitiajai Kristu atumíin paant atí tusan.