Jrm. 4:18 - Yus Papí: Shuarja̱i̱ Yus Yamaram Chicham Najanamu

¹⁸ Ame túramurmek tura ame umikchamurmek nuiṉkia ejetamiarai. Ju̱i̱ti ame emesnaktinkia. Tí kuntuts enentáimkiur wáitsamniaiti. Warí enentáimin nekaska antintramkachaik tawai Uunt Yus.

Jrm. 4:18 Iomraidhean Croise

YKan. 107:17

Chikitcha enentáimcha armia nuka umichu ajasár ní yajauchiri̱ni̱ṉ wáitsarmai.

Neka. 1:31

ni túrutairi̱ji̱a̱i̱ṉ yurumá ejemartinia ánis ni yajauch jintinkiartutairtiuk emesnarartatui.

Neka. 5:22

Antsu Yusan enentáimtichuka ni yajauch túrutairi̱n emetamu áiniawai kame ni tunaari̱n chapikji̱a̱i̱ jiṉkiatniua nútikiamu pujuiniawai.

Isa. 50:1

Uunt Yus chichaak “Atumí nukurí̱ nakitra ajapamu papisha ¿tui̱ aa? ¿Tura yana tumash asana surukuitjiarum? Nekaatarum, átumka atumí tunaari̱ni̱ṉ surunkamarme núnisaṉ átum nakitrakrumin atumí nukurí̱sha nakitniar ajapnamai.

Jrm. 2:17

Kame átumka péṉker jintianmaani̱ juamaitiatrum atumí Uunt Yusri̱ ajapa iniaisa ¿asarmechuk túrunaitrum?

Jrm. 2:19

Ame yajauchirmek asuttiámattawai. Yus enentáimtamuka ántraiti támena nuke áminkia surutmaktatui. Wats iisam nekaata. Atumí Uuntri̱ Uunt Yus ashamtsuk iniaisatniusha ¿urutmá yajauchikit tura urutmá yapaakit? tawai Ashí Akupniu Uuntri̱ Uunt Yus.

Jrm. 26:19

Nu arantcha Jutanmaya̱ úunt akupin Esekíassha ashí shuarja̱i̱ irunturar Mikíasan ¿máwarmakia? Antsu íksaṉ úunt akupniusha Uunt Yusan ashamak waitnenkarturta tusa Uunt Yusan ¿seachmakia? Nuna túramtaichuk Uunt Yussha nu aentsun waitnentrar asuttsuk ¿iniaisarmia? Warí, iikia imia iik yajauch awajmamainiaji” tiármiayi.

Jrm. 5:19

Tura anintruiniak “Ii Yusri̱ Uunt Yussha ¿urukamtai ju̱nasha jú̱tikramajⁱ?” tuíniakuisha chicharainiak “Ju̱ nuṉkanam pujusrum Wíniaka iniaitiusrum nékashtai̱ najankamu yus shiir awajkuram takarsamarumna tímiatrusrumek nú nuṉkanam pujusrumsha yajaya̱ aents shiir awajkuram takarsattarme” tiartá.

Jrm. 5:25

Atumí yajauchiri̱n yajá juramkintrume tura atumí tunaari̱ni̱ṉ péṉkersha wáintsurme.

Jrm. 6:19

Maa nuṉkáa antuktarum. Tura iistarum. Winia chichamprun umitsuk Wi akupkámuncha ajapa iniaisaru ásarmatai ni enentáimsarua nútiksanak yamaikia jú̱ aentsun asutiáwartaj tusan tí yajauchin itiarainiajai.

Ukan. 3:15

Uuntka ti waittsatniun surusuiti tura umartinniaka ti yapan surusuiti.

Isk. 39:24

Núnisnak niṉkia tunáa túrutai̱ji̱a̱i̱ tura ni máakchari̱ji̱a̱i̱ métek túrawaran Winia yapirnasha ú̱rkarmajai” tímiayi.