Jrm. 4:16 - Yus Papí: Shuarja̱i̱ Yus Yamaram Chicham Najanamu

¹⁶ Tura uunt nuṉka mátsatkamu ainia nui̱ ashí etseratarum. Suntar jintiá iin yajaya̱ wininiawai tura pepru Jutanam irunainia nuna kajerkar kakantar chicharkartatui tusarum Jerusaréṉnumsha ántumtikiatarum.

Jrm. 4:16 Iomraidhean Croise

Isa. 39:3

Tura Yúsnan etserin Isayas úunt akupniun Esekíasan werí iniak “¿Tuyá̱ shuara káunkara tura amincha waritia turamainiawa?” Tutai Esekías aya̱k “Papirúnia yajá nuṉká ímiania̱ taarai” tímiayi.

Jrm. 1:15

Tura wi Uunt Yus asan araki̱a̱ akupin ainia nuna ashí untsukartatjai. Nu akupniúsha káunkar Jerusaréṉka wáitiri̱n núnisaṉ wenuke̱ kayaja̱i̱ téntakma ainia nui̱ nuyá̱ Jutanam pepru ainia nui̱sha ni akupkur pujutái̱rtiuk ashí matsamtúkartatui.

Jrm. 16:6

Tura nu nuṉkanam uuntcha uchisha jákartatui túrasha iwiarnaschartatui núnisaṉ úttancha útchartatui. Nin enentáimtusar aya̱shnium akamatnaksha akamakchartatui. Tura piniu awamatnasha awamarchartatui.

Jrm. 2:15

Úunt ya̱wa̱ uchirí̱ṉkia Israeran weruiniak júrur ajainiawai. Úunt ya̱wa̱ shiniakui antukar Israer nuṉkaka aya jú̱nik ajasárai. Tura pépruri̱sha ekemátramu ásar shuari̱sha atsá aya jú̱nik juákarai.

Jrm. 31:10

Maa, ashí nuṉkanmaya̱ shuartiram Uunt Yusa chichame̱ antukrum nayantsanam ayamach yajá matsatáinia nusha ju̱ nékamtikiatarum. ‘Uunt Yus Israer shuaran yajá tsakiṉmakarmia nuna ataksha irurartatui. Tura murikiu wáinin ni murikrí̱n irur wainia tímiatrus wáinkiartatui.’

Jrm. 39:1

Setekías Jutanmaya̱ úunt akupin ajasmaka uwisha nuiwi ámanum tura nántuka tias ámanum Napukutunusúr Papirúnianmaya̱ úunt akupin suntari̱ji̱a̱i̱ Jerusaréṉja̱i̱ mániktaj tusa tarí matsamtúkmiayi.

Jrm. 4:17

Warí Winia kajertukaru ásarmatai jintiá iin awajsarma núnis téntakar pujuráiniawai.

Jrm. 5:15

Iisiá, Uunt Yus chichaak “Israerá yamaikia nekaata, uunt nuṉka mátsatkamu yajaya̱ tí uunt núnisaṉ tí yaunchuya̱ ni chichame̱sha ámeka nekarchamun ámin ikiatkattajme. Ni chichaamusha nekarachartatme.

Jrm. 5:6

Nuna tura ásarmatai úunt ya̱wa̱ kampunniunmaya̱ jíintiurar esaiyartatui. Tura kampuntin atsunum matsamin rúpuka emeskartatui. Antsu ni pépruri̱ ainia nui̱ṉkia yampiṉkia nákarartatui. Kame Yus timian umiktinian nakitiáiniak peṉké ántichu ajasármatai péprunmaya̱ jiiniainiaka achia̱rma ártatui.

Jrm. 50:2

“Ashí nuṉkanmaya̱ aents matsatainia nu ishichiksha ú̱tsuk ju̱ chicham ashí túrunatta nu etserkatarum. Tura etserkuram ‘Papirúniaka emesnartatui. Túrunamtai najankamu yus Piir tura Martuksha natsanmai̱ juákartatui tura ántar yus najankamusha mash tsai̱niarartatui.’

Jrm. 6:18

Tuma asamtai ashí uunt nuṉka mátsatka áiniatirmesha tura aents iruntratirmesha túrunattana nu nekaatarum.

Jrm. 6:19

Maa nuṉkáa antuktarum. Tura iistarum. Winia chichamprun umitsuk Wi akupkámuncha ajapa iniaisaru ásarmatai ni enentáimsarua nútiksanak yamaikia jú̱ aentsun asutiáwartaj tusan tí yajauchin itiarainiajai.

Jrm. 6:22

Uunt Yus chichaak “Nekaatarum yamaikia, yajaya̱ aents arakaani̱ matsatu winitrámprume. Nuṉka náṉkatramunmaya̱ uunt nuṉka mátsatkamunmaya̱ aents tí untsurí wajarártatui.

Jrm. 6:23

Tíshimkiuja̱i̱ naṉkin takarainiawai. Peṉké netse waitnenkartichu áiniawai. Tuma ásar nayants nase wajataam uu ajak téter ajana tímiatmainiawai. Kawainium ekemprar chikichik áishmaṉka núnisar mesetnaka aya ajatrámas winitramui Seuna nawantri̱yá.

Jrm. 8:19

Pai yamaikia Wi shuara nawantri̱ yajá pujá winiak untsumui. ¿Nuikia Uunt Yuska Seúnnumka pujatsuk? ¿Kame ni úunt akupniuri̱ṉkia nui̱ṉkia atsawak? ¿Urukamtai nakumkamu yusja̱i̱ tura yajaya̱ itiamu ántar áiniana núja̱i̱sha akajtukuram?